إنما لو عندكم بوتجاز بسطح زجاجي … بتتوسخ العيون بتاعته وكمان بقى لما يقع عليها شوربة مثلا وتفور ونكمل طبخ بيكون سطح البوتجاز لازق عليه الأكل المحروق وتنضيفه بيكون صعب
إيزي أوف عاملين سائل لتنضيف سطح البوتجاز الزجاجي .. وطبعا غير سعره بيكون مليان كيماويات مش عارفين أصلها ولا فصلها
اليوم هوريكم طريقة سهلة جدا ومش مكلفة وطبيعية ١٠٠٪ لتنضيف سطح البوتجاز الزجاحي
:: كل اللي هنحتاجة
بيكنج صودا – نصف ليمونة – ماء ساخن- فوط مطبخ
ده شكل عين البوتجاز بعد الطبخ وهي مش نضيفة
تعالوا نشوف الخطوات
أولا :: نرش سطح البوتجاز بكمية من البيكنج صودا
ثم ننقع فوط المطبخ في ماء سااااخن جدا ونعصرها قليلا ثم نفردها فوق سطح البوتجاز … الحرارة والرطوبة بتخلي البيكنج صودا يتفاعل مع الأوساخ ويفكها من البوتجاز قليلا
ثم بإستخدام نصف الليمونة ندعك سطح البوتجاز خفيف في شكل دوائر ونعصر الليمونة وإحنا بندعك .. هنلاحظ فقاقيع كده بتطلع من تفاعل الليمون مع البيكنج صودا والدهون اللى على البوتجاز
بس خلاص بإستخدام بقى فوط للمطبخ نمسح سطح البوتجاز لغاية لما يلمع ونشيل من عليه كل البيكنج صودا
ام يوسف اروى says
ما شاء الله مبدعة حبيبتى كعادتك يتحلى لى الأزمات