السلام عليكم .. يوم جديد وأسبوع جديد علينا سعيد إن شاء الله
اليوم إن شاء الله هو بداية شهر رجب وده معناه إن رمضان على الأبواب فاضل شهرين فقط .. هيعدوا بسرعة إن شاء الله ولازم يكون من أهدافنا الفترة القادمة هو الإستعداد لشهر رمضان المبارك .. لو تفتكروا السنة اللي فاتت كان عندنا مجموعة من الإستعدادات
الأسبوع اللي فات عملنا حاجات كتير من أحسن الحاجات اللي عملتها هو ترتيب أفكاري للفترة القادمة في مغتربة ومدونتي الأخرى الإنجليزية للوصفات العربية .. لأن خلاص شهر أبريل تقريبا بينتهي ومايو هييجي ويا دوب أسبوع في اللي بعده وهنسافر إن شاء الله مصر للصيف.. بالمناسبة حد عايز حاجة من مصر أجيبها له؟ إن شاء الله لما أروح مصر هأبقى أصور حاجات كتير في مصر علشان تشوفوها وتقلل إحساسكم بالغربة حتى لو إنتم مش مصريين حاجة من ريحة الدول العربية
الأسبوع اللي فات أخيرا مش فقط حطيت المنيو الإسبوعي لا وعملت الأكل كمان بعد فترة طويلة من التوقف عن إعدا الأكل مسبقا والتفريز
تعالوا نشوف عملت إيه الأسبوع اللي فات
شخصية
الإستمرار في قراءة الكتاب
الإستماع إلى حلقات ٢و٣و٤و٥ من سلسلة باسمك نحيا
صلاة القيام مرتين على الأقل هذا الأسبوع
المحافظة على الصلاة على وقتها مع السنن
قراءة يوميا في المصحف الشريف
المحافظة على الصلاة على النبي عليه الصلاة والسلام يوميا – عسى أن أرزق شفاعته
تمارين رياضية مرتين
التقليل من السكر في الشاي والقهوة مع شرب ٢ كوب ماء صباحا على الريق
إسنكمال القصص النبوي مع أطفالي
مع العائلة والزوج
الخروج مع زوجي مرة بمفردنا إذا سمح الجو
الخروج مع الأصدقاء لخلق جو إجتماعي عربي مسلم لينا وللأولاد – لم يتم لظروف الجو
القراءة مع الأولاد في المصحف الشريف ولو مرتين لكل منهم
صلة الرحم : مكالمة فرد من أفراد الأسرة الكبيرة في مصر- لم يتم
المدونة
محاولة قدر المستطاع التدوين يوميا ووضع مقالات مفيدة
إستكمال الأوراق التعليمية لقصة تامر والثعبان- لم يتم
يعني زي ما إنتم شايفين مش كل الأهداف تمت لكن بنسبة كويسة والحمد لله عملت حاجات كتير وإن شاء الله نستمر
تعالوا بقى نشوف أهداف الأسبوع اللي جاي إن شاء الله
شخصية
الإستمرار في قراءة الكتاب
الإستماع إلى حلقات ٦و٧و٨و٩ من سلسلة باسمك نحيا
صلاة القيام مرتين على الأقل هذا الأسبوع
المحافظة على الصلاة على وقتها مع السنن
قراءة يوميا في المصحف الشريف
المحافظة على الصلاة على النبي عليه الصلاة والسلام يوميا – عسى أن أرزق شفاعته
تمارين رياضية مرتين
التقليل من السكر في الشاي والقهوة مع شرب ٢ كوب ماء صباحا على الريق
إسنكمال القصص النبوي مع أطفالي
مع العائلة والزوج
الخروج مع زوجي مرة بمفردنا إذا سمح الجو
الخروج مع الأصدقاء لخلق جو إجتماعي عربي مسلم لينا وللأولاد
القراءة مع الأولاد في المصحف الشريف ولو مرتين لكل منهم
تعليم الأولاد سنة جديدة من السنن المنسية عن النبي عليه الصلاة والسلام
صلة الرحم : مكالمة فرد من أفراد الأسرة الكبيرة في مصر
Supermamy says
السلام عليكم اخبارك ايه يا اميره
عجباني قوي اهداف الاسبوع دي بصراحه بتحسي الاسبوع مفيد و منظم بس يا ريت لو تورينا طريقه تنظيمك لليوم لان اليوم بقي بيعدي سريع قوي و مبتحسيش بالوقت
شكراااااا
Amira says
وعليكم السلام ورحمة الله وبركاته .. أشكرك سوبر على التعليق .. وأنا مبسوطة إن الموضوع ده عاجبك .. إن شاء الله أعمل موضوع عن تنظيم اليوم بس المدونة تتعدل وتبقى كويسة لأنها بطيئة جدا في التحميل وكتابة أي بوست للأسف