مش المهم ضاع مني إيه المهم وفرت أد إيه ههههه
أول الأسبوع اللي فات كنت كتبت لكم عن عرض تارجت بتاع الأوكسي كلين .. المهم عملت الكوبونات ووضبت حالي وقلت آخد الكاميرا معايا علشان أصور لكم العرض عيانا بيانا وتشوفوا كل حاجة عيني عينك
المهم روحت تارجت وصورت لكم العرض ومعايا أهه الأربع كوبونات إياهم .. ورجعت البيت وكلي فخر
وكمان جيبت العرض الفري بتاع التشيز إت وعرض الشيكولاتة إم آند إمز وقلت أصور بقى لكم إشتريت إيه علشان تشوفوا وتتشجعوا تستغلوا العروض وأدرو على الكارد اللي بأنقل بيه الصور من الكاميرا مش لاقياه ولا لقيت الشنطة الصغيرة اللي فيها الكاميرا … قلبت الدنيا وروحت تارجت مرتين يمكن حد يكون لاقاهم مفيش
ومن الآخر أنا ضيعت حاجات بـ ٢٠ دولار وأنا بأوفر ١٠ دولا مش مهم لكن المهم إني وفرت مش كده .. إوعوا تقولوا حاجة غير كده ههههه
وأخيرا وبعد طول غياب رجعت تاني أعمل الأكل بتاع الأسبوع وأحطه بالفريزر … ياااه فعلا شيئ مريح جدا جدا يعني النهاردة مثلا الأكل عندي جاهز وبكرة وبعده مش هأقعد لسه أفكر في الأكل أطلع إيه بالليل وكل يوم أقف في المطبخ ساعتين على ما أخلص الأكل وضبت الأساسيات
عملت مكروونة بالبشاميل ولسه هأحمر وشها النهاردة إن شاء الله
وعملت كفتة وحلة رز محترمة أهه لزوم الناس اللي بتحب الرز عندنا في البيت
وده الأستاذ الصغير بيعمل معايا تجربة علمية معملية فذة … بنحاول نعمل الرول أبس ويا رب تفلح
arwa says
كل سنة وانت طيبة وربنا يعود عليكم الأيام بخير وتكون فى احسن صحة وسعادة يارب كنت عاوزة أسأل عن تجهيزات الفريق لأن عندى ظروف دايما تعبانة ومصدر مع الحمل وبروح جلسات بوسف علشان الكلام الوقت ضيق جدا والوقت ضيق جدا بنجوالآخر بشرى أكل جاهز مع لن الطعام مش حلو ومش صحى يارب تقولي لى بأ بأجهزة ايه فى الفريق بيكون كم وجبة معلش ى الايميل عملية لكن مش عارفة مش بفتح ليية
Amira says
أروى أنا مش فاهمة يعني إيه تجهيزات الفريق؟
arwa says
أقصد تجهيزات الفريق تقريبا الموبيل ليكتب ع مزاجة
arwa says
الفرزير
Amira says
بصي اللي فهمته من الموبايل بتاعك إنك بتسألي عن وصفات للتفريز صح؟ واللا بتسألي عن الوجبات اللي أنا عملتها وحطيتها بالفريزر الأسبوع اللي فات؟
على العموم زي ما قلت لكم الأسبوع اللي فات أو مش اللي فات قوي يعني بالتحديد يوم الأحد عمملت أكل الأسبوع وحطيته بالفريزر وكان مكرونة بشاميل و لحمة التركي المفرومة علشان التاكوز وتبلت دجاج طاووق وعملت كفتة ووضعتها بالفريزر
arwa says
يعنى انت بفرز أسبوع بأسبوع ولا فى حاجات ثابتة معاك فى التفريز
Amira says
حاليا جدولي كالتالي: يوم الخميس بأقعد أحط منيو الأسبوع القادم اللي هو بيبدأ يوم الإثنين وبأشوف الفلاير واللي موجود في دولاب الخزين عندي واللي عليه تخفيضات بالجرايد واللي عليه كوبون وبأعمل المنيو
يوم الجمعة أو السبت أو اليومين معا : بأخرج أشتري الحاجات ويوم الأحد بآخد لي بتاع ٤ ساعات كده أحضر الأكل وأحطه بالفريزر
ساعات بأعمل أكل لأسبوعين بس في الغالب كل أسبوع بأعمل الموضوع ده