السلام عليكم
اليوم جايبة لكم خلطة سرية للدجاج المقلي سواء دجاج بالعضم أو صدور مثلا أو وراك .. يموت فيها أولادي جميلة جدا جدا وتغيير عن البقسماط والدقيق والكلام ده
الخلطة بتعتمد أساس على الدقيق مفيهاش بقسماط ومع الدقيق فيه طبعا بهارات وشوية لبن وزبدة وبيض وخلاص ما بقيتش الخلطة سرية .. 
وبقيت معروفة للكل
الخلطة دي تقدروا تغيروا من البهارات على حسب ذوقكم فيها ورغبة أولادكم .. كفاية بقى ونخش على الوصفة والفيديو
أتمنى تجربوها وإن شاء الله تعجبكم
خلطة الدجاج السرية
2015-11-30 10:23:34
خلطة جميلة جدا ومحببة للأطفال وغير الخلطة التقليدية بالبقسماط
Ingredients
- دجاج.. مقطع قطع أو شرائح صدور أو بالعضم
- ١ كوب دقيق
- ١ م ص بابريكا
- ١ م ص ملح
- بيضة
- ١ م ك زبدة سايحة
- ٢\٣ كوب لبن حليب
Instructions
- نسيح الزبدة ونضيف عليها باقي مكونات الخلطة ما عدا الدجاج ونقلب كويس
- هنحصل على مزيج سميك شوية ولونه مائل للبرتقالي- لوجود البابريكا
- في طاسة نسخن زيت غير عميق يعني تقريبا إرتقاع نص سم
- نرش كل قطعة دجاج بالقليل من الملح والفلفل
- نغطس الدجاج من جميع الجزانب في الخلطة ثم نقلي قطع الدجاج من الناحيتين
- تقدم مع مكرونة أو أرز وسلطة
- وبالهنا والشفا
Notes
- يمكن الإستغناء عن البابريكا لو كنتم مش بتحبوها
- يمكن إضافة أي توابل أخرى يفضلها أطفالكم
مغتربة http://moghtareba.com/
جميلة الصورة تشهي كثييير
بس مشكلتي في الدهون برضه
الخلطة دي روووعة بشهادة كل اللي داقها لكن الزيوت برضو فعلا مشكلة دي بقا لازم تتقلي .. معلش نآكلها كل شهرين مرة