مغتربة

 Always Discreet Very Light Regular Length Liners, 26 ct $2.72
Use one $2.00/1 – Always Discreet Incontinence Liner
Final Price: $0.72

كوبونات أخرى ذات صلة قد تفيدكم

 

ملحوظة : بطباعة الكوبونات السابقة تساعدونني في السابقة على المدونة شكرا لكم .. للمزيد عن سياسة الخصوصية إقرأوا هنـــــا

 

وأخيرا ظهر للنور المفروض كان يظهر الأسبوع اللي فات لكن لظروف النقل والبرد الشديد اللي كان عندي إتأخرت وأعتذر لكم وبشدة

أقدم لكم متابعيني الأعزاء باكورة العمل المشترك بيني وبين فريق عمل موقع إسلام واي بركن الأطفال جزاهم الله عنا خير الجزاء

موقع إسلام واي عنده مجموعة من القصص القصيرة يمكنكم قراءتها لأطفالكم أو لو أطفالكم يعرفوا الحروف ممكن يتدربوا بها على القراءة .. قصص مفيدة وهادفة وأكثر من رائعة بإذن الله .. الله يبارك في جهودهم ويجعلها بميزان حسناتهم

وعلى غرار ما نرى من أوراق تعليمية على القصص الغربية أحببت أن أقدم لأطفالنا أوراق تعليمية على هذه القصص الرائعة تفيدكم في تعليمهم اللغة العربية ولاأطلب منكم سوى الدعاء لنا جميعا بان يجعلها الله خالصة لوجهه الكريم

أتمنى أسمع تعليقاتكم وأتمنى تساعدونني بنشر هذه الأوراق لكل من يريد تعليم أولاده اللغة العربية بالذات بالغربة .. ولا تنسوا الدال على الخير كفاعله

من هنـــا تقرآوا القصة .. وهنـــا تقدروت تنزلوا الأوراق لمرحلة ما قبل المدرسة أة البري سكول

إن شاء الله نستكمل الأوراق لمراحل التعليم التالية .. أنتظر تعليقاتكم سواء مشجعة أو منتقدة لتحسن الأداء

الإنتقال لمنزل جديد أصغر مش دايما تجربة كويسة لكن في حالتنا كان فعلا تجربة إن شاء الله أتوقع إننا نتعلم منها كتير

بالتأكيد هي مش تجربة مريحة على الأقل في الأول .. يعني زي ما إنتم شايفين الصناديق  تقريبا ماليه البيت ومفيش مكان نفكها أساسا .. المساحات الفاضية قليلة جدا

من أقل من سنتين نقلنا في بيت كبير وواسع وحلو وجميل .. لكن مع الوقت حسيت إنه مش مناسب لينا أو على الأقل مش في الفترة دي من حياتنا … ليه؟ هأقول لكم

البيت الكبير … متعب جدا في التنضيف والتوضيب بالذات لما يكون عندكم صغار وبالذات لما يكونوا أولاد .. التنضيف وراهم صعب وبهدلتهم كتير

البيت الكبير … بيساعد على الكراكيب والشراء الكتير .. اللي ليه لازمة واللي مالهوش طالما فيه مكان يبقى نشتري ونخزن ونكوم ونكركب .. كبار وصغيرين

البيت الكبير … مصاريفه كبيرة على قده .. من تدفئة لتبريد وميه وعناية بالباك يارد وخلافه من مصاريف صيانة

البيت الكبير … مش بيشعرني بالأمان بالذات مع الأطفال الصغيرة .. يعني أنا بأقضي أغلب وقتي في المطبخ أو على اللابتوب ولما حد بيختفي شوية مش بأبقى عارفة هو فين .. فوق واللا تحت بيعمل مصيبة إيه واللا بيلعبوا في إيه

 

دي كانت إعتراضاتي على البيت الكبير . طبعا دي إعتراضات شخصية تتوافق مع حجم أسرتي وأعمار ونوعية الأطفال فيها يعني مش ضروري كل الناس تتوافق معايا في الرأي .. لكن الأكيد اعتقد لأغلبنا هو موضوع الكراكيب ده .. كلما بنكركب بمجرد ما نلاقي المساحة اللي تسمح بكده

 

من فترة صديقة لي وريتني  حلقةمن برنامج خواطر .. رائعة فعلا فعلا أنصحكم تتفرجوا عليها

 

هزتني كثيرا جدا وأشعرتني بضرورة وجود وقفة مع النفس والزوج والأولاد .. فكرة الإستهلاك والشراء التي سيطرت على حياتنا مؤخرا – أو من وجهة نظري أنا  مع إننا قليلين جدا في الشراء والإستهلاك مقارنة بالكثيرين – لكن أنا مش عايزة أعود أولادي على كده

 

كيف أعود نفسي وأولادي على قلة الإستهلاك

في البداية فكرت أن أحذو حذو السيدة الي بالفيديو .. لكن طبعا هيكون صعب علينا ولو إن طالما هي قدرت يبقى إحنا كمان نقدر وليه لأ ؟!! إحنا أولى بإتباع نهج الصحابة والتأسي بهم وأخذ ليس فقط في الدنيا ولكن ثواب في الآخرة إن شاء الله

 

إن شاء الله هأبدأ واحدة واحدة في تبسيط حياتنا ورفض الكراكيب تأسيا بسيدنا محمد عليه الصلاة والسلام وصحابته الكرام

وهأوريكم عملت إيه يمكن أقدر أساعدكم ويبقى لي جزء من الثواب برضه

 

وعلى الرغم من إن بيتي الجديد مساحته أقل من نصف مساحة البيت اللي فات إلا إنه بالنسبة لي مريح والحقيقة مساحته أكبر من أي شقة تانية عشت فيها وعلى الرغم إنه مفيهوش أماكن للتخزين كتيرة إلا إن لسه فيه حاجات حلوة أحلى من بيتي الكبير ومنها المطبخ

معلش المطبخ طبعا مكركب لكن فعلا شكله أحلى بكتير وإن شاء الله واحدة واحدة نتخلص من كل اللي مالهوش لازمة بالمطبخ وبحياتنا كلها

 

إن شاء الله حتى لو حبينا بعد فترة ننتقل لبيت آخر شراء أو إيجار لن أختار بيت كبير في المساحة ولن أكركب بعد اليوم بإذن الله

 

أخيرا .. أحب أعتقد إن البيت الكبير كان درس عملي لي في حياتي والحمد لله فهمنا الدرس وأتمنى نسير على هدي الحبيب ويكون لنا الأجر إن شاء الله

تابعوني وشاركوني رحلتي لتقليل الكراكيب وتقليل الإستهلاك

المنيو الإسبوعي هذا الأسبوع إن شاء الله

الإثنين

ملوخية وأرز مع دجاج مشوي

 الثلاثاء

صينية بطاطس بالكفتة مع أرز

الأربعاء

بواقـــي

الخميس

قلقاس مع شوربة ودجاج مسلوق وبالفرن

الجمعة

كشري مصري

الأحد

بواقـــــي

الحلو هذا الأسبوع

 

بسبوسة

السلام عليكم وأهلا بيكم معايا في رحلاتي الإسبوعية لتحقيق الأهداف

الأسبوع الماضي كان مليئ بالأحداث المهمة في حياتي وهأبقى أكلمكم عنها بالتفصيل بعد شوية

الإسبوع اللي فات كان كله في النقل .. شيئ صعب جدا جدا في الواقع

 

أول مرة أعزل في أمريكا كان من ٦ سنوات تقريبا بعد ما وصلنا أمريكا وقعدنا في شقة لمدة سنة ونصف نقلنا شقة أخرى .. لو تصدقوني وقتها لميت البيت في ٣ ساعات بالكتير وجبنا أصغر عربية في اليوهول – عربيات الشحن يعني للي ما يعرفهاش- وتم الموضوع في سلام وبسهولة

ومع إني عزلت بعدها يمكن ٣ مرات كمان – غير المرة دي – إلا إن المرة دي كانت متعبة جدا جدا واللي زاد وغطى كمان إن جالي دور برد شديد يوم النقل جعلني فعلا طريحة الفراش لمدة ٣ أيام متتالية مش قادرة أقوم من السرير

أجرنا أكبر عربية من اليو هول ومع ذلك حاجاتنا كتير ومكانتش العربية مكفية!! نقلنا بعض الحاجات في عربياتنا وبمساعدة صديق لينا فضل رايح جاي معانا ربنا يكرمه خلصت المهمة بعد عناء وشقاء

إلا إني مبسوطة من النقل .. على الرغم من إننا نقلنا في شقة مساحتها أقل من نصف المساحة اللي كنا عايشين فيها وهأبقى أشرح لكم بالتفصيل لاحقا إن شاء الله

 

ودي  تورتة بسيطة – مش أنا اللي عاملاها – علشان كان عيد ميلادي … أيوة عندي سنة واحدة بس ههههه

أهداف الأسبوع الماضي: كانت النقل وتم والحمد لله بسلام

 

أهداف هذا الأسبوع إن شاء الله

 

شخصية

إستكمال قراءة الكتاب

حلقات الوعد الحق ٤٠-٤١

صلاة القيام ٣ مرات هذا الإسبوع إن شاء الله

الصلاة على وقتها مع المحافظة على السنن

قراءة يوميا بالمصحف الشريف

تمارين رياضية – مرتين على الأقل

 

العائلة والزوج

الخروج مع زوجي بمفردنا – إذا سمح لنا الجو

صلة الرحم – مكالمة فرد من أفراد الأسرة الكبيرة بمصر

الوصول لقرار نهائي بشأن السفر لمصر في الصيف – سأكتب لكم المزيد إن شاء الله لاحقا

معاودة وإستكمال قصص السيرة النبوية مع أولادي

قراءة في المصحف الشريف مع الأولاد – مرتين على الأقل هذا الأسبوع

 

البيت

توضيب البيت وفك الكراتين والصناديق

محاولة تحقيق مبدأ البسلطة أو المينيماليزم مبدئيا في هدوم الأولاد

 

المدونة

الكتابة بشكل يومي

إستكمال مرحلة أخرى من الأوراق التعليمية

أتمنى تكون أهدافي مش مجرد أقول وتبقى أفعال بإذن الله .. يا ترى حد لسه بيحط برضه أهدافه منكم؟ يا ريت تشاركونا

أهداف الأسبوع الماضي فشلت فشل ذريع مع الأسف كان عندي ضغط غير طبيعي بسبب موضوع النقل مش بس علشان النقل في ذاته .. لأ الأصعب من كده إننا ما كناش عارفين هننقل فين؟؟؟ .. جنان مش كده؟ بصراحة إحنا كنا ناويين ننقل فلوريدا لأسباب عائلية وقررنا نقعد هنا في كلورادو في آخر لحظة برضه لأسباب عائلية أخرى

 

الفكرة إننا ما كانش عندنا مكان نروح فيه وكان فاضل لنا حوالي ١٠ أيام بالمكان اللي إحنا فيه وبالتالي خرجنا زي المجانين ندور على شقة واللا أي مكان نروح فيه إحنا والأولاد ويبقى كويس وعلشان مدارس السنة دي والمدارس السنة اللي جاية.. شغلانة وحيرة ربنا ما يوقعكم فيها أبدا

 

وبالتالي زي ما إنتم شايفين كده حاجات كتيرة لم تتم لكن مش مشكلة إن شاء الله حياتي تنتظم ونحاول تاني

أهداف هذا الأسبوع إن شاء الله

حاليا هدفي الرئيسي الإنتقال بسلام إن شاء الله للشقة الجديدة وترتيب أمورنا فيها من إنترنت وخلافه ثم إستكمال ما لم يتم من أهداف الأسبوع الماضي قدر المستطاع

إدعوا لنا بالتوفيق وأحب أسمعكم كلكم يا ريت تتركوا لي تعليق وتقولوا لي عملتوا إيه؟