المرة اللي فاتت حددنا أقل ميزانية للأسبوع كل حسب إحتياجاته ومتطلبات بيته … تعالوا بقى نكمل
ســابعـــــا :: نشوف بقى باقي بنود ميزانية البقالة
ولنفترض مثلا إن الأساسيات وجدنا إنها ١٠٠ دولار … طيب الحاجات الفرعية أو اللي أنا بأحب أسميها متفرقات زي ما قلت لكم اللي مش بنشتريها بالضرورة كل أسبوع زي السكر والزيت وخلافه نعمل ميزانية تقريبية ليها نقول مثلا ٥٠ في الشهر
يبقى كده وصلنا إن ميزانية البقالة التقريبية في الأسبوع = ١٥٠ دولار مثلا
ثامنــــا :: نضيف منطقة أمان
منطقة الامان أو مبلغ للأمان ده مهم جدا جدا بالذات فى الأول علشان ما يحصلش لينا إحباط .. المبلغ ده هيكون لأي مصاريف ما عملناش حسابها أو طوارئ شهرية ولنفترض إنه كمان ٥٠ دولار
وصلت كدة ميزانيتنا الإفتراضية = ٢٠٠ دولار بالشهر
تاسعــا :: نعمل تهذيب مبدئي أو الفاين تيون
تعالوا بقى بينا نشوف هل ال٢٠٠ دولار إسبوعيا ده كويس واللا إيه يعني مثلا نمسك الشهر اللي إحنا فيه ونشوفه كام أسبوع وكام يوم زيادة؟
اليوم = ٧/٢٠٠ =٢٨.٥ دولار
يبقى الشهر مثلا ” مارس” = ٣١ * ٢٨.٥ =٨٨٣.٥ دولار
ييجي السؤال هنا هل إحنا فعلا حسب حساباتنا الأولية بتاعة التلت والتلتين ممكن ندفع المبلغ ده واللا كتير؟ لو تمام يبقى نكمل مش تمام يبقى نرجع تاني نراجع يمكن محتاجين نقلل شويتين .. مثلا الطوارئ أو بند من البنود التانية نحاول قدر المستطاع نخلي المبلغ ما يعديش الحسابات المبدئية بتاعتنا
أشوفكم على خير المرة القادمة بإذن الله
Leave a Reply