السلام عليكم
اليوم جايبة لكم بسكويت آخر طعامة .. جميل جدا جدا وألادي بيحبوه
بسكويت البرازق بسكويت سوري متميز جدا جدا وطبعا أكيد فيه فستق – إخواننا الشوام بيحطوا الفستق في كل حااااجة!! ما شاء الله واضح إنه رخيص عندهم مش غالي
زي مصر والدول التانية
البسكويت ده ممكن نعمله رقيق علشان يطلع مقرمش وممكن نعمله سميك شوية ويبقى طري وفي كل الأحوال جميل جدا جربناه بالطريقتين وكل واحدة أحلى من التانية
أنا ساعات أعمله بالسمسم فقط علشان أقدر أبعته مع الولاد المدرسة .. وأحيانا بأعمله بالفستق وأقول لهم علشان الحساسية يبقوا واخدين بالهم من اللي معاهم في المدرسة
١٠٠٪ بيتي وجميل وأحسن من الجاهز ينفع في اللانش بوكس بتاع المدرسة
أسيبكم مع الوصفة إن شاء الله تعجبكم وتجربوها

بسكويت البرازق
2015-12-30 10:11:17

Ingredients
- ١\٢ ك زبدة غير مملحة - بدرجة حرارة الغرفة
- ١ ونصف ك دقيق أبيض
- ١\٢ ك سكر بودرة
- بيضة مع رشة فانيليا
- ١\٢ م ص بيكنج بودر
- ١\٢ م ص خل أبيض
للتغطية
- ١ ك سمسم محمص
- ١ ك فستق
Instructions
- نخفق الزبدة حتى يصبح لونها فاتح ثم نضيف السكر ونخفق جيدا
- نخفق البيضة مع الفانيليا والخل ثم نضيفهم على خليط الزبدة
- نضيف الدقيق مع البيكنج بودر ونعجن جيدا حتى يختفي الدقيق
- نغطي العجينة وتوضع بالثلاجة لمدة ٣٠ دقيقة على الأقل حتى تتماسك
- نأخذ كرة من العجين ونفردها بسمك ربع إنش
- كل ما تكون رفيعة كل ما تكون مقرمشة أكتر
- نغمس البسكويت من ناحية في السمسم ومن ناحية أخرى في الفستق
- إذا كان السمسم صعب في لزقه على البسكويت يمكن إضافة القليل من العسل أو الشربات على السمسم حتى يلتصق جيدا
- يخبز في فرن ٣٥٠ فهرنهايت لمدة ٢٠ دقيقة تقريبا أو حتى يأخذ اللون الذهبي الفاتح من أسفل
- يترك ليبرد ويقدم بالهنا والشفا
مغتربة http://moghtareba.com/
Leave a Reply