لو بتحبوا القهوة وريحتها هتحبوا السكراب ده … أولا سكراب يعني مقشر لإزالة الخلايا الميتة من على الجسم وتنشيط الدورة الدموية وبعد إستخدامه يترك الجسم والجلد حيويا ومرطبا وناعما
بدل ما نشتري سكراب من المحلات هنا هأوريكم طريقة توفر فلوس وأيضا طبيعية ١٠٠٪ وبها مواد مساعدة لإزالة السيليوليت من الجسم وغير خطير على الجسم
من مميزات السكراب ده كمان إنه هيخلي رائحة الشاور أو الحمام جميلة جدا كلها فانيليا وقهوة وكأنكم قاعدين في ستارباكس ههههه
تعالوا نشوف هنحتاج إيه
نصف كوب قهوة مطحونة – بإمكانكم إستخدام القهوة التركي أو الأمريكاني أي نوع ولو عندكم سامبل يبقى خير
نصف كوب سكر بني أو عادي أو ممكن ملح خشن
نصف معلقة صغيرة من الفانيليا لإضافة رائحة جميلة
٢ معلقة كبيرة زيت جوز الهند – مفيد جدا للبشرة
٢ معلقة كبيرة زيت الخروع
الزيوت للترطيب البشرة وبإمكانكم إستخدام زيت البندق/ أو زيت الزيتون أيضا
ببساطة نخلط كل المكونات مع بعض جيدا ونحفظها في برطمان محكم الغلق … وتستخدم عادي كما يستخدم أي سكراب للجسم .. رائعة ورائحتها جميلة جدا أنصحكم بيها
ملحوظة : ينصح بعدم إستخدام السكراب أكثر من مرة واحدة بالأسبوع