الشيش طاووق من ألذ وصفات الدجاج وأسهلها ومحببة جدا للصغار
ممكن تضعوها في أسياخ الشي وتشوى على الجريل أو بالفرن
وممكن تضعوها في صينية وتوضع في الفرن سهلة ولذيذة
ممكن تعملوها بصدور الدجاج لكن لما تتعمل بالأوراك تكون أحلى بكتير
قدموها مع أرز أو مكرونة وسلطة وأنا قدمتها مع بطاطس بالفرن سهلة جدا جدا
أحسن بكتير من البطاطس المقلية
وصفتها سهلى نجيب بطاطس وتقطع طوليا كأنها هتتقلي ونتبلها بالثوم المفري والبهارات اللي تحبوها وملح وزيت
ثم توضع في الفرن على ٤٠٠ فهرنهايت
حوالي ٤٥ دقيقة
وبالهنا والشفا 
أتمنى تجربوها
من هنـــا فيديو قصير يوضح لكم طريقة عمل الشيش طاووق
الشيش طاووق
2014-11-17 17:09:04
هنحتاج
- ٢ باوند أوراك دجاج مخلية
- ٨ فص ثوم مفري
- ٢/١ كوب زبادي
- ٣/١ كوب مسطردة
- عصير ليمونة
- ٢ معلقة كبيرة خل أبيض
- ٢/١ معلقة صغيرة جنزبيل بودرة
- ٢/١ معلقة بهارات مشكلة
- ٢/١ىمعلقة صغيرة بابريكا
- ٤/١ معلقة صغيرة حبهان مطحون
- ٤/١ كوب زيت - أي نوع
- زعتر - حسب الرغبة وضعت ربع معلقة صغيرة
- فلفل أسود وملح
- فلفل ملون وبصل
Instructions
- نفرم الثوم ويوضع مع البهارات
- والملح والفلفل وباقي مكونات التتبيلة معا
- تخلط جيدا
- نقطع أوراك الدجاج لمكعبات
- توضع قطع الدجاج في التتبيلة وتقلب جيدا
- تترك في التتبيلة لأطول فترة ممكنة-تركتها حوالي ٨ ساعات
- نقطع الفلفل والبصل مكعبات
- تشك في أسياخ الشي
- يمكنكم وضعها بالفرن بدون الأسياخ لعملها صينية للتسهيل
- تشوى على الجريل أو بالفرن
- ممكن نقدم معاها أصابع البطاطس بالفرن
- تقطع البطاطس أصابع رفيعة وتتبل بالثوم وويت الزيتون والملح
- وروز ماري وزعتر وأي توابل تحبوها ثم في الفرن ٤٠٠ فهرنهايت
- تقدم مع سلطة خضراء وبالهنا والشفا
مغتربة http://moghtareba.com/
تسلم ايديك يا جميل ميرسي لاهتمامك هجربها قريب
عندي سؤال معلش خارج الاكل تعرفي أدور ازاي علي
ستوديو تصوير
photo shoot عايزه أصور بنتي
وتتطبع علي كروت
فيه ستوديوهات تصوير في كل مكان تقريبا يعني أنا بأشوف في ولمارت وكمان فيه في ميسيز .. دلوقتي فرصة هايلة على فكرة بيكون فيه أكواد تخفيض اليومين دول علشان الكريسماس .. وربنا يخليها لك وتفرحي بيها وتصوريها صورة الفرح يا رب
ميرسي يا جميل علي دعوتك الحلوه دي