المطبخ العالمي

السلام عليكم

اليوم معايا وصفة جميلة جدا لدجاج سهل ولذيذ مش بيآخد وقت خالص والصوص مكوناته متوفرة بس هو الغريب علي إني أحط التمر الهندي في الوصفات بس حبيت طعمه جدا جدا لأني أنا أساسا بأموت في مشروب التمر الهندي

الفكرة جات لي لما شوفت واحدة صديقة لي هنا لما عملت ورق عنب محشي راحت سقيته بالتمر الهندي من غير سكر طبعا وكان طعمه أكتر من رائع فعلا بس لونه اللي كان غامق شوية .. وجود التمر الهندي لو تلاحظوا حتى من الصور بيخلي اللون غامق شوية لكن الطعم لذيذ جدا جدا

الدجاج ده بعد ما خلصته رشيت عليه سمسم وقدمته مع نودلز صيني مسلوقة ومع الأرز الأبيض طعمه جميل والصوص مع الأرز لذيذ فعلا

أنا إستخدمت أوراك الدجاج لأنها محببة لأولادي أكثر وبتكون النكهة فيها ألذ لكن طبعا ممكن تستخدموا صدور الدجاجا عادي جدا مفيش مشاكل إن شاء الله

عندنا هنا في المحل العربي إكتشف علبة صغيرة إسمها عجينة التمر الهندي

Tamarind paste

مش التمر الهندي اللي فيه البذور اللي إحنا متعودين عليه هو عبارة عن خلاصة التمر الهندي دوبتها في مية وإستخدمتها لكن لو عندكم التمر الهندي العادي إنقهوه بالطريقة التقليدية وخدوا منه شوية نعمل بيهم الوصفة.. لو التمر هندي اللي عندكم فيه سكر مفيش مشكلة برضو إستخدموه بس ما تضيفوش سكر بني بقا للوصفة وإلا كدة هيبقا سكر زيادة أوي

السكر بيدي طعم حلو للدجاج وكمان بيعطي له طراوة لكن بما إننا مستخدمين أوراك وهي طرية فعلا ممكن تقللوا السكر شوية لمعلقة بدل إتنين

أتمنى وصفة النهاردة تعجبكم وإن شاء الله تجربوها وتقولوا لي عملتوا إيه عجبتكم واللا مش أوي

أشوفكم على خير المرة اللي جاية إن شاء الله .. جمعة مباركة عليكم جميعا

دجاج بصوص التمر الهندي

2016-02-26 11:09:45

Write a review

Save Recipe

Print

Ingredients

1. ٢ باوند أوراك دجاج مخلية ومقطعة قطع صغيرة
2. ٣ معلقة كبيرة زيت زيتون
3. ٢ معلقة صغيرة ثوم مفروم
4. ١ظ٣ كوب عصير تمر هندي بدون سكر - وإذا كان به سكر فلا نضيف السكر البني بالوصفة ونكتفي بالسكر في العصير
5. ٢ معلقة كبيرة سكر بني
6. ١ معلقة كبيرة كاتشاب
7. ١ معلقة كبيرة خل أبيض
8. ١\٣ كوب صويا صوص
9. ١ معلقة كبيرة نشا مذابة في ربع كوب ماء

Instructions

1. نضع طاسة كبيرة على النار ونضع بها زيت الزيتون يسخن
2. نضيف قطع الدجاج ونشوحها من ١٠-١٥ دقيقة مع الإستمرار في تحريكها
3. في هذه الأثناء وفي طبق خارجي نضيف الثوم مع الصويا صوص والخل والتمر هندي والسكر البني و الكاتشاب ويخلط جيدا
4. ننتظر حتى تنشف مية الدجاج ونضيف الصوص على الدجاج مع تقليب القطع حتى تتغطى كلها بالصوص
5. حينما تغلي نوطي النار عليها و نضيف النشا مع الماء ونغطيه ونتركه يكمل سوا حوالي ٢٠ دقيقة أخرى
6. ٦ تزين بحبات السمسم وتقدم مع الأرز أو المكرونة أو النودلز
7. وبالهنا والعافية

مغتربة http://moghtareba.com/

السلام عليكم

اليوم جاية ومعايا طريقة جميلة جدا لعمل دجاج شبية بكنتاكي لحد كبير جدا جدا يعني الوصفة دي تقدروا تعملوها بالفرن – طبعا هتكون أقل شوية في القرمشة – أو ممكن تتقلي

الوصفة والطريقة دي تقدروا تستخدموها مع الدجاج اللي بالعضم وبعد ما يتغطى بالخلطة ويقلي لو قلقانين إنه ممكن يكون لسه فيه إحمرار أو ما إستواش من جوه نحطه شوية في الفرن بدون تغطية علشان ما يبقاش طري ويفضل محتفظ بالقرمشة بتاعته

في الوصفة دي بننقع  الدجاج من بالليل لو مستعجلين يبقا سيبوه في التتبيلة فترة مش أقل من ٤ ساعات علشان يبقا طري ولذيذ من جوة ومقرمش من برة .. التتبيلة بتحتاج لبن رائب لكن الحقيقة أنا مش بأشتريه هنا كتير لهذا أنصحكم تحطوا لبن وخل على كل كوب لبن عادي حليب يعني نحط معلقة خل كبيرة

كمية الملح في التتبيلة قد تبدو كبيرة لكن هي مناسبة جدا جدا لكمية الدجاج لأن مش كلها بتتحط في التتبيلة بنآخد معلقة واحدة فقط والباقي بنضيفه على خليط الدقيق

في الوصفة أنا قليت الدجاج للأولاد لكن عملت باقي الكمية لي أنا وزوجي بالفرن .. لتقليل الدهون لكن إستخدمت طريقة شفتها في موقع أجنبي عجبتني جدا لكن غيرت منها شوية لأن الدجاج كان بيبقا باين فيه الدقيق شوية  المهم الطريقة دوخليت طعم الدجاج لذيذ بشكل لا يوصف

الطريقة إننا يعد ما نغطي الدجاج بالدقيق نسيح ٢ معلقة زبدة وحطيتهم مع زيت زيتون وفرشت نصفهم في صينية الفرن – مبطنة بورق زبدة لاااازم علشان الدجاج ما يلزقش – وبعدين وزعت النصف المتبقي على قطع الدجاج من فوق وتدخل الفرن لغاية لما تآخد اللون الجميل الدهبي ونقلبها في نص المدة على الوش التاني علشان تتحمر من فوق وتحت وبالهنا والشفا

أترككم مع الفيديو والوصفة مكتوبة وأتمنى تنال إعجابكم

ألذ وصفة دجاج كنتاكي

2016-02-08 10:18:32

ألذ وصفة لدجاج مقلي ومقرمش مثل كنتكي - وبالإمكان عمله بالفرن بدون قلي

Write a review

Save Recipe

Print

Ingredients

1. ١٠ قطع صدور دجاج صغيرة - تقريبا ١.٧٥ باوند
2. كوب ونصف لبن رائب - بالإمكان عمله بالبيت بإضافة ١ م كبيرة خل لكل كوب لبن حليب
3. ٢ ونصف كوب دقيق أبيض
4. ١\٣ كوب دقيق ذرة
5. زيت للقلي أو
6. ٢ م ك زبدة + ٢ م ك زيت زيتون - للتسوية بالفرن

خليط التوابل

1. ١م ك ملح.
2. ١ م ص فلفل.
3. ١ م ص بابريكا
4. ٢ م ص حبهان طحون
5. ٢ م ص بودرة الثوم

Instructions

1. نخلط التوابل معا ثم نأخذ ١ م ك من الخليط ويضاف على ١ كوب من اللبن الرائب
2. يغسل الدجاج ثم ينقع في خليط اللبن والتوابل فترة الليل
3. يضاف الدقيق إلى دقيق الذرة وباقي التوابل
4. تدريجيا وبإستخدام شوكة نضيف باقي اللبن الرائب إبى خليط الدقيق ونحرك حتى تتكون تكتلات من العجين - قد نحتاج المزيد من اللبن أو الدقيق
5. تغطى قطع الدجاج جيدا بالخليط مع الضغط
6. يقلى في القليل من الزيت أو لو هنعملها بالفرن نسخن الزبدة حتى تسيح بالمايكروويف
7. نضيف لها الزيت وندهن صينية مفروشة بورق الزبدة بنصف مقدار الزبدة والزيت
8. نرص قطع الدجاج ونوزع باقي مقدرا الزبدة والزيت على الدجاج
9. يخبز في فرن ٤٠٠ فهرنهايت حتى يحصل على اللون الذهبي مع مراعاة أن يقلب في منتصف المدة
10. وبالهنا والشفا

مغتربة http://moghtareba.com/