مطبخ مغتربة :: شوربة العدس

السلام عليكم

ومن بسكويت البطاطا لطريقة عمل شوربة العدس المصرية الجميلة  مفيش أحلى من كدة

وهو ده الشتا والبرررد يحلى معاه وصفات الشتاء التراثية العربية ومن أجملها شوربة العدس

شوربة العدس المصرية سهلة جدا جدا والمكون الأساسي فيها العدس والجزر مع البصل والثوم والباقي بقا حسب اللي موجود في التلاجة

ناس تحب تضيف بطاطساية صغيرة علشان تزود سمك الشوربة وناس لأ .. وأنا بأحب أحط فيها كرفس وبقدونس وفلفل على حسب اللي عندي أخضر أو ألوان وكمون كتير

تقدروا تسلقوا العدس في مية عادية وبعدين لما تستوي وتضربوها في الخلاط تبقوا تزودوها مية أو شوربة من الوصفات التراثية السهلة والغير مكلفة أترككم مع الفيديو والوصفة التفصيلية

شوربة العدس

2016-01-11 13:46:11

من ألذ الشوربات في مصر خصوصا بفصل الشتاء

Write a review

Save Recipe

Print

Ingredients

1. ١.٥ كوب عدس أصفر جاف
2. جزرة متوسطة مقطعة قطع
3. بصلة متوسطة مقطعة أرباع
4. ٢ فص ثوم
5. ماء ليغطي المكونات أو ماء + شوربة

إختياري

1. ١ ثمرة طماطم مقطعة أرباع
2. فلفل رومي أخضر أو ألوان
3. كرفس
4. كزبرة خضرا
5. بقدونس أخضر
6. ١ حبة بطاطس صغير

التوابل

1. ٢ م ص ملح
2. رشة كمون كبيرة تقريبا نصف م ص أو أكثر حسب الذوق

Instructions

1. نغسل العدس والخضروات جيدا وتوضع جميعها في قدر عميق
2. نضيف عليها الماء أو الماء والشوربة وننتظر حتى تغلي
3. نهدأ النار ونتركها حتى تستوي جميع المكونات
4. بعد السوا نطفي النار ونتركها تهدأ قليلا وتبرد
5. تضرب المكونات بخلاط الكأس أو الفوود بروسيسور حتى تتجانس ويمكننا نضرب جزء ونترك جزء حسب الرغبة
6. ترجع على نار متوسطة ونظبط الطعم بالملح والكمون
7. تغرف وتقدم بالهنا والشفا

مغتربة http://moghtareba.com/