برررررد .. الدنيا برد فعلا … ولسه إحنا عندنا هنا البرد الحقيقي من فبراير لأبريل فعلا الفترة دي بينزل فيها تلج كتير كل سنة بس يمكن الحرارة بتكون أحسن شوية بس برضو برد
وفي البرد بأسترجع ذكريات الطفولة في مصر ومن ذكرياتنا الشتوية هي البطاطا .. اللي هي البطاطا الحلوة يعني
البطاطا المشوية من أجمل الروائح في الشتا … الراجل اللي بيمشي في الشارع في مصر ده ومعاه عربية وعليها فرن بتطلع منها ريحة حلوة .. ريحة شتاء مصر
الله يهون على مصر وعلى أهلها وكل بلاد المسلمين اللي بيشوفوه اليومين دول ويصلح الحال يا رب
وطبعا من واجبي تجاه أولادي إني أعمل لهم ذكريات مع البطاطا زي ما أنا لي ذكريات حلوة معاها 
لكن للأسف دايما أعمل البطاطا وتتبقى واحدة واللا إتنين خلاص محدش عايز يآكلهم ولا يقرب منهم … إفترا مش كدة؟
لو ده حالكم مع البطاطا برضو ما ترموهاش حطوها في الفريزر ولما تبقوا عايزين تعملوا بسكويت تعالوا نحط البطاطا على الدقيق وزبدة وسكر ونطلع أحلى بسكويت
وصفة النهاردة سهلة جدا ومفيهاش إفتكاسات كتير والمكونات موجودة بكل بيت إن شاء الله .. بس طلعوا البطاطا من الفريزر تفك وإعملوا البسكويت ده
البسكويت ده يستحسن نحط عليه مثلا سكر بودرة أو نرشه بالشربات الخفيف .. أو إعملوا زي ما أنا عملت حطيت عليه صوص كراميل و صوص شيكولاتة بيضا أو ممكن تعملوا آيسينج
أترككم مع الوصفة والفيديو وإن شاء الله تجربوه ويعجبكم
بسكويت البطاطا الحلوة
2016-01-07 14:00:44
Ingredients
- ا حبة بطاطا - حوالي نصف باوند - مشوية ومقشرة
- ١\٤ كوب زبدة غير مملحة - بدرجة حرارة الغرفة
- ٣ م ك سكر
- ٣ م ك سميد خشن
- ١٠ م ك دقيق أبيض
- ١ م ك بيكنج بودر
- بيضة كاملة + بيضة أخرى مفصول البياض عن الصفار
- رشة فانيليا
إختياري لإعطاء نكهة
- قرفة- قرنفل مطحون - جنزبيل بودر
للحشو - إختياري
- زبيب- فول سوداني - مكسرات
للتغطية
- سكر بودرة - شربات خفيف- أي صوصو متواجد ( كراميل - شيكولاتة بيضا ... ) - آيسينج
Instructions
- بالشوكة نهرس البطاطا ثم نسخنها بالمايكوويف أو الفرن ٤٠ - ٥٠ ثانية حتى تصبح ساخنة قليلا
- نضيف الزبدة ونخلطها مع البطاطا حتى تسيح الزبدة
- نضيف السكر ونخلط جيدا
- يمكن إضافة النكهات الإختيارية - القرفة والقرنفل ... وهكذا
- ثم نضيف باقي المقادير ونعجن حتى نحصل يختفي الدقيق
- بإمكانكم وضع العجينة بالتلاجة من ٣٠ دقيقة أو ساعة إذا كانت صعبة عليكم في التشكيل
- نأخذ قطعة من العجين ونكورها باليد
- تحشى كل قطعة - إختياري- بالمكسرات أو الزبيب مثلا
- تغلق العجينة وتكور وممكن تزيينها من الخارج بقطعة أخرى من المكسرات
- تخبز في فرن حار ٢٥٠ فهرنهايت لمدة من ١٥ - ٢٠ دقيقة على حسب حرارة الفرن
- ترش بالسكر البودرة أو الشربات أو أي صوص آخر
- تترك لتبرد وتقدم بالهنا والشفا
مغتربة http://moghtareba.com/
حبيت اشوف غلاوتى عندك بس واضح انك حتى ماردتيش عليا ولا شوفتى سبب بعدى عن المدونة ودة يدل ان احساسي كان صح يااميرة
السلام عليكم هيدو بأعتذر عن عدم سرعة الرد نظرا لأنشغالي بالعديد من الأعمال و ضيق وقتى و لا تتخيلي المجهود المتواصل ليلا نهارا
أرجو أن تبقي موجودة معنا دائما و أشكرك على حسن تفهمك