اليوم صباحا إستيقظت على ألم رهيب في الزور وتعب غير طبيعي… عندي برد لقطت الفايرس من أحد أبنائي وطبعا صاحبه كل الأعراض الغير محببة من رشح وصداع وتكسير في العظام وخلافه .. لدرجة إني حتى ما كنتش قادرة أفتح بقي وأتكلم – ودي طبعا ميزة خطيرة لأولادي أخيرا خلصوا من ماما وأوامرها :)المزعجة … بس على مين
sore throat كنت قرأت من قبل إن الواحد لما يكون عنده
بمعنى وجع الزور والإحساس إن فيه حاجة واقفة فى زوره وساعات بنحس إن فيه إفرازات مخاطية مصاحبة للبرد زي ما تكون لازقة في زورنا إننا ممكن نشرب ماء المخلل أي نوع … لأن ماء المخلل يحتوي على نسبة عالية من الخل واللي بيطهر ويعقم الزور وكمان بيدوب الإفرازات المخاطية
وفعلا شربت منه أقل من ربع كوب وحسيت إنه ريحني على طول وفي ساعتها زوري بطل يوجعني وصوتي طلع بس كان فيه عندي مشكلة واحدة إني ما أخدتش بالي إنها ميه مخلل فلفل حراق جدا فطبعا نافوخي ضرب من الشطة اللي فيه 
بس فيها ميزة إن الشطة فتحت لي الممرات الهوائية في الأنف واللي كانت مسدوده من البرد ههههه بس ما أنصحكمش بيها لأنها كانت شديدة جدا المرة اللي جاية هأشرب ميه مخلل زيتون واللا خيار أخف شوية
