Amira

السلام عليكم

اليوم معايا وصفة لمحبي التخفيف والرجيم .. لذيذة جدا وكريمي وطعمها ما يبانش أبدا إن فيها معلقة واحدة فقط زبدة .. الوصفة تكفي شخصين بالراحة جدا والتخفيف اللي فيها إنها معمولة بالمية مش بالكريمة ومفيهاش جبنة كريمي واللا زبدة كتير ممكن تستبدلوا المية بالمرقة لو عايزين نكهة أعلى بس هي من غير الشوربة برضو حلو

كمان أنا زودت عليها فقط ربع كوب لبن خالي الدسم لمزيد من الكثافة لكن برضو من غيره كانت حلو وطعمها جميل

خدعة تانية ممكن تزودوا المشروم على حساب الدجاج علشان تقللوا من اللحوم وممكن تستبدلوا الأوراك بالصدور علشان تبقا أخف يعني إلعبوا بالوصفة براحتكم وفي كل مرة هتطلع حلوة بإذن الله

أسيبكم مع الوصفة والفيديو .. وأحب أنوه إن إن شاء الله مغتربة هتتغير في الأيام القادمة وأتمنى يكون التغيير للأحسن وهنرجع تاني نحط لكم ديلز وحاجات حلوة … تابعونا وإن شاء الله تلاقوا حاجات مفيدة ولو فيه أي سؤال أنا معاكم … سلام

وصفة خفيفة :: دجاج بصوص المشروم

2016-04-05 08:44:17

Write a review

Save Recipe

Print

Ingredients

1. ٢-٣ ورك أو صدر دجاج مخلي مقطع مكعبات
2. ٢ ملعقة كبيرة زيت زيتون
3. ١ ملعقة كبيرة زبدة
4. ملح وفلفل حسب الرغبة
5. ١ بصلة متوسطة مقطعة حلقات
6. ٢ ملعقة كبيرة دقيقي أو نشا
7. ١\٢ باوند مشروم مقطع حلقات سميكة
8. ١\٢ - ١ كوب ماء - يعتمد على رغبتكم في سمك الصوص **

إختياري

1. ١\٤ كوب لبن خالي الدسم
2. ** يمكن إستخدام مرقة دجاج للمزيد من النكهةز

Instructions

1. في طاسة على النار نضع الزبدة مع الزيت ثم نضع قطع الدجاج ونتبلها بالملح والفلفل
2. 
3. نستمر في التقليب حتى تبيض قطع الدجاج
4. 
5. نضيف حلقات البصل ونقلب تقليبتين حتى يذبل البصل
6. 
7. ثم نضيف المشروم المقطع ونقلب
8. 
9. نضيف معلقتين الدقيق ونقلب حتى يختفي تماما ثم نضيف الماء مع التقليب حتى يغلظ قوام الخليط
10. إذا بتحبوا ضيفوا أيضا ربع كوب لبن خالي الدسم
11. تترك على نار هادئة حتى تمام السوا
12. تقدم مع المكرونة أو الأرز
13. وبالهنا والشفا

مغتربة http://moghtareba.com/

 السلام عليكم

وصفة اليوم جديدة وغريبة علي بس جميلة جدا جدا وهي وصفة على ما سمعت أصلها يمنية وهي بتفكرني كتير بالفرينش توست بس دي على حادق وبتتعمل بالخبز العربي المدرو ويفضل الأسمر

الوصفة دي أنا عملتها أول مرة على اللانش وتاني مرة على الفطار وكانت فعلا جميلة وعجبتني أنا وزوجي جدا أولادي أكلوها مع الفول وعجبتهم برضو

أنا إستخدمت الخبز ده في عملها لكن ممكن تستخدموا أي نوع خبز موجود عندكم

الطبق ده ممكن للفطور\ اللانش \ الغدا ونعمل جنبه صنف بروتين تاني أو ممكن للسحور حلو جدا جدا

أتمنى تجربوه وإن شاء الله يعجبكم .. الآن أترككم مع الوصفة بالتفصيل الممل

السوسي اليمني

2016-03-31 00:05:45

طبق شهي وسهل يصلح لوجبة الإفطارظ لانش أو غداء خفيف مع صنف بروتين كما يصلح للسحور بشهر رمضان الكريم

Write a review

Save Recipe

Print

Ingredients

1. ٢ خبز عربي أسمر
2. ٣ بيضات كبيرة
3. ١ و ٣\٤ كوب لبن حليب
4. ٤ ملعقة كبيرة زبدة - مقسمة نصفين
5. ملح وفلفل
6. ١\٢ ملعقة صغيرة حبة البركة
7. ١\٢ ملعقة صغيرة سمسم - إختياري

Instructions

1. نرش صينية الفرن أو البايركس ببخاخ الزيت أو ندهنها بقطعة زبدة
2. نقوم بتكسير الخبز ونرصه في الصينية
3. نخفق البيض مع اللبن ونصف الزبدة مذابة مع الملح والفلفل
4. نسقي الخبز بخليط اللبن ونتركه خمس دقائق ثم ترش بالسمسم وحبة البركة
5. يحمى الفرن على ٤٠٠ فهرنهايت ثم ندخل الصينية
6. تترك حتى تتحمر من فوق
7. تخرج الصينية من الفرن ثم نوزع عليها ملعقتين الزبدة المتبقية ونتركها تسيح فوق الوش
8. تترك لتبرد قليلا ثم تقدم بالهنا والعافية

مغتربة http://moghtareba.com/