مغتربة

**** مصـــادر ومناهج مختلفــة فرى للتعليم المنزلى ********

ليجو إديوكيشن عاملين ويبينار فري يوم ١٦ مايو الساعة ١ ظهرا عن وسائل تعليم

بإستخدام الليجو وهيكون فيه أنشطة فري هتتبعت على الإيميل للمشتركين فى الويبينار

وهنــــا هتلاقوا نشاط لطيف للأطفال بمناسبة عيد الأم

 

ومن هنــــا مجموعة أوراق تعليم كتابة الحروف عند التسجيل

وهنـــا شارت فري عن الجو

و هنـــــا دروس عن المد والجزر والبحر والمحيطات تصلح من الصف الأول حتى الـ ١٢

و هنـــا سبايدر ميني يونيت

ومن هنـــامجموعة من الدروس عن الضفادع ودورة حياتها ومصادر أخرى بهذا الموضوع

وهنــــا مطبوعات لمرحلة ما قبل المدرسة عن الحدائق

وهنـــــا تعليم الأولاد سايت ووردز عن طريق لعبة بينجو

أيضــا هنـــا مجموعة من أنشطة الصيف

وهنـــا مجموعة أوراق تعليمية للاطفال بثيم الباربكيو إستعدادا للصيف

وهنــا مجموعة أوراق ودروس تعليمية عن المموريال داي

هنــــا تتعلموا إزاى تعملوا بازل خريطة للولايات المتحدة الأمريكية

هنـــا أوراق لتمييز الحروف الأبجدية  كابيتال وسمول

هنــــا مجموعة لتعليم عن الزلازل

إنتظـرونى فى المـزيد إن شاء الله

Photo Credit

photo credit

كام مرة حبيتوا تلتزموا بالرياضة يوميا … كام مرة كان نفسكم تبدأوا رجيم وتخسوا ..كام مرة كان نفسك تتعلمى خياطة أو كروشية .. كام مرة قلت لنفسك هأتعلم مثلا تصليح السيارة بدون اللجوء للميكانيكي .. كام مرة كان نفسك تتعلم لغة جديدة أو هواية جديدة .. كام مرة كان نفسكم تلتزموا بقراءة كتاب ولو مرة كل شهر؟ …كام مرة كان نفسنا وما عملناش  اللى عايزينه وليه؟

مش المشكلة إننا ما قدرناش لأ … ده إحنا فى أوقات كتير مش بنحاول من أساسه .. المشكلة بتكون إن كل واحد مننا حاطط نفسه فى قالب ومش عايز يخرج منه .. كل واحد فينا محوط نفسه بحيز من الأمان والراحة .. منطقة أمان عقلية ونفسية ممنوع الخروج منها وبيحس إنه لو خرج منها ممكن يحصل له حاجة .. وللأسف العمر بيعدي ويرجع الواحد يقول لسه كان نفسه يعمل ويعمل ويبدأ يلوم الآخرين لأنه ما لحقش وإنهم أخدوا وقته وما عملش كل اللى كان نفسه يعمله من زمان

 

No Pain, No Gain

 

وده صحيح لو عايزين نتعلم لازم نفشل ولازم نحاول .. لو عايزين نخس لازم نحس بالألم فى عضلاتنا من الرياضة وبألم الحرمان من الأكل .. لو عايزين نحس بالنجاح فى مجال يبقى لازم نآخد الخطوة الأولى على الطريق لو عايزين نتعلم هواية يبقى لازم نتوقع الفشل فى المحاولات الأولى .. لو عايزين نشوف إنجاز كبير فى حياتنا يبقى لازم نخرج برة الصندوق اللى حاشرين نفسنا فيه بقالنا سنين .. ما تفتكروش إن أنا برو فى الموضوع ده  بالعكس أنا لسه بآخد معاكم الخطوات الأولى

 

 

Photo Credit

أنا بأحاول أخرج من منطقة الأمان بتاعتى .. مش سهل على وأحيان كتير بأرجع للخلف در لأن مش من طبيعتي المغامرة والجرأة وأول حاجة عملتها هى مدونتى دى ولولا زوجى وتشجيعه لى ما كانتش مغتربة بقا لها وجود .. لازم الواحد يحاول ويتشجع والبدايات دايما صعبة .. لكن النجاح طعمه حلو

 

مع إنى كنت متخوفة جدا من إنى أبدأ المدونة لأسباب كتير .. منها على سبيل المثال الخوف من الإنتقاد من الناس .. الخوف من الإصطدام بالناس على إختلاف أهواءهم .. الخوف من تسفيه البعض لى ولمجهودى .. لكن الحقيقة لما بألاقى ناس متابعانى وبتستفيد .. ولما بألاقى تعليقات وتشجيع منكم بأفرح فعلا وأحس إن مجهودى بيلاقى صدى وإن فيه ناس فعلا ممكن تساعدهم مدونتى وممكن تساعدهم أفكارى .. وعلى الرغم من إن بيكون فيه نقد أحيانا يوصلنى بالإيميل لكن إتعلمت أتقبل النقد وده فى حد ذاته مكسب لى مش خسارة

 

كل واحد يقعد مع نفسه ويكتب الحاجات اللى بقاله سنيييين نفسه يعملها .. ويطلع أول حاجة هيموت فعلا يعملها .. ونجرب نشجع بعض .. وغفتكروا دايما إن أول خطوة هى أصعب خطوة .. ولو تعبتوا فى الطريق إدخلوا على اليوتيوب وإسمعوا محاضرات دكتور إبراهيم الفقى عن النجاح والفشل وعن التخلص من الخوف .. الله يرحمه ويحسن إليه

 

 

إنتظرونى إن شاء الله قريبا فى خطوة أخرى على الطريق .. وإن شاء الله خطوتى اللى جاية هتفرحوا بيها بس أنا مش هأقول عليها دلوقتى للتشويق

سلام