المطبخ المصري

السلام عليكم

اليوم جايبة لكم وصفة من أحب الوصفات لقلبي لأنها بتفكرني بأيام الكلية في مصر .. الوصفة دي كانت بتعملها لنا والدة إحدى صديقاتي العزيزات إلى قلبي

نآكلها على الإفطار أو بين المحاضرات أو ممكن تاكلوها لانش جميلة وسريعة ومتنوعة تقدروا تحشوها اللي إنتم عايزينه

أنا هنا حشيتها بالجبنة الرومي اللي المصريين ما يستغنوش عنها طبعا مع البسطرمة وساعات بأحشيها جبنة بيضا بالنعناع

أصل الوصفة بتتعمل بالقشطة لكن هنا أنا عملتها بالساور كريم لأن القشطة البلدي مش من السهل ألاقيها هنا لو تتوافر القشطة يبقى خير وبركة

أترككم مع الوصفة ويا رب تعجبكم

قرص بالسطرمة والجبنة

2015-12-04 19:24:41

قرص رائعة للإفطار واللانش يمكنكم حشوها بحشوات مختلفة على حسب رغبتكم

Write a review

Save Recipe

Print

Ingredients

1. ٢ ك دقيق أبيض
2. ربع كوب سمنة
3. ربع كوب كريمة حامضة ( ساور كريم) أو زبادي تقيل- جريك
4. من ٤\٣ ك لـ ١ كوب لبن
5. ٢ م ص خميرة جافة
6. ١ م ص بيكنج بودر
7. ٢ م ص سكر
8. ٢\١ م ص ملح
9. يمكن إضافة شمر- ينسون- كمون على حسب الرغبة

للحشو

1. إستخدمت جبنة رومي مع بسطرمة وممكن جبنة بيضا بالنعناع مثلا أو لحمة مفرومة أو عجوة بس لو هتتعمل حلو نشيل الملح من العجينة

Instructions

1. نضع المكونات الجافة كلها مع بعض ونخلط جيدا
2. في طبق خارجي نخلط السمن مع الساور كريم حتى تمام الإمتزاج
3. نخلط مزيج الساور كريم مع المكونات الجافة
4. نبدأ بوضع اللبن الدافئ ربع كوب في المرة بالتدريج حتى نحصل على عجينة متماسكة القوام
5. تغطى وتترك تختمر في مكان دافئ لمدة ساعة
6. نبدأ بالتشكيل فنأخذ كرة صغيرة من العجين ونعمل حفرة في المنتصف نضع بها الحشو ثم نقفل عليها
7. نضغط عليها قليلا ونضعها في صينية الخبز
8. نخبز في فرن ٣٧٥ فهرنهايت من ٢٠ - ٣٠ دقيقة حتى تصبح ذهبية اللون من الأسفل
9. تترك لتبرد وبالهنا والشفا

مغتربة http://moghtareba.com/

الفول المدمس … يا جماله هههههه وجبة فطار/ غدا / عشا … رائعة وغير مكلفة

طبعا الفول المدمس غني عن التعريف بالتأكيد … متربيين عليه كلنا ومع الطعمية والباذنجان المقلي بالتوم والخل تبقى وجبة غدا نآكلها وننام على طول مفيش تفاهم

مين فيكم بيفكره الفول المدمس برمضان وأيام رمضان الجميلة؟ أتذكر جدتي الله يرحمها لما كنت أوقات بأبات عندها في رمضان وأنا صغيرة كانت لاااااااازم طبق الفول في السحور .. ده غير الخيار والزبادي دي كلها من التراث الرمضاني في العائلة عندنا .. الله يرحمهم جميعا وكل أمواتنا وينور قبورهم ويملأها برائحة الجنة وعطر الجنة يا رب

الفكرة الرئيسية في تدميس الفول هي طبخه على الهادي جدا .. طبعا في بلادنا بنلاقي الدماسة أو قدرة الفول اللي بالكهربا اللي بنعمله فيها .. لكن هنا أحيانا بتكون غير متوفرة والحل الآتي

يا إما تعملوها على البوتجاز عادي في أي حلة لكن عينكم عليها وخللوا بالكم المية على الفول ما تنشفش وإلا هيتحرق

أو لو عندكم حلة الضغط اللي بنسميها البريستو أو الأسهل واللي متوافر على الأقل بأمريكا هي حلة السلو كوكر أشكالها كتير وأسعارها تبدأ من ١٠ دولار وطالع على حسب الحجم والماركة

على العموم لو ما عندكمش لا دي ولا دي مش مشكلة إعملوها في حلة عادية بس زي ما قلت لكم لازم عينكم عليها

بعد ما الفول بيستوي فيه بقى كذا طريقة للتحضير أنا بأحب أعمله بالتوم والطماطم والصلصلة وأوقات بنعمله بالسجق لو متوفر أو الهوت دوج الصغير أو الكبير ونقطعه قطع صغيرة … وطبعا ما ننساش خبز البيتا اللذيذ .. وبألف هنا

الفول المدمس

2015-01-22 11:27:10

Write a review

Save Recipe

Print

Ingredients

1. ١ باوند فول ناشف
2. ٣ ملاعق كبيرة أرز غير مطهي
3. ٣ ملاعق عدس غير مطهي
4. ١ حبة طماطم
5. ٣ فصوص ثوم
6. 

Instructions

1. ننقع الفول في ماء كفاية ليغطيه لمدة ٤ ساعات على الأقل
2. نغسل الفول كويس بعد النقع ونصفيه من ماء النقع
3. في السلو كوكر
4. نغسل الأرز والعدس
5. ثم نضيف كل المكونات معا
6. ثم نضيف ماء حتى يغطي الفول
7. نظبطه على أقل حرارة ونتركه ٨ ساعات
8. ممكن أكتر على حسب نوع الفول .. نبدأ نتأكد من السوا بعد ٦ ساعات تقريبا
9. وده شكله بعد ما إستوى
10. بعض إقتراحات التقديم: نشوح بصلة شرائح مع طماطم في زيت زيتون
11. نضيف قطع هوت دوج أو سجق لو متوفر
12. ثم نضيف الفول والملح
13. 
14. ويقدم بالهنا مع خبز البيتا
15. طريقة أخرى: نشوح ثوم مع طماطم في زيت زيتون
16. ونضيف عليه الفول ثم الملح والكمون ومعاه عصرة ليمون

مغتربة http://moghtareba.com/

الفطير الإسكندراني أو الفطير المحشي أو فطيرة البيتزا كلها مسميات لحاجة واحدة وهي حاجة لذيذة جدا جدا وتغيير عن تقديم البيتزا بالطريقة المعتادة

يموووت عليها الكبار والصغار وهي فعلا لذيذة … مشكلتها الوحيدة هي إنها طبعا تقيلة أو يعني مش للرجيم خالص مليانة زبدة لكن الطعم جميل قوي قوي

مشهورة بمصر بإالفطير الإسكندراني لأنه كان يباع في الأول في محلات الفطاطري اللي في الإسكندرية إنما دلوقتي موجودة بكال مكان تقريبا وكل محلات الفول والطعمية المشهورين بمصر بيبيعوها

إحشوها أي حاجة جبنة رومي … سجق… لحم مفروم .. دجاج .. أو حلو يبالسكر والكسترد أو النوتيللا والمربى يعني متنوعة جدا جدا

أترككم مع الوصفة وشوفوا الفيديو على اليوتيوب هنـــــا … أتمنى يعجبكم

الفطير الإسكندراني أو الفطير المحشي

2014-12-12 11:19:34

الفطير الإسطنرداني هو فطير مشلتت محشي بحشوات مختلفة منها الحادق زي الجبنة الرومي- السجق - التونة ... ومنها الحلو زي المربى- الكسترد أو شيكولاتة النوتيللا

Write a review

Save Recipe

Print

للفطير المشلتت

1. ٤ كوب دقيق أبيض
2. ٢ كوب ماء - يزيد أو ينقص على حسب نوع الدقيق
3. رشة ملح
4. ١ كوب زبدة سايحة

للحشو

1. سجق- هوت دوج مقطع- جبنة رومي- أنواع مختلفة من الأجبان- تونة- لحم مفروم- دجاج مقطع ومستوي ... أي حاجة ممكن تتحط على البيتزا بتنفع

للحشو الحلو

1. كسترد- مربى- شيكولاتة نوتيللا ... وهكذا

للوجه- إختياري

1. بيضة مخفوقة مع جبنة وزيتون وفلفل رومي
2. وللحلو سكر بودرة

Instructions

1. في وعاء العجن نخلط الدقيق مع الملح
2. نضيف الماء قليلا قليلا
3. إلى أن نحصل على عجينة ملساء متماسكة ولكن تلتصق قليلا باليد
4. نقسم العجينة لـ ٦ كور
5. نمسح سطح أملس بالزبدة.. نبدأ بفرد أول كرة ونمسح سطحها بالزبدة
6. نضع الحشوة في المنتصف ونقفل عليها العجينة ... وبكده نكون خلصنا الجزء اللي في النص
7. نآخد كورة تانية ونفردها ونمسح سطحها بالزبدة
8. ونضع الجزء اللي فيه الحشو بالمنتصف ونقفل عليها
9. وهكذا كرة أخرى فتبقى عندنا الفطيرة مكونة من ٣ كور والحشوة موجودة بالكرة الداخلية
10. نضعها بصينية الفرن وندهنها من فوق بالبيضة وعليها الجبنة والزيتون
11. تدخل فرن حار على درجة .. من ١٠-١٥ دقيقة
12. أو على حسب حرارة الفرن حتى تحمر
13. وبالهنا والشفا

مغتربة http://moghtareba.com/

السوبيا المصرية … مشروب طعمه حلو وهو مشروب مشهور جدا في شهر رمضان المبارك يباع في كل شارع وعند كل ناصية

ممكن نشتري من عند العطار أو من السوبر ماركت المشروب على خيئة بودرة و نضيف له اللبن مع التقليب لكن في الكثير من الأحيان يكون االسكر كتير جدا جدا في المشروب ولو زودنا لبن بيفقد نكهة جوز الهند المميزة له

اليوم إن شاء الله هنعمل مشروب السوبيا بالبيت وعلى مزاجنا طريقة مضمونة وإن شاء الله تعجبكم

هنـــــا فيديو قصير عن طريقة تحضير السوبيا المصرية بالبيت على قناة مغتربة باليوتيوب أتمنى ينال إعجابكم