وصلنا أكتوبر!!! فعلا؟!!! الوقت بيجري بسرعة رهيبة مش قادرة أصدق إننا فعلا على أعتاب ٢٠١٦ خلاص .. ربنا يبارك في أيامنا وأعمارنا ويجعلها في طاعته سبحانه وتعالى ورضاه عنا
هنبدأ المنيو الأسبوع ده بسمك لأننا بقالنا كتيييير ما أكلناش سمك يمكن من ساعة ما رجعنا من مصر .. الجو هندنا بدأ يسقع ودرجات الحرارة إنخفضت في إعلان سخيف عن قدوم فصل النوم والزحلقة في الشوارع من التلج ياااة أنا فعلا مش بأحب فصل الشتا هنا الدنيا بتضلم بدري ده غير إن جالي مرض الخروجوفوبيا وهو مرض الخوف من الخروج في الشتا علشان العربية بتتزحلق في التلج والحوادث … ربنا يستر
Leave a Reply