مغتربة

قبل كده إتكلمنا عن الكوبونات ومنين نجيبها فى أمريكا من هنــــا ودلوقتى نشوف كندا

بعض النقاط اللى ذكرناها فى موضوع أمريكا تنفع برضه لكندا

 

 

كمان دول بعض المواقع اللى ممكن تطلبى منها كوبونات تتبعت لك على البيت

المواقع دى هتحتاج منك إنك تعملى إسم مستخدم وباسوورد عليها وإبقى راجعيها

كل أسبوع تقريبا وإختارى الكوبونات اللى عايزاها تتبعت لك على البيت

https://www.websaver.ca/en_ca/coupons/

http://www.save.ca/coupons

https://www.brandsaver.ca/en_ca/coupons/

http://www.gocoupons.ca/

 

ودى مجموعة من الشركات اللى ممكن تبعت لك كوبونات بتعتمد عليكى وعلى طريقة طلبك للكوبون كمان على اللى بيرد عليكي فى

التليفون أو الإيميل لكن تستحق المحاولة ( ملحوظة لما تكلميهم فى التليفون هتشكريهم على منتجاتهم الجميلة والكواليتى وممكن الست

تسألك أى منتج تحبيه أكتر كونى مجهزة رد ومجهزة منتج جنبك لأنها ممكن تسألك على البار كود بتاع المنتج)

الشركات هى : ( إضغطى على إسم الشركة) ء

 

Babybel

 

Iams

 

Kruger

 

Sc Johnson – Scrubbing Bubbles

 

Sc Johnson – Glade

 

Sc Johnson – Ziploc

 

Primo

 

Johnson & Johnson:

ممكن تبعتى ليهم إيميل أو تكلميهم فى التليفون كل شهر مرة يوصلك كوبونات لمنتجات مختلفة زى منتجات للبيبى وتايلنول وأفينو وغيرها من منتجات الشركة وده الإيميل بتاعهم

click here
نمرة التليفون: 1-866-565-2229

Playtex:

 كلميهم مرة كل6 شهور علشان توصلك كوبونات منهم
نمرة التليفون: 1-800-387-1300

Chapmans:

تقدر تبعتى ليهم مر واحدة بس فى السنة يوصلك الكوبونات بتاعتهم.
الإيميل: click here

Colgate-Palmolive:

 الإيميل click here

Cavendish:

إيميل الشركة click here

Old Dutch: الإيميل: consumercare@olddutchfoods.com

Whiskas:
إيميل: click here

Campbells:
إيميل: click here

Tetley:
إيميل: click here

Dole:
إيميل: click here

Purina:

إيميل: clickhere

Natrel:
إيميل: click here

John Frieda:
إيميل: click here

الكوبونات عادة بتيجى مع جرنال يوم الأحد المحلى الخاص بالولاية أو المقاطعة بتاعتك وبيكون شكلها زى كده

طيب إزاى أجيب الجرنال الأسبوعى

 

1- كلمى الجرنال نفسه

وشوفى إيه العروض اللى ممكن تكون عندهم فى الوقت الحالى وإشتركى ليوم الأحد فقط ( مش محتاجين باقى الأيام الأخبار عندك على الإنترنت) وهم فى الغالب بيكون عندهم عروض خاصة

 

2- تابعى عروض

GROUPON

ده ويب سايت بيعمل عروض خراافيه كل شوية لكن أغلبها بصراحة للمطاعم والجيم وخدمات الكوافير وكده لكن برضه ساعات بيعمل عروض هايلة على الستورز يعنى مثلا إشترى جيفت كارد لول مارت ب 10 دولار وقيمته عشرين فكأنك عملتى 50% تخفيض على مشتروات ب 20 دولار وهكذا الويب سايت ده بيعمل عروض على إشتراكات المجلات والجرايد برضه

 

3- شوفى الويب سايت ده

تلاقى ديسكاونت على الجرنال المحلى

 

 

4- Dollar store
محل كل شئ بدولار بيبيع جرنال يوم الأحد بدولار

 

وأخيرا أحب أقول وأنبه محدش يدفع أكثر من دولار ونص فى الأسبوع ( لو لازم تدفعى)علشان الجرنال وإلا يبقى مفيش منه فائدة

 

بصراحة بقى كل اللى فات ده أنا معملتهوش وما أنصحش حد يعمله إلا لو خلااااااااص مفيش مفر يعنى أدفع فلوس علشان أوفر
أنا أحب الحاجات المجانية

 

تعالى بقى نشوف الطرق المجانية اللى تجيبى بيها الكوبونات إيه؟

 

 

1- Craig’s List

طبعا أكيد كلكم عارفينه إعملى إعلان عليه إنك محتاجة كوبونات يوم الأحد وهتلاقى ناس يبعتوا لك إنك لو عايزاها خديها إما مثلا تخلى زوجك يعدى عليهم كل أسبوعين واللا حاجة على فكرة فيه ناس كتير قوى بترمى الكوبونات ومش بتديها أهمية خالص

 

2- إسألى الجيران (لو ليكى علاقة بيهم) أو

زملاء زوجك فى الشغل ( شغل زوجى قبل التقشف كانوا بيجيبوا جرنال الأحد)أو أصدقاء ليكم أو مثلا فى الجامع حطى إعلان لو فيه حد ممكن يديلك الكوبونات بتاعته ما تخجليش مفيهاش أى حاجة خليكى فرى وحبى الحاجات الفرى و بلاش عقد

 

3- لو بتحبوا تروحوا ستارباكس

أو تآخدوا الأولاد ماكدونالدز روحوا يوم الأحد بعد الظهر فيه ناس كتير بتشترى الجرنال وتقرآه هناك وتسيبه على الترابيزة علشان لو حد عايز يقرآه ممكن تلاقى حد سايبه أو إسألى اللى عند الكاونترلو فيه حد ساب جرنال يوم الأحد (أنا ما جربتش الموضوع ده لكن لما كنت بأروح مش بألاقى جرايد خالص بس فيه ناس جربته وعايشه عليه ) ن

 

4- فتحى عينك وإنتى ماشية فى الستور

بالذاااااااااااااااات ولمارت بيكون حاطط كتير قوى

manufacture coupon
خدى الكوبون على طول ما تعرفيش إمتى هتحتاجيه ما تسيبيش ولا كوبون الطريقة دى أنا أخدت منها كوبونات كتير

 

5- تابعينى فى السامبلز  إن شاء الله

أقول لكم عليها على طول إشتركى فيها على طول وما تتأخريش علشان مش بتقعد كتير ساعة واللا إتنين وتلاقيها خلصت بتجى لك سامبلز على البيت ومعاها كوبونات قيمة جدا للمنتج

 

6- إطبعى كوبونات الإنترنت للمنتجات اللى بتحبيها

وأنا إن شاء الله على طول هأقول لكم على أى هوت ديل ألاقيه ومنين تطبعى الكوبونات

 

7- دى بقى ظريفة جدا وعملتها أكثر من مرة

كلمى الشركة أو إبعتى لهم إيميل وقولى إن منتجاتهم حلوة وجميلة وكتكوتة وبتحبيها جدا جدا وإسألى إذا كانوا ممكن يبعتوا لك كوبونات للمنتجات اللى بتحبيها بيكونوا مبسوطين جدا جدا وبيردوا عليكى وبيدولك العروض اللى عندهم حاليا … مرة أنا كلمت شركة أسأل عن منتج ليهم فيه بورك ( خنزير) واللا لأ الست أخدت عنوانى وبعتت لى كوبونات حلوة قوى
على المنتجات اللى أنا بأشتريه منهم يعنى من الآخر هم بيتبسطوا وإنت كمااااااان

 

8- لو تعرفى حد بيستخدم الكوبونات

أو ممكن تعملى إعلان على برضه كريج ليست لو جت لك كوبونات مثلا مش عايزاها زى كوبونات أكل للكلاب

مثلا وإنت مش عندك كلاب إعملى

coupon exchange

تديلهم كوبونات أكل الكلاب  وتآخدى إنت كوبونات لمثلا حفاظات الأطفال لو عندك بيبى يعنى من الآخر حاولى على قد ما تقدرى تكون كوبوناتك ببلاااااااااااش

 

على فكرة اللى موجودين فى كلورادو فيه

publication
تبع الدنفر بوست إسمها

YES Publication
دى أول سنة ليها بتتبعت مجانى كلميهم وقولى لهم إنك عايزاها وإشتركى فيها

وأولا وأخيرا خليكى مبدعة وحاولى تنتهزى أى فرصة تيجى لك إنك تحصلى على كوبونات أنا أسمع عن ناس بتكون ساكنة فى كوميونيتى( وجنب صناديق البريد بيكون هناك باسكيت صغير للريسايكل كتير ناس ترمى فيه الكوبونات اللى بتيجى لهم بالميل)
هم بقى بيروحوا يدوروا فى الريسايكل باسكيت

طبعا أنا مش بأقول لك تعملى كده لكن أنا قصدى فيه ناس بتدور على كوبونات فى أى مكان ممكن تلاقيه إنت كمان فتحى عينك كويس لأى كوبون وخديه ويا ريت لو فيه حد عنده فكرة تانية يقول لنا ويفيدنا ولكم الأجر

هأبدأ معاكم سلسلة من التجارب والخطوات اللى أنا إتبعتها للتوفير والنصائح اللى أتمنى إنها تنفعكم وتستفيدوا منها

أول نصيحة هى الكوبونات

أبدا أبدا أبدا ولازم ولابد تحاولى بشتى الطرق إنك مفيش حاجة تشتريها بسعرها العادى أبدا

بالنسبة للخضروات والفاكهة ومنتجات الألبان والبيض دائما تراجعى إعلانات كل أسبوع وتحددى
مين الستور اللى بيكون عنده أقل سعر للبن والحاجات اللى إنت محتاجاها

الخبز مثلا أنا بأشتريه من الأوتليت

Factory Outlet

ده الخبز التوست بيكون تقريبا بنفس سعره عند كوسكو لكن الفرق إنك بتشترى متنوع أكتر من كوسكو علشان
بيكون فيه أنواع كتيرة وأشكال وماركات فى الأوتليت لو مش جنبك أوتليت إشتريه من كوسكو
كمان الخبز الفينو أو الصامولى فى كوسكو أرخص سعر له حتى عن الأوتليت

الكوبونات وسيلة هائلة للتخفيض وممكن تآخدى حاجات كمان ببلاش عن طريق إستخدامك للكوبونات
ودى شوية حاجات من اللى أنا أخدتها ببلاش عن طريق الكوبونات والعروض

مش دى وبس فيه حاجات تانية لكن دول اللى قدرت أفتكرهم دلوقتى

فيه ناس تقول مش هأقدر أو الكوبون بيكون بمبلغ بسيط زى مثلا 25 سنت ما يساويش
وجع القلب وتقطيع الكوبونات …. لأ ما تسيبيش نفسك تسمعى للناس دى
وما تلاقيش لنفسك حجج وأعذار إبدأى وتوكلى على الله ومنه التوفيق وأنا معاكم
إن شاء الله أوريكم فين تلاقوا أحسن عرض وبكام

و لازم نرفع شعار الكوبونات للجميع

 

لقراءة باقى الخطوات

الخطوة الأولى : إستخدام الكوبونات     من فين أجيب الكوبونات ؟ أمريكـــا – كنــدا

الخطوة الثانية : لعبة الصيدلية ج١ – ج٢– ج٣

الخطوة الثالثة : تحديد الميزانية الأسبوعية أو الشهرية والإلتزام بها

الخطوة الرابعة : التخطيط للمنيو ج١ – ج٢

الخطوة الخامسة : عمل مخزون المواد الغذائية ج١ – ج٢

وبدأت ألاحظ إن زوجى مهموم وباله مشغول دائما وتعبان وشايل فعلا جبل هموم الديون

وزى ما أكون فقت لما شفته بالحالة دى كنت فى غفلة من الزمان والمكان

 بدأت أفكر فى حلول بينى وبين نفسى ووافقت على الإنتقال للبيت بتاع الراجل اليابانى

تانى حل طرأ على بالى إنى أشتغل وأحاول أنظم وقتى بين البيت والشغل عادى يعنى ما أنا كنت

بأشتغل فى مصر ومجال العمل بتاعى مطلوب جدا فى أمريكا وإن شاء الله ألاقى شغل ولو مبتدأة

وبدأت فعلا أبحث على الإنترنت بس الحل ده حلو لكن بيوجع لى ضميرى علشان الأولاد …

هأسيبهم فى المدرسة لغاية الساعة 6 وإبنى الصغير هأشوف له داى كير كنت سمعت إن فيه

واحدة مسلمة فاتحة داى كير للولاد الصغيرين طيب وابعد عن ولادى كل ده

وأفكار كتير وحواديت فى دماغى ومش عارفة أطلع من فكرة وأدخل فى اللى بعدها

طيب أعمل إيه؟

زوجى كان بيقول لى عايزة تشتغلى إنتى حرة بس لو بتحسبيها ماديا شوفى تكاليف الحضانة وتكاليف ولدين فى المدرسة وحطى عليهم

تكاليف البنزين وتكاليف مثلا لبس وهدوم وصيانة عربية يبقى لازم المرتب يكون بيغطى ده كله وكمان أكتر للتعويض عن وجع الدماغ

ولاقيت كلامه صح فعلا لازم الشغل يغطى ده وزيادة علشان يبقى منه فايدة مادية على الأقل

وبحثت أكتر فى الإنترنت ووقع فى إيدى كتاب لواحد إسمه كيوساكى

Robert Kiyosaki

الراجل ده غير عندى مفاهيم كتيرة جدا كان بيتكلم عن نقطة مهمة وهى إن الواحد مهما أخد فلوس بيدخل فى تكاليف بقى وبيحسن

مستوى معيشته بعربية أو بيت أو أو ويرجع تانى يبقى عايز فلوس أكتر وهكذا

وقلت لنفسى ليه الواحد يدور إنه يزود دخله طيب ما يبص لمصاريفه ويقللها من غير ما أشتغل وأبعد عن أولادى بالعكس وأكون حرة

نفسى ولا بقى مدير آخد منه الإذن علشان إبنى تعبان ولا أنزل مصر أسبوع واحد أتحنس بشوفة أهلى وأرجع على طول علشان الأجازات

وبدأت أدور على طرق لتقليل المصاريف من مشتروات أسبوعية للأكل برة اللبس البنزين وفاتورة الغاز وهكذا

ومن هنا بدأ مشوارى مع التوفير بعد ما بدأت الغربة بالتبذير

أنا للأسف لم أعى جيدا قول رسول الله صلى الله عليه وسلم حينما وصانا أن نخشوشن لأن النعمة لا تدوم ولا فطنت لقول سيدنا عمر رضى

الله عنه حينما قال للرجل أوكلما إشتهيت إشتريت؟

علشان كده عايزة أعرفكم على طرق للتوفير بعضها ينفع لأمريكا وكندا فقط وبعضها ينفع من أى مكان فى العالم

وإتعلمت درس كبير مش ضرورى يكون عندك مشكلة مادية ومش لازم تستنى إن يحصل لك عجز فى موازنة البيت لكن إيه المانع إنك

توفرى فلوس زوجك ليكى ولأولادك ولزوجك

ومن هنا نشأت فكرة المدونة أو بلوج مغتربة هو بلوج يعلمك التوفير سواء فى الغربة أو فى وسط أهلك هو بلوج نتناقش فيه ونتحاور

ونستفيد من تجارب بعض علشان نبقى أمهات أحسن وزوجات أفضل

لقراءة باقى الأجــزاء

الجزء الأول

الجزء الثانى

الجزء الثالث

الجزء الرابع

الجزء الخامس