Buy 1 Expo Dry Erase Markers, 4 pk $2.97, regular price
Use one $1.00/1 – Expo Dry Erase Marker 4 ct or higher
Or $1.00/1 – Expo Dry Erase Marker Product, 4 ct or larger from SS 7/26
Final Price: $1.97
أهداف هذا الأسبوع مع متابعة الأسبوع الماضي
الأسبوع الماضي كان عندي ضيوف أعزاء من السعودية وعلشان كده غبت شوية عن المدونة .. إستمتعنا بالصحبة والحمد لله
دلوقتي بقى مع متابعة للي حصل الأسبوع اللي فات وما تم تحقيقه وما لم يتم
أولا: أهداف شخصية
قراءة في كتاب : هارون الرشيد الخليفة المفترى عليه- لا زلت أقرأ فيه
صلاة القيام : مرتين على الأقل هذا الأسبوع – لم تتم
المواظبة على شرب ٢ كوب ماء قبل الوجبات وعلى الفيتامينات –تم والحمد لله
تمارين رياضية مرتين على الأقل بواقع نصف ساعة كل يوم- تمت
محاولة النزول في الوزن باوند هذا الأسبوع – نصف باوند فقط
المحافظة على الورد اليومي والصلاة على وقتها مع السنن- تمت والحمد لله
مع الزوج والأولاد
الخروج مع زوجي مرة للتمشية مثلا – لم تتم
إعداد الأولاد للمدرسة إن شاء الله- ربنا يوفقهم تمت
قراءة مع الأولاد بالمصحف الشريف – تم مرة واحدة
ترتيب وحجز أنشطة للأولاد هذا الشهر في حدود الميزانية – تمت الحمد لله
البيت
توضيب البيت وفتح الشنط وتوضيب بعد السفر – تمت
الإستعداد لإحتمالية النقل والعزال للمرة الخمسين منذ مجيئنا لأمريكا – إن شاء الله سيتم
المدونة
التدوين يوميا قدر المستطاع – لم تتم لوجود ضيوفنا الأعزاء
وضع خطة لمزيد من المقالات والتجارب في إصنع بنفسك ووصفات الطعام – لم تتم أيضا
وزي ما إنتم شايفين لم يتحقق الكثير من الأسبوع اللي فات لكن …. لا يأس مع الحياة وغن شاء الله الأسبوع ده يكون أحسن
والآن مع أهداف هذا الأسبوع إن شاء الله
أولا: أهداف شخصية
قراءة في كتاب : هارون الرشيد الخليفة المفترى عليه
صلاة القيام : مرتين على الأقل هذا الأسبوع
المواظبة على شرب ٢ كوب ماء قبل الوجبات وعلى الفيتامينات
تمارين رياضية ٣ مرات على الأقل بواقع نصف ساعة كل يوم
محاولة النزول في الوزن باوند هذا الأسبوع
المحافظة على الورد اليومي والصلاة على وقتها مع السنن
مع الزوج والأولاد
الخروج مع زوجي مرة للتمشية مثلا
بدء تعويد الأولاد على الروتين اليومي في الدراسة
قراءة مع الأولاد بالمصحف الشريف
البيت
تعبئة الهدوم الشتوي إستعدادا للنقل
المدونة
التدوين يوميا قدر المستطاع
وضع خطة لمزيد من المقالات والتجارب في إصنع بنفسك ووصفات الطعام
مطبخ مغتربة :: المنيو الإسبوعي من ١٠-١٦ أغسطس ٢٠١٥
أسبوع جديد علينا سعيد بإذن الله ونبدأ بالمنيو
كفتة أرز بالصوص مع أرز أبيض وسلاطة
تورتة المكرونة مع فراخ بانية بالفرن
بواقي
بسلة مع أرز أبيض وفراخ بالفرن
بواقي الأيام السابقة
كشــري
كشــري
الحلو هذا الأسبوع إن شاء الله: كيكة التمر اللذيذة
مطبخ مغتربة من المكسيك : إنشيلادا باللحمة المفرومة
السلام عليكم وأهلا بيكم في وصفة جديدة من مطبخي المتواضع
وصفتنا اليوم من المطبخ المكسيكي وأكيد الناس اللي عايشين في أمريكا يعرفوها كويس لأنها منتشرة ومشهورة هنا أو على الأقل سمعتوا عنها من البوفية بتاع مدرسة أولادكم .. مفيش مدرسة أولادي راحوها إلا وبتقدم إنشيلادا يوم في الأسبوع
إبني الكبير لا يمكن يجرب وصفة أو أكله ما يسمعش عنها قبل كده!!! ودي ميزة وعيب .. ميزة إنه كويس ما يجربش حاجة هنا ما يعرفهاش علشان ممكن يكون فيها حاجة من المحرمات.. وعيب لأني بأواجه صعوبة شدييييدة جدا إنه يجرب أي نوع أكل جديد
الإنشيلادا زي ما قلت لكم بتتقدم في مطبخ المدرسة كل أسبوع ولاحظت إن إبني بييجي اليوم ده ومش بياكل من مطبخ المدرسة وبيقول لي مش بأحبها والكلمة دي في حد ذاتها بتخليني أدور على الوصفة
وطبعا إخواته وراه طالما حسن أفندي قال مش حلوة يبقى الكل وراه مش حلوة 
.. قريت عن الوصفة وإخترت وصفة قريبة للطابع بتاعنا وممكن يتقبلها أولادي وعملتها ولاقت نجاح وإقبال كبير حتى من إبني اللي كان معترض عليها إعتراض شديد
الإنشيلادا عبارة عن خبز تورتيا ملفوف ومحشي باللحمة المفرومة وعليه صوص الإنشيلادا المكسيكي ومعاه كزبرة خضرا وبصل أخضر وريتون أسود مقطع وجبنة مبشورة
فيها شبه كبير من الكريب المحشي لكن بتتميز بالطعم والتوابل المكسيكي اللي موجودة بالصوص
التوابل فيها كمون نكهته عالية وبيكون مشطشط بس أنا خففت الشطة وإخترت نوع الصوص يكون مايلد يعني متوسط كمان إستخدمت جبنة موتزاريللا …الوصفات كلها بتستخدم جبنة شيدر مبشورة لكن أنا أولادي بيحبوا الموتزاريللا أكتر
جربوها إن شاء الله تعجبكم … من هنـــا فيديو قصير يوضح طريقة عمل الإنشيلادا
إنشيلادا باللحمة المفرومة
2015-08-05 18:16:38
طبق مكسيكي
للصوص
- ١ م ك زيت
- ١ م ك دقيق
- ١ علبة من الإنشيلادا صوص يمكنكم عمله بالبيت - الرابط بالأسفل
- ٢ كوب مرقة دجاج
- كزبرة خضرا مقطعة - حوالي ربع كوب
- ملح وفلفل
للحشو
- ١ ونص باوند لحمة مفرومة
- بصلة مقطعة
- ٢ م ك زيت
- ٢ علبة جرين تشيليز أو كوب فلفل حراق مقطع
- نصف كوب كزيرة خضرا مقطعة
- ملح وفلفل
- كوب بصل أخضر مقطع
- نصف كوب زيتون أسود مقطع
- ٣ كوب جبنة مبشورة
- ١٢ - ١٤ قطعة خبز تورتيا
Instructions
- في طاسة على النار نسخن الزيت ثم نضيف له الدقيق ونقلب جيدا ثم نضيف صلصة الإنشيلادا
- نضيف مرقة الدجاج ثم الملح والفلفل ونقلب
- نتركه على النار حتى يغلي ثم نهدي النار ونتركه حوالي ١٥ دقيقة حتى يكون سميكا
- في هذه الأثناء نقوم بتعصيج اللحم المفروم
- نسخن الزيت ونضيف البصل المبشور ثم اللحمة والبهارات حتى تستوي
- عند قرب السواء نضيف الجرين تشيليز ونقلب
- نمسح الخبز من الوجهين بالصلصة اللي أعددناها
- ثم نضع بعض من الكزبرة الخضرا والزيتون والبصل الأخضر
- نضع فوقهم اللحمة المفرومة والجبنة ونلف الخبز على شكل رول
- نصف رولات الخبز بجوار بعضها في طبق بايركس
- يصب فوقها المتبقي من الصوص المعد مع المتبقي من كل من الكزبرة والزيتون والجبنة والبصل الأخضر
- تدخل فرن مسخن مسبقا على ٣٥٠ فهرنهايت حوالي ٢٠ دقيقة أو حتى تسيح الجبنة
- تقدم ساخنة وبالهنا والشفا
رابط وصفة صوص الإنشيلادا
- -------------------------------------
- http://www.foodnetwork.com/recipes/emeril-lagasse/easy-enchilada-sauce-recipe.html
مغتربة http://moghtareba.com/
أمريكا :: سناكس ٥٠ سنت من ولمارت
بمناسبة بدء موسم المدارس .. كوبون بوجو جديد على سناكس
Buy 2 Smithfield Ready, Snack, Go! Snack, 1.5 oz $1.00, regular price
Use Smithfield Ready Snacks كوبون بوجو على
Final Price: $0.50 each, when you buy 2
أهدافي الأسبوعية
عدنا مرة أخرى للتواصل معكم ولكتابة الأهداف الأسبوعية أتمنى تكونوا إنتم أيضا لسه بتكتبوا أهدافكم
أولا: أهداف شخصية
قراءة في كتاب : هارون الرشيد الخليفة المفترى عليه
صلاة القيام : مرتين على الأقل هذا الأسبوع
المواظبة على شرب ٢ كوب ماء قبل الوجبات وعلى الفيتامينات
تمارين رياضية مرتين على الأقل بواقع نصف ساعة كل يوم
محاولة النزول في الوزن باوند هذا الأسبوع
المحافظة على الورد اليومي والصلاة على وقتها مع السنن
مع الزوج والأولاد
الخروج مع زوجي مرة للتمشية مثلا
إعداد الأولاد للمدرسة إن شاء الله
قراءة مع الأولاد بالمصحف الشريف
ترتيب وحجز أنشطة للأولاد هذا الشهر في حدود الميزانية
البيت
توضيب البيت وفتح الشنط وتوضيب بعد السفر
الإستعداد لإحتمالية النقل والعزال للمرة الخمسين منذ مجيئنا لأمريكا
المدونة
التدوين يوميا قدر المستطاع
وضع خطة لمزيد من المقالات والتجارب في إصنع بنفسك ووصفات الطعام
مطبخ مغتربة : المنيو الإسبوعي من٣ أغسطس – ٩ أغسطس
السلام عليكم .. عدنا والحمد لله وإن شاء الله نستأنف النشاط المعتاد بالمدونة .. وحشتونا جدا وإن شاء الله ترجعوا معانا تاني بتعليقاتكم وآراءكم اللي دايما بأحب أقرأها وبتسعدني
نبدأ إن شاء الله بالمنيو لهذا الأسبوع .. أتمنى يعجبكم
مكرونة بالبشاميل مع كفتة حسن باشا
فراخ في كيس الفرن مع خضروات وأرز أبيض
شيش طاووق مع بسلة بالصلصة وبطاطس وأرز أبيض
مكرونة ألفريدو مع دجاج مشوي
بواقي الأيام السابقة
بواقي الأيام السابقة
بيتزا بالجينة والخضروات مع بيتزا بالتونة