السلام عليكم ورحمة الله وبركاته
أولا أحب أشكركم على دخولكم لمدونة مغتربة …أنا عارفة البداية دايما بتكون صعبة ولو دى أول مرة تدخلوا المدونة إحتمال كبير تتلخبطوا ومع كم المعلومات والعروض والتوفير إحتمال كبير ما تبقوش عارفين تبدأوا منين ودي شكوى وصلتنى الحقيقة من ناس كتير علشان كده قلت أعمل الصفحة دى زى خريطة توضيحية نبدأ منين وعلشان تفهموا أكتر المدونة ماشية إزاى
مدونة مغتربة هى مدونة غرضها الأساسى العيش ببساطة وبدون تعقيد ومحاولة مساعدتكم على التوفير بالذات بأمريكا وكندا لأن دى المنطقة اللى أنا عايشة فيها حاليا … يمكن فى بلادنا عارفين نشترى منين ونعمل إيه لكن فى الغربة الواحد بيكون أعمى على رأى المثل ولازم حد يآخد بإيدنا ويورينا الطريق منين وأتمنى إن مغتربة تكون هى الكتالوج لكل مغترب لإستغلال العروض والكوبونات وتوفير فلوسنا اللى كسبناها بعد تعب ومجهود مش بسيط
مغتربة بتثبت لكم كل يوم خطأ المثل القائل ” مفيش حاجة فى الدنيا ببلاش ” لأ فيه على الأقل بأمريكا وكندا تابعو العروض وإنتم هتلاقوا عروض فري كتير
أولا :: علشان تفهموا ليه مغتربة إدخلوا على قصة التحول الدرامى بتاعى من التبذير إلى التوفير تلاقوها هنــــا
ثانيا : بعد ما صدعن دماغكم بالقصة إدخلوا بقى على الطرق الشرعية اللى إكتشفتها للتوفير .. ومنها غرامى بالكوبونات
ثالثا :: لو لسه فيكم حيل تقدروا تدخلوا هنـــا لمعرفة طرق أخرى لزيادة الدخل
بعد ما عرفتوا كل ده تقدروا تتابعوا العروض المهمة لو كنتم بأمريكـــا أو كنــــدا
ولو إنتم فى أمريكــا تقدروا تدخلــوا هنـــا تدوروا على كوبون خاص بمنتج معين عايزين تشتروه
وما تنسوش عروض أعياد الميلاد الفرى بأمريكـــا أو كنـــدا
من هنــــا تقدروا تشوفوا إختراعاتى المنزلية من صابون ومعطرات وأفكار للمنزل – أوعكم بتطوير الصفحة دى وتنظيمها قريبا إن شاء الله
وطبعا زورونى فى مطبخى تجدوا ما يسركم 
إن شاء الله
وما تنسوش أوراق تعليم اللغة العربية للأطفال تلاقوها هنــــا
لو عندكم أى أفكار أو مقترحات تحبوا تشوفوها بمغتربة قولوا لى على طول أرحب بجميع المقترحات وشكرا لكم مرة أخرى