الأطباق الرئيسية
مطبخ مغتربة الإقتصادي :: فراخ بالصوص الحامض المحلى
اليوم الميعاد مع وصفة الفراخ بالصوص الحامض والمحلى أو السويت آند ساور
الوصفة من المطبخ الصيني .. يعني لو مش بحبوا الأكلات الآسيوية ما تعملوهاش من فضلكم
الوصفة الطعم فيها حامض ومسكر وفيها أناناس مع فراخ بس طعها لذيذ جدا بالنسبة لينا
جربوها لو بتحبوا تجربوا الأكلات الجديدة
هنحتاج الآتى لعمل عجينة للفراخ
١ ونصف كوب من الدقيق الأبيض
١ معلقة صغيرة بيكنج باودر
بيضة
١ معلقة كبيرة نشا
ملح وفلفل
١ معلقة كبيرة زيت زيتون
٤/٣ كوب ماء
من ١ ونصف لـ ٢ صدر فراخ فيلية مقطع مكعبات
زيت للقلي
للصوص
٤/٣ كوب عصير أناناس + قطع أناناس
٤/٣ كوب ماء
٤/١ كوب سكر ابيض
٤/١ كوب خل أبيض
٢ معلقة كبيرة نشا
٢ معلقة كبيرة معجون طماطم أو كاتشاب
١ فلفل أحمر رومى مقطعة مكعبات
الطــريقــة
نعجن مكونات العجينة مع بعضها جيدا الدقيق والبيكنج باودر والبيض والملح والزيت ونخلط معهم ٤/٣ كوب من الماء واحدة واحدة حتى الحصول على عجينة سميكة نوعا من تقريبا زى عجينة البان كيك
نضيف قطع الدجاج ونقلب جيداا حتى تتغطى قطع الفراخ من جميع الجوانب
تقلى قطع الفراخ فى زيت غزير حتى تتحمر جيدا ثم فى نفس الزيت نقلى بسرعة قطع الفلفل الأحمر
لعمل الصوص : فى حلة على النار نضع كل من عصير الأناناس والماء والكاتشاب والسكر والخل .. غلوتين ونقفل عليهم النار .. فى كوب خارجى ندوب النشا مع معلقتين كبار مية ونضيفهم شوية شوية للخليط بعد ما قفلنا النار ونقلب كويس علشان النشا ما يكلكعش
يقدم فوق الأرز الأبيض … نغرف الفلفل والفراخ وقطع الأناناس – يستحسن نسخنها شوية – ثم نضيف عليهم الصوص .. حقيقي طعمها كان جميل
وبالهنا والشفــا
مطبخ مغتربة :: الحواوشى المصري
الحواوشي المصري من أجمل وأسهل الاطباق فى المطبخ المصري .. سهل وسريع ويتقبله كل أفراد الأسرة صغار وكبار …اليوم هنعمل الطبق ده مع بعض
المقاديــر
١باوند لحم مفروم – ٩٠٪ أو أقل
٤ رغيف عيش بيتا أسمر
بصلة مفرومة متوسطة
فلفل ألوان- أصفر وأخضر واحمر أو اللى موجود
طماطم مقطعة مكعبات – إختياري أنا مش بأحب أضيفها
شطة- إختياري وبالكمية المحببة ليكم
ملح وفلفل وبهارات حسب الرغبة
زيت زيتون لدهن أرغفة العيش
الطريقـــة
يسخن الفرن على ٤٠٠ فهرنهايت ونبدأ فى عمل الحواوشي بخلط جميع المكونات للحم ما عدا الزيت والعيش *
نفتح أرغفة العيش أو نقسمها نصفين ونفتح كل نصف وندهنه من الداخل بقليل من الزيت أو السمن لو حبيتوا*
تحشى الأرغفة بخليط اللحم جيدا ثم تلف فى ورق الألمونيوم وتوضع بالفرن حتى تمام السوا*
بعد حوالى ٣٠ دقيقة بيكون اللحم نضج ولو فتحنا الفويل هنلاقى الأرغفة فى الغالب طرية ومش ناشفة*
ممكن طبعا تقدم كده لو بتحبوها كده لكن إحنا بنفضلها ناشفة وعلشان كده بآخدها فى الجريل الكهربا*
بأعمل لها جريل ٥ دقائق لغاية لما العيش ينشف .. فيه ناس بتفتح الفويل وتسيبها فى الفرن فترة تنشف
المهم شوفوا اللى يريحكوا بتكون لذيذة وجميلة
تقدم مع السلطات وأكيد سلطة الحمص وبالهنا والشفا
مطبخ مغتربة الإقتصادي :: كسكسى بالخضروات والفراخ
اليوم معادنا مع طبخة جديدة من تحدي الوجبات الإقتصادية .. وهى وجبة جميلة ومتكاملة فعلا
الوجبة هنا أنا زودت عليها كرانبري جاف ومكسرات مجمصة لكن طبعا ممكن نستغنى عنهم لمزيد من الإقتصادية
هنحتاج الآتى
١ علبة كسكي أو كوب كسكسي
١ بصلة مفرومة متوسطة
٢/١ ملعقة صغيرة قرفة
٢/١ ملعقة صغيرة حبهان بودرة
٤/١ ملعقة صغيرة قرنفل بودرة
أى مجموعة من الخضروات – إستخدمت خضروات الستير فراي بتاعة الأكل الصيني يعني
حوالى كوب ونصف فراخ مقطعة شرائح رفيعة أو ما يعادل صدر فراخ واحد
زيت زيتون
ملح وفلفل حسب الرغبة *
لوز ومكسرات محمصة وكرانبري جاف أو زبيب – إختياري *
الطريقـــة
نجهز الكسكسي باطريقة المعتادة أو كما هو مكتوب على العلبة *
فى طاسة على النار نضع الزيت ثم البصل ونشوحه حتى يصفر قليلا *
نضيف البهارات والملح والفلفل ونقلب جيدا*
نضيف قطع الدجاج ونقلبها مع البصل حتى تتحمر ثم نضيف الخضار والكرانبري لو هتستخدموه ونوطى عليها النار*
بإمكانكم إضافة القليل من الماء للخليط لو حسيتوا إنه ناشف*
تترك على النار لمدة ربع ساعة تقريبا أو حتى تمام السوا*
يغرف الكسكسي وعليه مزيج الفراخ والخضروات ويزين بالمكسرات المحمصة*
وبالهنــــا والشفـــا
٦xمطبخ مغتربة الإقتصادى ::كسرول الدجاج من تحدى الـ ٦
من وصفات تحدى ال٦*٦
طبق جديد ووصفة جديدة وهى كسرول الدجاج تعالوا نشوف هنحتاج لإيه
المقــادير
١ باوند صدور فراخ مخلية
٢ بصلة متوسطة شرائح
١ علبة صوص طماطم
٢ فص ثوم
زيتون أخضر مقطع
دقيق
١ معلقة سكر بني ناعم
الطريقــــة
نغطى الدجاج بالدقيق ثم فى مقلاة عليها القليل من الزيت نحمر الدجاج من الجانبين *
نشيل الدجاج من المقلاة ويوضع جانبا ثم فى نفس المقلاة نضيف البصل والثوم ويتحمروا *
بعد حوالى ٥ دقائق نضيف الطماطم ومعلقة السكر البنى ثم كوب من الماء ويترك ليغلي *
نقلل الحرارة ونحرك المزيج ونتركه يتسبك حوالى ٢٠ دقيقة ثم نضيف قطع الدجاج والزيتون *
نضيف الملح والفلفل حسب الإحتياج ويترك ٥ دقائق أخرى على النار *
يقدم الكسرول مع المكرونة المسلوقة أو الأرز حسب رغبتكم*
وبالهنـــا والشفــــا
٦xمطبخ مغتربة الإقتصادى :: مكرونة ألفريدو من تحدى الـ ٦
من وصفات تحدى ال٦*٦
مكرونة بصوص الألفريدو سهلة وسريعة وإقتصادية جدا ومحببة للكل .. طبعا ممكن تشتروا الصوص جاخز لكن لمزيد من الإقتصادية إعملوا الصوص بنفسكم تعالوا أوريكم نعمله إزاى
هنحتاج الآتى
٣ أكواب صدور دجاج مقطع وغير مطهى – الطبق ده ممكن نستخدم فيه دجاج مطهى لكن بأحس إنه أفضل يكون مش مطهى *
٢ فص ثوم مهروس *
٢ معلقة كبيرة دقيق أبيض *
٢ كوب سائل – كوب لبن وكوب شوربة أو ٢ لبن أو لبن وماء أى شئ من إختياركم *
ملح وفلفل *
١ باكيت مكرونة مسلوقة *
زبدة أو زيت اللى تحبوه *
الطــــريقــــة
فى طاسة على النار نسخن الزبدة ثم نضيف الثوم المهروس تقليبتين فقط بلاش نسيبه لغاية لما يحمر ثم نضيف قطع الفراخ ونقلبها لغاية لما تبيض ثم نضيف معلقتين الدقيق ونستمر بالتقليب
بعد كدة نضيف الشوربة واللبن ونقلبهم مع الفراخ كويس ثم الملح والفلفل وتترك على نار هادئة حوالى نصف ساعة
بصوا على الصوص لو حسيتوا إنه تقيل بالنسبة لكم أضيفوا المزيد من السائل ولو كان خفيف يبقى ندوب معلقة دقيق فى قليل من الماء بكوب ثم نضيفه على مزيج الدجاج ونقلب
يقدم مع المكرونة المسلوقة
وبالهنا والشفا
٦xمطبخ مغتربة الإقتصادى :: الشاورما السريعة من تحدى الـ ٦
طبق الشاورما مين فينا ما يعرفهوش فى الشرق الأوسط .. الشاورما من الأطباق المحببة تقريبا لجميع من أعرف .. طبعا الشاورما بتتعمل أساس على سيخ كبير سصعب تواجده فى البيت وفى الوصفى الأصلية لازم نتبل اللحم فترة كافية .. لكن المرة دى هنعمل تقليد سريع للشاروما من الدجاج الذى سبق طهيه .. تعالوا نشوف ممكن نعمل إيه
هنحتاج الآتى
٣ أكواب دجاج مطهى ومقطع *
٣ ملاعق كبيرة خل أبيض *
بصلة متوسطة مقطعة حلقات – يفضل بصل أبيض أو أصفر لأنى إستخدمت الأحمر وأعطانى لون غير محبب *
فلفل رومى ألوان مقطع شرائح طولية *
١ معلقة صغيرة ليمون *
١ طماطم متوسطة مقطعة مكعبات – ويمكن إستبدالها بنصف كوب عصير طماطم *
٤ معلقة كبيرة زيت زيتون *
ملح وفلفل *