Archives for April 2012
كنــدا – كوبون على اللبن
أمريكا – كوبون من فيسبوك
كوبون لعصير سيمبلى أورانج من صفحتهم بالفيسبوك
العصير موجود بتارجت ب ٣ دولار وفى ولمارت ب ٢.٩٨ وناس بتقول موجود الأسبوع ده فى سيف واى ب ٢.٧٥ تقدرى
تعملى برايس ماتش فى ولمارت بس أنا مل لاقيتهوش فى إعلانات الأسبوع ده بتاعة سيف واى عندنا
الكوبون من هنـــــــا
كــنــــــدا – كوبونات لمنتجات سيفنث جينيريشن
الخطوة الثانية : لعبــة الصيـــدليـــــــــة الجزء الأول
النهاردة هأكلمكم عن لعبة ظريفة لطيفة لكن توفر كتييييير جدا بالذات فى معجون الأسنان وفرش الأسنان الشامبو الكريمات والذى منه
أسمع عن ناس وفرت 700 و 800 دولار كمان بالطريقة دى ..تجربتى فيها محدودة يا دوب إبتديت ووفرت لى مثلا نقول 30 أو 40
دولار بس للأسف لظروف خارجة عن إرادتى بطلتها لكن ناوية أرجع لها بإذن الله وبقوة اللعبة دى إسمها لعبة الصيدلية
أولا هى إيه الصيدلية ؟
مثل Walgreens, CVS and Rite Aid
طيب سؤال كمان دول مالهم؟؟؟
بيكون عندهم حاجة إسمها
Customer loyalty program
وده يعنى إيه؟؟؟
طيب تعالى معايا نشوف واحد واحد على رواقة كده
نبدأ ب سى فى إس
أولا إعملى بحث وشوفى فيه جنبك الستور ده واللا لأ لو لأ خشى على اللى بعده
ثانيا : قدمى على الكارد بتاعهم ( زى كارت كينج سوبرز وتويز آر أس) مش كريدت كارد ده
customer card
ممكن تقدمى عليه أون لاين أو فى الستور نفسه ويستحسن تعمليه فى الستور علشان تآخديه على طول وتدخلى تعملى الشوبينج وتستخدميه من غير الكارت ده مش هتعرفى تستفيدى من العروض بتاعة الستور ولا هتآخدى عليه الكاش باك
ثالثا: دائما تعطيهم الكارد بتاعك فى الأول علشان يحسب لى صح من البداية
رابعا : إبدأى برقم صغير 10 دولار مثلا أو بإتنين أو تلاتة من عروضهم
تابعى العروض بتاعتهم دائما يكون فيه عروض على منتج أو إتنين فرى يعنى إيه فرى مثلا تشترى معجون أسنان ب 2.5 دولار وتآخدى عليه كوبون ب 2.5 دولار فيبقى فرى هو مش هيبقى فرى لغاية أما تستخدمى الكوبون لأنك فى الواقع هتكونى دفعتى 2 ونص دولار
هدفك هيكون إنك دائما تشترى الحاجات الفرى أو تشترى الحاجات بأقل فلوس ممكن تدفعيها من جيبك وتستخدمى الكوبونات اللى أخدتيها وترجع لك تانى الكوبونات وساعات ممكن مثلا معجون الأسنان يكون نازل ل 2 دولار وعليه 2 ونص كوبون يبقى كأنك عملتى نص دولار أو مثلا يكون معاكى كوبونات بدولار عليه فتدفعى 1.5 دولار ويرجع لك كوبون ب 2.5 يبقى كأنك عملتى دولار فرق فهمتونى؟
الكوبون بتاعهم إسمه
Extra Care Buck or “ECB”
زى ما بيحبوا يقولوا عليه
فى بعض العروض يكون هناك ليميت على اللى ممكن الزبون الواحد يآخده من المنتج الواحد عادة من 1 ل 5 بصى على العروض كويس وإقرأى الخط الرفيع اللى بيكون مكتوب تحتها اللى بنسميه ال fine prints
للأسف الكوبونات دى مش ممكن تستخدميها فى شراء بعض المنتجات مثل اللبن والسجائر والخمور وبعض المنتجات الأخرى و الجيفت كارد بصى برضه وإقرأى كويس ال fine prints
اللعبة بقى لما تتعودى عليها وتحترفيها تلعبيها صح أكتر إزاى ؟ إنك تزودى ال
ECB
بتاعك طيب إزاى
مثلا معجون الأسنان اللى قلنا عليه ب 2.5 وعليه 3 دولار ومعاكى كوبون بدولار تشترى واحد تدفعى 1.5 دولار من جيبك وتآخدى 3 دولار كوبون … طيب وبعدين تروحى تانى تشترى 2 معجون ومعاكى 2 كوبون كل واحد بدولار يبقى هيكون الإجمالى 3 دولار بعد الكوبون تدفعيهم بالكوبون اللى معاكى يبقى فعليا هتدفعى الضرائب فقط وهتآخدى 6 دولار كوبون منهم وهكذا علشان كده مهم تحتفظى بكل الكوبونات اللى تقدرى عليها لغاية تاريخ الإنتهاء وترتبى كويس قوى لرحلة الشوبينج بتاعتك ويا سلام بقى لو المنتج كمان عليه ستور كوبون مع كوبون المصنع وكمان عليه ECB يبقى قمة التوفير والإستفادة
لو ما لاقيتيش المنتج اللى عليه العرض ودى بتبقى حاجة محبطة جدا روحى على الكاشير وإعملى
rain check
يعنى يكتب لك ورقة إنك جيتى وكنتى عايزة المنتج ده بالسعر ده تقدرى تيجى تانى وتآخديه بالسعر ده حتى لو العرض إنتهى ( الموضوع ده فى كل الستورز مش هنا بس)
إنتظرونى فى الجزء الثانى من الموضوع