المطبخ العربي
مطبخ مغتربة:: من المطبخ المغربي :: حلوى الشباكية
وحشتوني كتير ووحشتني وصفات المطبخ اللذيذة وبالذات الحلويات
اليوم ميعادنا مع وصفة جميلة من بلاد المغرب وهنعملها بطريقة سهلة ومبسطة
هي حلوى الشباكية .. طعمها لا يقاوم فعلا أنصحكم بيها بشدة
الشباكية من الحلوبات الشهيرة في المغرب وبالذات في شهر رمضان المبارك
أتمنى تجربوها
هنــــا فيديو قصير للمقادير وطريقة تشكيل الشباكية على قناة مغتربة باليوتيوب
مطبخ مغتربة :: الكعك الجزائري
الكعك الجزائري له وصفات متعددة ومنها هذه الوصفة الجميلة لحورية المطبخ على قناة فتافيت
الكعك ده طعمه جميل جدا لأن فيه زبدة وقريب للبتيفور …وفيه ماء زهر بيديله طعم حلو .. لو مش بتحبوا ماء الزهر ممكن تعجنوه بماء فقط
أنصحكم تجربوه حلو وينفع قوي كمان للعيد إن شاء الله
:المقاديـــر
٢ كوب دقيق أبيض
نصف كوب + ٣ ملاعق كبيرة زبدة بحرارة الغرفة
٢-٣ ملاعق كبيرة ماء زهر أو ماء عادي أو خليط
٦ ملاعق كبيرة سكر ابيض
ذرة ملح
رشة فانيليا
للوجه : بيضة مخفوقة
بداية ننخل الدقيق ونضيف له ذرة الملح ثم نضيف الزبدة ونخلطها ونبسها جيدا براحة اليد حتى نحصل على خليط له قوام رملي زي الصورة كده
على سطح مظيف نخرج الخليط ونضيف له ماء الزهر ملقعة ملعقة ونحاول نلم العجينة على شكل إسطوانة … نقطع منها دوائر ونفرد كل دائرة على شكل حبل بطول حوالي ٢٥ سم ثم نلفها دائرة
نضعها في صينية الخبز ونمسح وجهها بالبيض المخفوق … وممكن نرش عليها مكسرات مجروشة
تدخل فرن مسخن مسبقا ٣٥٠ فهرنهايت لمدة حوالي ٢٠ دقيقة أو حتى تأخذ اللون الذهبي
من هنــــا فيديو قصير يوضح طريقة العمل بالتفصيل على قناة مغتربة باليوتيوب .. أتمنى منكم الإشتراك بالقناة
مطبخ مغتربة :: صينية المكرونة بالبشاميل
المكرونة بالبشاميل من الأطباق المصرية الأصيلة وتنفع للعزائم والولائم .. يحبها الصغار والكبار وممكن نعملها ومعاها سلطة خضرا وخلاص مش ضروري نعمل جنبها لحوم إضافية
مشكلة المكرونة اللي بالبشاميل إن محدش بيديكم مقادير مظبوطة كل الناس بتقول يعني بالشبة أو بالبركة أو عينك ميزانك والكلام ده النهاردة هأقدم لكم وصفة المكرونة بالمقادير المظبوطة
الكوب هو الكوب العياري الأمريكي العادي والمعلقة برضه المعلقة العيارية اللي هي ١٥ مللي مش الـ ٢٠ مللي
أنا بأحب أحط مع المكرونة معلقتين صلصة ومع اللحمة المفرومة وهي بتتعصج بتعطي كعم جميل ومزازة مقبولة للأمل وطبعا لون لخرطة المكرونة .. بس ده إختياري يعني حسب ذوقكم
وبرضه بأحط على البشاميل بتاع الوجه بيضه علشان يعطيها لون محمر وجميل وده برضه إختياري
من هـنــــا فيديو قصير عن طريقة عمل المكرونة بالبشاميل على قناة مغتربة باليوتيوب
مطبخ مغتربة :: عجينة قمر الدين
قمر الدين … طبعا عارفينه واللا إيه؟ على العموم اللي ما يعرفش قمر الدين هو عجينة مشمش مركزة ومحلاه مشهورة بشهر رمضان المبارك بنعمل منها مشروب قمر الدين اللذيذ وأيضا بنعمل منها مهلبية قمر الدين الجميلة
قمر الدين يمكن يكون مش متوفر لينا في الغربة أو يكون محل الإنترناشيونال بعيد عليكم … أو يمكن تحبوا تجربوا تعملوه بنفسكم … على العموم لو محتاجين وصفة ما تدوروش أنا هأعطيكم الوصفة السهلة لعمل قمر الدين
بصراحة وأنا صغيرة كنت بأستمتع بأكله كده حاف من غير عصير ولا مهلبية .. كنا بنآكله زي الحلويات
انا عملته من المشمش المجفف لكن بإمكانكم تعملواه من المشمش الطازج ولكن بدون إضافة ماء لأن هو هينزل ميه لوحده
السكر إعملوه حسب مذاقكم ويا ريت لو تعملوه بزيادة شوية ميه عن ما أنا عملته علشان يسهل فرده في الصينية
من هنــــا تشوفوا فيديو قصير عن طريقة تحضيره من قناة مغتربة باليوتيوب وأتمنى منكم تشتركوا وتعملوا لنا لايك
مطبخ مغتربة :: طريقة عمل خبز الرقاق مع صينية الرقاق المصري
خبز الرقاق مشهور جدا بالعالم العربى وبيتعمل منه وصفات وأطباق حلو وحادق متنوعة وأشهرها الفتة في بلاد الشام وصينية الرقاق باللحمة المفرومة في مصر
أنا عمري ما كنت أحب الرقاق لكن سبحان الله فعلا الإنسان بيتغير وذوقه بيتغير … يمكن علشان الصينية دي بتفكرني بمصر وبأهل مصر ورمضان والعيد الكبير … يمكن علشان كده بدأت أحبها فعلا !!!! …..المشكلة عندنا إننا مش دايما بنلافي خبز الرقاق بالمحل الإنترناشيونال أو العربي هنا
بس مش هنخلي حاجة بسيطة زي دي تقف قدامنا إحنا قدها وقدود زي ما بنقول بالمصري … الرقاق عجينته سهلة جدا مش محتاجة كلام كتير ميه ومدقيق وملح وبس … إعجن وإفرد وإخبز وخلاص أسهل خبز ممكن تعملوه
أما بالنسبة لصينية الرقاق المصري فهي عبارة عن طبقات من الرقاق بنطريها الأول بشوربة أو لبن أو خليط معاها زبدة وبعيدن لحمة معصجة وبعيد باقي الطبقات وبينها زبدة وعلى الوش شوية زبدة كمان ونسقيها شوربة وخلاص خلصت
تقدروا تشوفوا الطريقة بالتفصيل ومقادير الخبز من هنــــا وما تنسوش تشتركوا بقناة مغتربة على اليوتيوب .. أتمنى وصفة اليوم تعجبكم