مطبخ مغتربة
مطبخ مغتربة :: عجينة قمر الدين
قمر الدين … طبعا عارفينه واللا إيه؟ على العموم اللي ما يعرفش قمر الدين هو عجينة مشمش مركزة ومحلاه مشهورة بشهر رمضان المبارك بنعمل منها مشروب قمر الدين اللذيذ وأيضا بنعمل منها مهلبية قمر الدين الجميلة
قمر الدين يمكن يكون مش متوفر لينا في الغربة أو يكون محل الإنترناشيونال بعيد عليكم … أو يمكن تحبوا تجربوا تعملوه بنفسكم … على العموم لو محتاجين وصفة ما تدوروش أنا هأعطيكم الوصفة السهلة لعمل قمر الدين
بصراحة وأنا صغيرة كنت بأستمتع بأكله كده حاف 
من غير عصير ولا مهلبية .. كنا بنآكله زي الحلويات
انا عملته من المشمش المجفف لكن بإمكانكم تعملواه من المشمش الطازج ولكن بدون إضافة ماء لأن هو هينزل ميه لوحده
السكر إعملوه حسب مذاقكم ويا ريت لو تعملوه بزيادة شوية ميه عن ما أنا عملته علشان يسهل فرده في الصينية
من هنــــا تشوفوا فيديو قصير عن طريقة تحضيره من قناة مغتربة باليوتيوب وأتمنى منكم تشتركوا وتعملوا لنا لايك
مطبخ مغتربة :: طريقة عمل خبز الرقاق مع صينية الرقاق المصري
خبز الرقاق مشهور جدا بالعالم العربى وبيتعمل منه وصفات وأطباق حلو وحادق متنوعة وأشهرها الفتة في بلاد الشام وصينية الرقاق باللحمة المفرومة في مصر
أنا عمري ما كنت أحب الرقاق لكن سبحان الله فعلا الإنسان بيتغير وذوقه بيتغير … يمكن علشان الصينية دي بتفكرني بمصر وبأهل مصر ورمضان والعيد الكبير … يمكن علشان كده بدأت أحبها فعلا !!!! …..المشكلة عندنا إننا مش دايما بنلافي خبز الرقاق بالمحل الإنترناشيونال أو العربي هنا
بس مش هنخلي حاجة بسيطة زي دي تقف قدامنا إحنا قدها وقدود زي ما بنقول بالمصري … الرقاق عجينته سهلة جدا مش محتاجة كلام كتير ميه ومدقيق وملح وبس … إعجن وإفرد وإخبز وخلاص أسهل خبز ممكن تعملوه
أما بالنسبة لصينية الرقاق المصري فهي عبارة عن طبقات من الرقاق بنطريها الأول بشوربة أو لبن أو خليط معاها زبدة وبعيدن لحمة معصجة وبعيد باقي الطبقات وبينها زبدة وعلى الوش شوية زبدة كمان ونسقيها شوربة وخلاص خلصت
تقدروا تشوفوا الطريقة بالتفصيل ومقادير الخبز من هنــــا وما تنسوش تشتركوا بقناة مغتربة على اليوتيوب .. أتمنى وصفة اليوم تعجبكم
مرحب شهر الصوم :: متابعة اليوم الـ ١٢
السلام عليكم ورحمة الله وبركاته
متابعة اليوم الـ ١٢ وصلت والحمد لله كنا هنعمل حلويات ونفرزها … قلنا بإن الله هنعمل السينامون رولز بعجينة قابلة للتفريز وكمان بسكويت جوز الهند بالزبدة … روووعة
من هنــــا فيديو قصير للبسكويت
وهنــــا فيديو عن السينامون رولز
أتمنى تعجبكم الوصفات … ويا ريت تشتركوا في قناة مغتربة على اليوتيوب … وشكرا
مرحب شهر الصوم :: متابعة اليوم الـ١١
زي ما إتفقنا يومنا كان هيبقى فيه وصفة ستيك الرجل الفقير ونضع أقراص الستيك بالفريزر .. الوصفة سهلة جدا جدا ولذيذة وأتمنى فعلا تجربوها
من هنـــا فيديو قصير للوصفة من تشانيل مغتربة باليوتيوب .. أتمنى تعجبكم وتعملوا لها لايك
مرحب شهر الصوم :: متابعة اليوم العاشر
السلام عليكم … اليوم متابعة اليوم العاشر بإذن الله .. كنا هنعمل فطائر ونضعها بالفريزر وزي ما قولت لكم عملتها بعجينة العشر دقائق ودي عجينة سهلة قوي قوي وزي ما بيقولوا هنا فوول برووووف يعني ما تقلقوش منها خالص خالص توكلوا على الله فيها وإن شاء الله النتيجة هتكون جميلة
For the recipe in English CLICK HERE… 10 MINUTES DOUGH
هنا فيديو قصير عن العجينة
ومن هنا وصفة كفتة الفراخ بالبشاميل أتمنى تعجبكم
أتمنى تعجبكم وأشوفكم المرة القادمة بإذن الله
مطبخ مغتربة :: المنيو الإسبوعي من ٩ – ١٥ يونيو ٢٠١٤
تأخرت عليكم هذا الأسبوع في المنيو معلش سااامحوني
منيـو الغذاء الأسبوعـي من ٩ – ١٥ يونيو ٢٠١٤
الإثنين: فراخ بالصلصة في الفرن + أرز + بسلة
الثلاثاء :بواقي الإثنين
الأربعاء : مكرونة باللحمة المفرومة
الخميس : مسقعة باللحمة المفرومةوأرز
الجمعـة : سمك مقلي وأرز أبيض وأحمر
السبت : بواقي
الأحد : بيض وفول وطعمية