السلام عليكم.. كيف الحال يا عرب؟ يا رب تكونوا جميعا بخير والله يصلح حالي وحالكم قولوا آآآآآمين
الاسبوع اللي فات إشتريت علب صغيرة من ولمارت سعة نصف كوب
وبدأت تجربة أخرى في التوفير وهي إني أعمل جيلي وبودنج في البيت وأبعته مع أولادي للمدرسة بدل علب الودنج الجاهزة أو الجيلي لأنهم اليومين دول طالعين في موضة إنهم يآخدوا الحاجات دي معاهم كسناك للمدرسة .. ولقيت إن العلب غالية يعني لو جبتها أنا في البيت هأوفر أكتر بالذات الجيلي وممكن أحط فيها فاكهة زي ما بنعمل في مصر ويبقى مفيد أكتر والحقيقة الفكرة نالت إستحسان منهم ومني 
ودلوقتي مع اللانش بتاع المدرسة بأعمل الجيلي والساندوتشات بتاعتي اللي بأعملها لهم يوم الأحد وأحطها بالتلاجة و فاكهة أو خضار وقطعة شيكولاتة وبالهنا والشفا عليهم .. أنا بس حبيت أقول لكم علشان لو حد فيكم يحب يجرب فكرة جديدة لولاده في المدرسة
نبدأ إن شاء الله المنيو بتاعنا.. واتمنى ينال إعجابكم
إفطار : سيريال
اللانش : ساندوتشات جبنة ولانشون \فاكهة \ جيلي
الغدا : سمك ومكرونة بالجمبري – وصفة جديدة للجمبري
إفطار : ميني بان كيك مع عسل وسيراب
اللانش : ساندوتشات هوت دوج وبرجر
الغدا :دجاج بانية بالفرن مع مكرونة بالصوص
إفطار : ساندوتشات جبنة بيضا مع خيار
اللانش :نودلز
الغدا :ستروجانوف الكفتة مع أرز أبيض
إفطار : سيريال مع اللبن
اللانش : مكرونة بالجبنة
الغدا : كفتة رز مع بطاطس وأرز أبيض
إفطار : كيك مع لبن
اللانش : ساندوتشات جبنة ولانشون
الغدا : بواقي السابق
إفطار : بيض وفول
الغدا : دجاج بالخلطة السرية مع مكرونة
إفطار : ساندوتشات جبنة بالطماطم
الغدا : دجاج تاندوري – وصفة جديدة
الحلو هذا الأسبوع :كيكة جدتي ( أصدقاء زوجي في الشغل طلبوها مخصوص) وبسبوسة
Leave a Reply