بأحب أشتريها بالذات لما يكون عليها عرض فري وده بيحصل Dryer sheets الـ
اللى ما يعرفش الشيتس دى بتتحط فى المجفف مع الغسيل تعطر الغسيل وتنعمه وبتشيل الستاتيك منه
بعد ما بنستخدمها بيكون لسه فيها شوية ريحة ونقدر نعيد إستخدامها ودى بعض الحاجات اللى ممكن نستخدمها فيها .. بعضها جربتها وبعضها لسه بس الحقيقة كلها أفكار حلوة لإعادة الإستخدام أهه منها الحفاظ على البيئة وبرضه الحفاظ على فلوسنا
فى العربيـــة *
ممكن نحط شوية فى كيس فى درج العربية ونستخدمها فى تلميع تابلوة العربية كمان ممكن نطلع واحدة ونحطها تحت الكرسي لتعطير السيارة
للشعــــر *
لإزالة الستاتيك من الشعر وبالذات فى أيام الشتاء الباردة والجافة نمسح بيها الشعر وهتشيل الستاتيك
للزبالــــة *
واحد أو أكثر فى علبة الزبالة قبل ما نحط الكيس الجديد لتعطيرها ولو فيه أى تسريب بتمتصها
لطرد الحشرات *
نمسح الأذرع والأرجل بيها لطرد الناموس والذباب
لتنعيم الأقدام *
ننقع الأقدام فى ماء دافئ وندعكهم بواحدة من الشيتس
فى المكنســـة الكهربائية *
فى كيس المكنسة نضع واحدة من الشيتس لإعطاء رائحة فريش أثناء كنس الأرضيات
فى تنضيف الحلل والطاسات *
لو عندك حلة لازق فيها الأكل إنقعوها فى ميه دافئة وحطوا فيها شيت من الدراير شيتس ساعة وبعدين إغسلوها كالمعتاد
لإزالة الروائح الكريهة *
فى أى مكان به روائح غير محببة مثلا بجوار الزبالة أو فى دولاب خاص بوضع الأحذية أو داخل الأحذية لإزالة الروائح منها وهكذا
pests لطرد الفئران والـ *
زى ما قلت لكم قبل كده إملئوا بيها الشقوق والفتحات اللى بتدخل منها الفئران وهى مش هتدخل
فى تنضيف اى بودرة تقع *
أى بودرة تاك مثلا أو لما الدقيق يقع على الكاونتر وإحنا بنطبخ نمسحه بواحدة من الشيتس دى هيتمسح بسهولة جدا
فى تنضيف الخشب *
إستخدموها فى تنضيف الأثاث الخشبي والترابيزات لإلتقاط الأتربة بسهولة
فى الخياطــة *
إمسحوا الخيط بالشيس قبل ما تدخلوا الخيط فى الإبرة هيسهل جدا دخولها ومش هتكلكع أو تتعقد
فى تنضيف الأرضيات بسويفر *
إستخدموها فى مكانس السويفر بالذات لإلتقاط الشعر وشعر الحيوانات كالقطط من على الأرض
فى سن المقصات *
لو المقصات مش بتقص كويس – تلمة يعني بالمصري – إمسحوها بقطعة من الدراير شيتس
