تجارب منزليــة – إصنع(ـى ) بنفسك : منظف الستانلستيل January 23, 2013 by Amira 3 Comments اليــوم عنــدى إكتشــاف مذهـل وجميــل جدا وهو منظف للستانليستيل من فترة كنت عملت سحلب بمناسبة الشتا الفظيع وكان طعمه جميل جدا إتفضلوا معـــانا لكن للأسف اللبن شاط فى اللبانــة الستانلس وعمل طبقـة سودا فظيعة … حاولت أطلعه بشتى الطرق ما عرفتش ودعكته بالصابون وغليته بمية وخل وبرضه مفيش فايــدة اللبن المحروق مش راضى يطلع وتفتق ذهنى عن حيلة ماكرة وماهرة والحمد لله نفعت وإشتغلت كالسحر خلطة مكونة من البيكنج صودا وزجاجة الهيدروجين بيروكسايد المطهرة حطيت عليها من فوق رشاش من بتاع الصابون أو منظف الزجاج اللى عندكم ورشيت طبقة من البيكنج صودا .. تغطى السواد وبعدين رشيت فوقها من الهايدروجين بيروكسايد ثم غطيتها بطبقة أخرى من البيكنج صودا وسيبتهم حوالى ساعتين وبعد الساعتين … شيلت الطبقة بواسطة معلقة عادية إتشالت بمنتهى السهولة وشالت معاها الطبقة السودا بتاعة اللبن المحروق .. ويا سلااام على سعادتى شطفتها وغسلتها بالليفة والصابون عادى جدا من غير دعك ولا وجع قلب الحقيقة النتيجة أكثر من مشجــعــة كلمة روعة قليلة عليها من غير دعك ولا وجع إيدين فى تنضيف اللبانة .. إيه رأيكم؟ إنشروها لو عجبتكمClick to share on Facebook (Opens in new window)Click to share on Pinterest (Opens in new window)Click to share on Twitter (Opens in new window)Click to share on Google+ (Opens in new window)
