تارت\ باي\ بودينج

السلام عليكم

صينية القرع العسلي بالبشاميل محببة لينا كلنا في البيت وتقريبا دي الطريقة الوحيدة اللي بنآكل بيها قرع عسلي لأننا مش بنحب الباي اللي هنا خالص

دي بقا طريقة صينية القرع العسلي على الطريقة المصرية بالبشاميل ولا أحلى .. إن شاء الله تعجبكم

الطريقة دي لازم لها قرع عسلي طازج يعني ما ينفعش تتعمل بالقرع العسلي المعلب اللي هنا لأننا بنحتاج لمية السلق بتاعت القرع بتكون أطعم في عمل البشاميل لكن لو مفيش خلاص إستخدموا المعلب ونعمل البشاميل باللبن فقط بدون عصير القرع

الوصفة دي على طريقة خالتي الغالية ودي الوصفة المعتمدة عندنا في العائلة .. بتتحشي مكشؤات وزبيب وفي مصر علشان المكسرات غالية ممكن نحشيها سوداني وزبيب وممكن تعملوها بدون مكسرات خالص برضو هتبقى حلوة وزي العسل

أترككم مع الوصفة والفيديو وإن شاء الله تعجبكم

صينية القرع العسلي بالبشاميل

2015-12-28 11:37:58

صينية القرع العسلي بالبشاميل على الطريقة المصرية

Write a review

Save Recipe

Print

Ingredients

1. ٢ باوند قرع عسلي مقطع ومقشر
2. ٢ كوب سكر - أو حسب الرغبة
3. رشة فانيليا- إختياري لكن يفضل
4. رشة قرفة - إختياري
5. زبيب ومكسرات للحشو

لعمل البشاميل

1. ٤ م كبيرة دقيق
2. ٣ م كبيرة زبدة غير مملحة
3. ١ كوب لبن حليب

Instructions

1. في قدر على نار متوسطة نضع القرع العسلي مع كوب ونصف من السكر ورشة الفانيليا ونتركها حتى تغلي مع التقليب
2. نتركها حتى تستوي قطع القرع وهنلاحظ نزول ماء القرع في القدر
3. نصفي القرع مع الإحتفاظ بماء السلق
4. في قدر آخر على نار متوسطة نسيح الزبدة ثم نضع الدقيق ونقلب حتى يصفر الدقيق ثم نضيف ماء السلق وكوب اللبن وباقي السكروالقرفة
5. نقلب بسرعة حتى يمتزج الخليط ويصبح سميك
6. في صينية الفرن نضع معلقتين كبار من خليط البشاميل في القاع ونوزعهم جيدا
7. نضع نصف كمية القرع المسلوق ثم المكسرات والزبيب
8. ثم نضع بقية القرع وعلى الوجه نضع البشاميل
9. تدخل فرن حار ٣٥٠ فهرنهايت حتى يتحمر الوجه
10. تأخذ تقريبا ٤٠ دقيقة على حسب الفرن
11. تترك لتبرد قليلا ثم تقطع وتقدم
12. وبالهنا والشفا

مغتربة http://moghtareba.com/

السلام عليكم

وصفة اليوم وصفة شكلها شيك طعمها أكتر من رائع بدون مبالغة .. الحشو فيها جميل جدا جدا وطريقة التقديم غير تقليدية وتغيير عن الشكل المعتاد للجلاش

يموت فيه الصغار والكبار على حد سواء بصراحة عملتها أكتر من مرة ونالت إستحسان الجميع والحمد لله .. او حسيتوا إن السكر فيها كتير شويتين قللوا السكر شوية يعني براحتكم وعلى حسب ذوقكم

أترككم مع الوصفة والفيديو وما تنسوش  تعملوا لنا لايك وشير لو عجبتكم الوصفة وبألف هنا

جلاش التفاح

2015-12-10 01:40:29

وصفة جميلة وسهلة

Write a review

Save Recipe

Print

Ingredients

1. ١ باكيت جلاش
2. زبدة للجلاش حوالي تلت كوب ويمكن الإستغناء عنه بإستخدام سبراي الزبدة

للحشو

1. نصف كوب زبدة
2. ٣ م ك دقيق
3. ١\٢ ك سكر بني
4. ١\٣ ك سكر أبيض
5. ١\٤ كوب ماء
6. حوالي ٥ ثمرات تفاح مقشرة ومقطع شرائح

Instructions

1. في طاسة على النار نسخن الزبدة ثم نضيف الدقيق ونقلب سريعا
2. نضيف الماء مع التقليب المستمر ثم نضيف السكر بنوعيه
3. نستمر في التقليب حتى يذوب السكر تماما ويبدأ في عمل الكراميل
4. ننتظر حتى يبدأ الكراميل في الغليان ثم نهدأ النار ونتركه على نار هادئة من ٤ لـ ٥ دقائق
5. نطفي النار ونتركه ليهدأ
6. نحضر صينية الفرن وندهنها بالزبدة
7. نأخذ ورقتين لتلاتة من ورق الجلاش ونفرده بالصينية ثم نرشه بالزبدة أو ندهنه
8. نأخذ ورقتين من الجلاش ونفرشهم فوق الطبقة الأولى وندهن
9. نستمر هكذا إلى أن ننتهي من نصف الباكيت
10. نخلط شرائح التفاح مع رشة قرفة ثم نملأ بها الصينية
11. نصب فوقها صوص الكراميل
12. نهذب أطراف الصينية بالسكين لنقطع الزيادات من ورق الجلاش
13. نقطع نصف الجزء المتبقي من لفة الجلاش لشرائح ونخلطها مع الزبدة
14. نفرد شرائح الجلاش على الصينية من فوق حتى تتغطى تماما
15. تدخل فرن ٣٥٠ فهرنهايت حتى تأخذ اللون الذهبي
16. تترك لتهدأ قليلا وتقدم دافئة
17. وبالهنا والشفا

مغتربة http://moghtareba.com/

ضفيرة الدانش بالتوت .. سهلة وطعمها جميل جدا بأعملها بعجينة الباف باستري

إستخدموا أي عجينة تحبوها أو العجينة الجاهزة

وممكن كمان تحشوها بأي حاجة مش شرط توت يعني ممكن تفاح أو فراولة أو كمثرى أو ممكن كستر … نوتيللا أي حاجة تحبوها

بس فعلا جميلة أتمنى تجربوها ويا رب تعجبكم

الآيسينج بتاعها من السكر البودرة واللبن أو المية سهل وممكن ما تعملوش آيسينج أصلا

الحشو عندي كان زيادة حبتين أو نقول ٣ حبات وطلع برة كتير .. كان لذيذ بس الحشو كتير

ده فيديو يوضح لكم طريقة عمل ضفيرة الدانش.. أتمنى يعجبكم

أم علي … طبق مشهور جدا في مصر ومن الحلويات الشتوية والرمضانية

في مصر تباع رقائق خاصة بأم علي بمحلات الحلويات .. هنا ممكن نعمله بالكرواسان أو رقائق الباف أو الجلاش .. أنا بأحب أعمله بالباف بأحس إنها أقرب واحدة لرقائق أم علي اللى بتتباع فى مصر

الطبق ده سهل جدا جدا ومفيهوش إختراعات تعالوا نشوف محتاجين إيه

١باكيت باف باستري .. نتركها على الكاونتر تفك *

مكسرات قطع أي نوع بتحبوه – لوز/جوز/فستق/سوداني وزبيب*

١ علبة قشطة -قمير- أنا إستخدمت نستلة تلاقوها بولمارت وتارجت *

٢-٣ كوب لبن حليب سائل *

نصف كوب سكر أبيض *

معلقتين زبدة *

رشة فانيليا*

نجهز رقائق الباف باستري كما هو مكتوب على العلبة بتاعتها .. فى الغالب هنحطها فى الفرن على درجة ٣٥٠ فهرنهايت حتى تصبح ذهبية ومقرمشة

نكسر رقائق الباف ثم في طبق الفرن نضع نصف الكمية ثم المكسرات والزبيب ثم نضع باقي كمية الباف

نغلي اللبن مع الزبدة والقانيليا والسكر على النار ثم نصبها فوق الباف ونتركها ١٠ دقائق .. هنلاقي جزء من اللبن إتشرب فى الباف .. نفرش علبة القشطة فوق الوجه ونسويها بظهر ملعقة

تدخل الفرن ١٠ دقائق ونفتح الشواية بس نآخد بالنا كويس .. حتى تصبح بنية اللون وجميلة

نخرجها من الفرن وتترك لتهدأ وتؤكل سااخنة ويقدم معها لبن بالسكر والفانيليا لمن يحب الإستزادة

وبالهنا والعافية

العاشورا أو العاشوراء طبق موجود في كل بلدان العالم العربى وموجود بتركيا أيضا … يقال إن العاشورا أصلها من أيام سيدنا نوح لما رسيت السفينة وكانوا عايزين يآكلوا حاجة مكانش معاهم غير حبوب  … حطوها مع اللبن وبقيت العاشورا .. لكن اللى نعرفها فى مصر بتتعمل بالقمح الحبة الكاملة ومفيهاش أى حبوب أخرى وتزين بالمكسرات والزبيب وعادة بنعملها فى ١٠ محرم من السنة العربية لما بنصوم يوم عاشوراء .. وهى على العموم تتعمل بأى وقت من السنة حلوة ولذيذة ومغذية

::هنحتاج

١ كوب قمح من بتاع البليلة ده … تلاقوه هنـــا شكلة من أمازون

٥ أكواب ماء

٤ ونصف كوب لبن حليب سائل

نصف كوب سكر أبيض – أو حسب الرغبة

٦معالق نشا مذابة فى نصف كوب من اللبن البارد

فانيليا/ماء ورد حسب الرغبة

للتزيين :: مكسرات وزبيب

:: الطريـقة

يغسل كوب القمح جيدا للتخلص من أى شوائب

نضع الكوب فى حلة وعليه أكواب الماء على نار عالية حتى الغليان ثم نهدى النار عليه ونسيبه حتى تمام النضج – حوالى ٤٥ دقيقة لغاية لما يكون شكله زى الصورة كده

نضيف اللبن والسكر ونقلب حتى يذوب السكر تماما ثم نضيف الفانيليا أو ماء الورد

نضيف النشا المذاب فى اللبن للحلة ونقلب حوالى ١٠-١٥ دقيقة كمان حتى يتخن

يترك ليهدأ ويغرف فى أطباق ويزين بالمكسرات المختلفة والزبيب حسب الرغبة

وبالهنا والشفا

المقـــاديــر

٧ أكواب قرع عسلى قطع يعنى تقريبا – ثمرة متوسطة*

٢ كوب سكر أبيض – أو حسب رغبتكم فى السكر *

رشة قرفـة ورشة فانيليا*

زبيب ومكسرات حسب الرغبة للحشو*

البشـاميل

٤ معالق كبيرة دقيق *

٤ ملاعق زبدة *

١ كوب لبن حليب *

الطـريقـة

فى حلة على نار متوسطة نضع قطع القرع مع السكر و القرفة والفانيليا هنلاقى قطع القرع بدأت تستوى ونزلت عصير فى الحلة

نصفى القطع ونحتفظ بالعصير لأن ده اللى هنعمل بيه البشاميل *

لعمل البشاميل

فى حلة على النار نسيح الزبدة ونضيف لها الدقيق ونقلب لغاية لما الدقيق يصفر *

نستمر فى التقليب ونضيف العصير تقريبا هيطلع لنا كبايتين  ونضيف كباية اللبن ونقلب حتى يتخن المزيج*

ندوق البشاميل للتأكد من حلاوته وإنه مظبوط ولا يحتاج للمزيد من السكر *

فى الصينية أو الطاجن نضع طبقة بشاميل خفيفة فى القاع ثم نضع نصف كمية القرع *
ملحوظة فيه ناس بتحب تهرس القرع قبل ما تحطه لكن إحنا هنا بنحبه قطع
نضع طبقة من المكسرات ثم فوقها الكمية المتبقية من مكعبات القرع ثم البشاميل على الوجه *
يدخل فرن مسخن مسبقا على ٣٥٠ فهرنهايت لمدة ٣٠ دقيقة أو حتى يحمر الوجه *

ويقدم بالهنا والشفا