مغتربة

كل عام وأنتم بخير .. أول أسبوع في السنة الجديدة ربنا يعيد علينا الأيام بخير

نبدأ  إن شاء الله  المنيو بتاعنا.. واتمنى ينال إعجابكم

إفطار : سيريال

اللانش : كيك \فاكهة

الغدا :كفتة مع بطاطس وملوخية وأرز أبيض

إفطار : بيض مقلي

اللانش : مكرونة بالجبنة

الغدا :كفتة مع بطاطس وملوخية وأرز أبيض

إفطار : ساندوتشات جبنة بيضا مع شيبسي

اللانش : هامبرجر وهوت دوج

الغدا : كبدة إسكندراني مع مكرونة بالصوص

إفطار : سيريال مع لبن

اللانش : نودلز

الغدا : باقي الأيام السابقة

إفطار : ساندوتشات جبنة مع شيبسي

اللانش : ساندوتشات باردة

الغدا : فراخ مقلية بالفرن مع مكرونة

إفطار : وافلز مع عسل وسيراب

الغدا :بيتزا بالتونة والجبنة

إفطار : بيض وفول

الغدا : باقي الأيام السابقة

الحلو هذا الأسبوع :كيكة التمر

السلام عليكم

صينية القرع العسلي بالبشاميل محببة لينا كلنا في البيت وتقريبا دي الطريقة الوحيدة اللي بنآكل بيها قرع عسلي لأننا مش بنحب الباي اللي هنا خالص

دي بقا طريقة صينية القرع العسلي على الطريقة المصرية بالبشاميل ولا أحلى .. إن شاء الله تعجبكم

الطريقة دي لازم لها قرع عسلي طازج يعني ما ينفعش تتعمل بالقرع العسلي المعلب اللي هنا لأننا بنحتاج لمية السلق بتاعت القرع بتكون أطعم في عمل البشاميل لكن لو مفيش خلاص إستخدموا المعلب ونعمل البشاميل باللبن فقط بدون عصير القرع

الوصفة دي على طريقة خالتي الغالية ودي الوصفة المعتمدة عندنا في العائلة .. بتتحشي مكشؤات وزبيب وفي مصر علشان المكسرات غالية ممكن نحشيها سوداني وزبيب وممكن تعملوها بدون مكسرات خالص برضو هتبقى حلوة وزي العسل

أترككم مع الوصفة والفيديو وإن شاء الله تعجبكم

صينية القرع العسلي بالبشاميل

2015-12-28 11:37:58

صينية القرع العسلي بالبشاميل على الطريقة المصرية

Write a review

Save Recipe

Print

Ingredients

1. ٢ باوند قرع عسلي مقطع ومقشر
2. ٢ كوب سكر - أو حسب الرغبة
3. رشة فانيليا- إختياري لكن يفضل
4. رشة قرفة - إختياري
5. زبيب ومكسرات للحشو

لعمل البشاميل

1. ٤ م كبيرة دقيق
2. ٣ م كبيرة زبدة غير مملحة
3. ١ كوب لبن حليب

Instructions

1. في قدر على نار متوسطة نضع القرع العسلي مع كوب ونصف من السكر ورشة الفانيليا ونتركها حتى تغلي مع التقليب
2. نتركها حتى تستوي قطع القرع وهنلاحظ نزول ماء القرع في القدر
3. نصفي القرع مع الإحتفاظ بماء السلق
4. في قدر آخر على نار متوسطة نسيح الزبدة ثم نضع الدقيق ونقلب حتى يصفر الدقيق ثم نضيف ماء السلق وكوب اللبن وباقي السكروالقرفة
5. نقلب بسرعة حتى يمتزج الخليط ويصبح سميك
6. في صينية الفرن نضع معلقتين كبار من خليط البشاميل في القاع ونوزعهم جيدا
7. نضع نصف كمية القرع المسلوق ثم المكسرات والزبيب
8. ثم نضع بقية القرع وعلى الوجه نضع البشاميل
9. تدخل فرن حار ٣٥٠ فهرنهايت حتى يتحمر الوجه
10. تأخذ تقريبا ٤٠ دقيقة على حسب الفرن
11. تترك لتبرد قليلا ثم تقطع وتقدم
12. وبالهنا والشفا

مغتربة http://moghtareba.com/

كل عام وأنتم بخير .. الإسبوع ده إن شاء الله نبدأ عام جديد يا رب يبقا عام سعيد بإذن الله علينا جميعا

نبدأ  إن شاء الله  المنيو بتاعنا.. واتمنى ينال إعجابكم

إفطار : سيريال

اللانش : كيك \فاكهة \ جزر

الغدا :سمك  وجمبري صينية

إفطار : ميني بان كيك مع عسل وسيراب

اللانش : ساندوتشات جبنة ولانشون

الغدا :فتة شاورما الدجاج

إفطار : ساندوتشات جبنة بيضا مع طماطم وفول

اللانش :نودلز مع فاكهة

الغدا :فتة شاورما الدجاج مع مكرونة بالصوص

إفطار : مخبوزات للإفطار بقسماط أو ميني بيتزا أو شوريك

اللانش : مكرونة بالجبنة

الغدا : باقي الأيام السابقة

إفطار : سيريال مع لبن

اللانش : باقي مخبوزات اليوم السابق

الغدا : مع الأصدقاء

إفطار : وافلز مع عسل وسيراب

الغدا : أسياخ الدجاج مع مكرونة

إفطار : بيض وفول

الغدا : حواوشي لذيذ

الحلو هذا الأسبوع :كيكة البرتقال الجميلة وكيكة جدتي

السلام عليكم

اليوم جايبة لكم مشروب خفيف وصحي وهو شاي اللومي الأسود

الشاي ده إحنا ما نعرفهوش في مصر لكن يعرفوه أهل الخليج .. طعمه كأنه ليموناتة لكن أنا عملته ساخن للظروف الجوية اللي بنمر بيها اليومين دول .. تحبوا تشوفوا

درجات الحرارة الأسبوع اللي فات وصلت عندنا -١٧ مئوية لأن نزل تلج بالهبل زي ما بنقول في مصر ولغاية دلوقتي مش راضي يسيح بالكامل ومتكوم على الأرض

المشكلة فعلا اللي بأعاني منها في التلج هي السواقة .. العربيات بتتزحلق كأنكم سايقين على زيت مخيفة جدا والصراحة العربية إتزحلقت قبل كدة مني مرتين وكانت رعب

البرد ده بيشوقنا للشوربات والمشاريب والنهاردة حبيت أقدم لكم مشروب ينفع شتوي وينفع صيفي على حسب إنت هتقدموه إزاي .. هو مر شوية لكن بيدفي وأسمع إنه حلو جدا للي بيعاني من مشاكل في الهضم .. وطبعا مليان فيتامين سي وبينفع في حالات البرد والأنفلونزا المنتشرة والله الحافظ

أتمنى تكون وصفة اليوم عجبتكم وإن شاء الله تجربوها وتعجبكم .. وبالهنا

شاي اللومي

2015-12-24 13:54:49

مشروب جميل منعش في الصيف ولذيذ ويدفي في الشتاء

Write a review

Save Recipe

Print

Ingredients

1. ٣ حبات لومي عماني
2. ١\٤ ك سكر - أو حسب الرغبة
3. ١ ونصف ك ماء
4. قليل من الزعفران - إختياري

Instructions

1. نشق حبات الليمون بسكين - أو نكسره ونستخدم قلب الليمون**
2. في براد نضع اللومي مع الماء والسكر والزعفران ونتركه حتى يغلي
3. نهدي النار ونتركه على الهادي لمدة ١٠ دقائق
4. نرفعه من على النار ونصفيه
5. يقدم ساخنا أو بارد
6. وبالهنا والشفا

Notes

1. **بعض الناس يفضل إستخدام قلب الليمون فقط بدون القشرة لأن القشرة أحيانا تسبب مرارة غير مرغوبة بالمشروب

مغتربة http://moghtareba.com/

السلام عليكم.. بدأنا أجازة الشتا وكل عام وإنتم بخير وقريبا يبدأ عام جديد علينا سعيد إن شاء الله يا رب جميعا وعلى أوطاننا وعلى العالم كله

نبدأ  إن شاء الله  المنيو بتاعنا.. واتمنى ينال إعجابكم

إفطار : بيض وجبنة

اللانش : ساندوتشات جبنة ولانشون \فاكهة \ جيلي

الغدا : شيش طاووق ومكرونة

إفطار : ميني بان كيك مع عسل وسيراب

اللانش : ساندوتشات هوت دوج وبرجر

الغدا :دجاج بالثوم ساندوتشات

إفطار : ساندوتشات جبنة بيضا مع خيار

اللانش :نودلز

الغدا :دجاج الجنرال تسو مع أرز أبيض

إفطار : سيريال مع اللبن

اللانش : مكرونة بالجبنة

الغدا : مخبوزات وفطائر

إفطار : شوريك مع لبن

اللانش : ساندوتشات جبنة ولانشون

الغدا : بواقي السابق

إفطار : وافلز مع عسل وسيراب

الغدا : كشري مصري

إفطار : ساندوتشات جبنة بالطماطم مع بصل أخضر يم يم

الغدا : باقي الكشري

الحلو هذا الأسبوع :حلويات المولد النبوي الشريف … كل عام وأنتم بخير