بعد ما بدأنا التطبيق الفعلي تعالوا نكمل بعض النقاط المهمة
الخطوة الثالثة عشــر ::المراجعة الأسبوعية
في البداية هنحتاج نراجع كل أسبوع .. ونشوف إيه اللي حصل خلانا نزيد عن الميزانية المتوقعة .. إشترينا كذا وكذا وماكانوش فى الحسبان … يمكن فيه بند حسبناه غلط وهو بيآخد أكتر من كده وهكذا يبقى نراجع ونظبط تاني الميزانية ونجرب الأسبوع اللي بعده
الخطوة الرابـعة عشــر ::خللو بالكم من غلطة شااائعة
الغلطة هي إن الشهر مش ٤ أسابيع يعني مثلا المثال السابق لو عملنا كده هيبقى الشهر = ٦٠٠ دولار لكن فعليا الشهر طلع فوق الـ ٨٠٠ دولار فرق رهييب وأنا وقعت في الغلطة دي قبل كده ومكنتش عارفة الغلط فين
أو الحالة التالتة اللي أغلبنا فيها وهي إن النسبة أعلى من التلتين ومحتاجين نقللها .. بس عايزين نعرف أكتر بأد إيه ؟ هل مثلا بندفع ٢٥٠٠ دولار مصاريف – على أساس المثال السابق إن الدخل ٣٠٠٠ شهري- واللا بندفع ٢١٠٠ واللا بندفع أكتر من الدخل أصلا وعلينا ديون