من المهم جدا تحديد الميزانية سواء أسبوعية أو شهرية للبيت وللمصاريف الدورية للبيت لأنك بدون ميزانية واضحة ومحددة ممكن تلاقى نفسك بتلعبى لعبة الصيدلية أو بتستخدمى الكوبونات كتير وبدون مراعاة لميزانية البيت وبدل ما توفرى تلاقى نفسك يمكن بتصرفى أكتر مع الكوبونات أو بتشترى حاجات مش لازماكى أو مش هتستخدميها لمجرد إن عليها كوبون توفير
إزاى تعملى ميزانية للبيت؟
أولا : راجعى مصاريفك لشهر أو إتنين فاتوا تقدرى تعرفى تقريبا بتصرفى كام كل شهر من الإحتياجات الأساسية فى البيت ( الأكل- الصابون بمختلف أنواعه – الشامبوهات – الأدوية ) وشوفى بتصرفى كام على اللبس والحاجات التانية وإبدأى بميزانية محددة للإحتياجات الأساسية .
ثانيا : بعد ما عرفتى بتصرفى قد إيه كل شهر إبدأى حطى ميزانية شهرية تقريبية وخليكى واقعية وبلاش تحملى نفسك فوق طاقتها علشان ما تزهقيش وتتضايقى من التوفير يعنى مثلا لو بتصرفى 800 دولار شهريا على الإحتياجات الأساسية إبدأى بالرقم ده قولى أنا هأصرف 800 دولار شهريا على الإحتياجات الأساسية ولو وفرتى يبقى خير وبركة وهيكون دافع ليكى للتحسين
ثالثا: إبدأى تحدى نفسك شهر بشهر … وحبة بحبة يعنى لو بتصرفى 800 ما تقوليش الشهر اللى جاى هأصرف 400 لأ كده كتير وهتتعبى إبدأى مثلا ب 5 فى المية من المصروف أو عشرة وبعدين شوية شوية قللى تانى وهكذا حتى تصلى لهدفك
رابعا: ما تقارنيش نفسك بحد ما تقوليش إشمعنى فلانة قادرة تمشى بيتها ب 300 فى الشهر وأنا لأ وتبدأى تقولى أكيد فيه حاجة غلط لأ كل بيت وله إحتياجاته وطلباته ولو فى شهر ما عرفتيش توصلى للتوفير المطلوب ما تزعليش حاولى الشهر اللى بعده أو يمكن إنتى حاطة تخفيض كبير على نفسك خدى نفسك واحدة واحدة وبالراحة وإن شاء الله فى خلال من 8 إلى 10 شهور توصلى لتخفيض فى الميزانية من 30 إلى 50 % وتيجى هنا وتقولى لنا
يا ريت لو ليكى تجربة ناجحة فى تخفيض ميزانية البيت تشاركونا تجاربكم وإقتراحاتكم
Single Check Rebate, the Wellness program and the +UP Rewards program.
البرنامج الأول
Single Check Rebate or (SCR) system
ببساطة بدل ما يديلك تخفيض لحظى على المنتج بيديلك كاش باك أو ريبيت على بعض المنتجات بتكون مكتوبة فى العرض الأسبوعى أو الشهرى بتاعه . البرنامج ده مش محتاج كارد زى بتاع سى فى إس لكن فى نفس الوقت هيحتاج منك إنك تشتركى فيه وتعملى لك أكاونت عندهم من الويب سايت بتاعهم ولو دى أول مرة ليكى هيبعتوا لك كوبونات قيمة
أهم حاجة فى البرنامج ده إنك ما تقدريش تطلبى شيك إلا مرة واحدة فى الشهر يعنى لو النهاردة مثلا أول الشهر وروحتى إشتريتى حاجات فيها (إس سى أر) وروحتى البيت وطلبتى الشيك مش هتقدرى تطلبى شيك تانى إلا الشهر اللى بعده . علشان كده إنتى طوال الشهر إدخلى على الأكاونت بتاعك وحطى بيانات الفاتورة ورقم الستور – هم هيقولوا لك تلاقيه فين فى الفاتورة – وكل مرة تعملى كده لغاية آخر الشهر تطلبى الشيك مرة واحدة وتصرفى الشيك عادى من البنك.
البرنامج التانى
Welness Program
وده محتاجة ليه كارد ده اللى بيديلك تخفيضات على منتجات فى الستور عندهم وتقدرى تستفيدى بباقى العروض الأسبوعية والشهرية بس مش محتاجة الكارد ده علشان تستخدمى البرنامج اللى فوق اللى هو ال إس سى آر
البرنامج الثالث
+UP
ده بقى زى ال إى سى بى بتاع سى فى إس
يديلك كوبونات تستخدميها المرة اللى جاية فى الشوبينج بتاعك
بكده نكون خلصنا لعبة الصيدلية … فى كندا فيه صيدليات تانية وليها برامج أخرى مثلا
ٍShopper’s Drug Mart , Rexall , CVS
كل واحد ليه البرنامج بتاعه إدخل على الويب سايت بتاعهم هتلاقى كل التفاصيل وتقريبا نفس قواعد اللعبة المهم إنك تحترفيها كويس