كفتة حسن باشا كفتة من المطبخ التركي لذيذة جدا جدا شيك شكلا وموضوعا وسهلة
الكفتة دي ما هي إلا كفتة عادية بس على راسها بطاطس مهروسة 
كممكن نعملها كورة أو نشكلها بكيس الحلواني
إستخدموا الوصفة المفضلة عندكم للكفتة مش صضروري تلتزموا بالوصفة هنا
الكفتة دي تنفع جدا للعزومات شكلها شيك وبنفس الوقت مش مكلفة ومش مرهقة أو متعبة يعني مجهودها تقريبا مجهود الكفتة العادية + البطاكطس المهروسة وممكن تتعمل بأكياس البطاطس المهروسة الجاهزة للتقليل من الوقت والمجهود
هنـــا فيديو قصير عن طريقة عملها وتشكليها .. أتمنى تعجبكم
كفتة حسن باشا
2014-12-29 12:22:12
كفتة حسن باشا من المطبخ التركي
للكفته هنحتاج
- ١ باوند لحمة مفرومة
- بيضة
- ١ معلقة كبيرة بقسماط ناعم
- ١ بصلة متوسطة مفرومة
- ١ فص ثوم مفروم
- ملح وفلفل أسود حسب الرغبة
للبطاطس المهروسة
- ٢ باوند بطاطس مسلوقة ومقشرة
- ٤/٣ كوب لبن أو كريمة
- ٢ معلقة كبيرة زبدة غير مملحة
- ملح/ فلفل
إختياري
- صوص طماطم وجبنة موتزاريللا مبشورة
Instructions
- نخلط كل مقادير الكفتة معا جيدا
- نهرس البطاطس المسلوقة مع اللبن والزبدة والملح والفلفل
- نكور اللحمة لكور متوسطة وبالأصابع نحاول عمل شكل شبه الفنجان
- نغرف كرة من البطاطس المهروسة بالمنتصف
- نغرف القليل من صوص الطماطم في طبق الفرن - إختياري - ونضع الكفتة في الطبق
- لمزيد من التزيين يمكن عمل البطاطس فوق الكفتة بإستخدام كيس الحلواني
- توضع في فرن مسخن مسبقا على ٣٧٥ فهرنهايت لمدة ٢٠ دقيقة
- نخرجها من الفرن ونرش عليها جبنة موتزاريللا
- وترجع الفرن ١٠ دقائق أو حتى يحمر الوجه
مغتربة http://moghtareba.com/
جميلة اوووى تسلم ايديك
الف هنا
انا جبت عجانة900 وات
مولينكس مك
تقفيل الصيين
مكتوب انها تعجن فقط800جرام دقيق ع الكرتونة والكتالوج كاتب تعجن500جرام دقيق كويسة ولا ارجعها بصراحة اكلك جميييل
على حسب حجم أسرتك وعلى حسب سعر العجانة … مثلا أنا لما إشتريت واحدة كان عرض خطير وكان فيه عرض برضه على الأكبر منها وناس كتير قالت لي هاتي الكبيرة ومع إن أسرتي ٥ أفراد إلا إني قولت خليني في الصغيرة … لما بأحتاج أعجن كتير لبأقسم العجينة على إتنين وخلاص وده مش بيحصل كتير والحمد لله وبالتالي العجانة الصغيرة ملائمة لي ومش محتاجة الكبيرة .. ومبروك عليكي العجانة الجديدة
عايزين نشوف الإبداعات