السلام عليكم وأهلا بيكم في أسبوع جديد .. أتمنى يكون الأسبوع اللي فات عدى عليكم جميعا بصحة وسعادة والويك إند كان حلو ومليئ بالإنجازات
بالنسبة لينا الويك إند بتاعنا كان حاو والحمد لله بدأ من يوم الجمعة بعد المدرسة إصطحبت بعض أصدقاء أولادي – أو على الأصح أصدق أصدقائهم- وقضينا باقي اليوم مع بعض في شقتنا اللي لسه مكركبة ومش راضية تخلص ولا الكراتين تنتهي أبدا كان وقت ظريف والكل إستمتع والحمد لله وعملت لهم حواوشي مع إن الخطة كانت بيتزا منزلية لكن الولاد طلبوا مني حواوشي وبعد ما جم من المدرسة وسألوا فيه إيه على الغدا قلت لهم الحواوشي الل طلبتوه .. ردوا على وقالوا هو إيه الحواوشي !!!! صدمة هههههه
المهم هم كده أولاد يطلبوا فاصوليا على الغدا وييجوا يقولوا لي هي إيه الفاصوليا .. وهكذا .. مرة طلبوا بامية ولما جم إبني بيقول لي هي البامية دي اللي هي البطاطس ههههه حاجة آخر تحف والله العيال اللي بيبقوا برة دول بيكونوا كومديين جدا جدا
يوم السبت خرجت أنا وزوجي مع بعض نتمشى ونشتري طلبات البيت ورجعت متفشفشة والحمد لله يوم الأحد دروس القرآن والعربي ولأول مرة وديت إبني الصغير مدرسة الأحد وكان مبسوط جدا جدا وكان هو الطفل الوحيد في الصلاة للصغيرين اللي حافظ آية الكرسي والمدرس إتبسط منه وخلى باقي الأطفال يبصوا عليه وبقى يقول لهم صغير لكن حافظ الآية وطبعا هو إتبسط من نفسه جدا ونفش ريشه علينا ههههه وكان مبسوط وأنا كمان إتبسطت إنه فرحان بالمدرسة الحمد لله ربنا يهديه هو وإخواته وكل أولادنا يا رب
دلوقتي بقى يللا نشوف أهداف الأسبوع اللي فات عملنا فيها إيه
شخصية
الإستمرار في قراءة الكتاب
الإستماع إلى حلقات المقدمة و الأولى من سلسلة باسمك نحيا
صلاة القيام مرتين على الأقل هذا الأسبوع – تم مرة واحدة فقط
المحافظة على الصلاة على وقتها مع السنن
قراءة يوميا في المصحف الشريف
المحافظة على الصلاة على النبي عليه الصلاة والسلام يوميا – عسى أن أرزق شفاعته
تمارين رياضية مرتين
إسنكمال القصص النبوي مع أطفالي
مع العائلة والزوج
الخروج مع زوجي مرة بمفردنا إذا سمح الجو
الخروج مع الأصدقاء لخلق جو إجتماعي عربي مسلم لينا وللأولاد
القراءة مع الأولاد في المصحف الشريف ولو مرتين لكل منهم
صلة الرحم : مكالمة فرد من أفراد الأسرة الكبيرة في مصر- لم يتم
المدونة
محاولة قدر المستطاع التدوين يوميا ووضع مقالات مفيدة
إستكمال الأوراق التعليمية لقصة تامر والثعبان – لم يتم
ودلوقتي مع أهداف هذا الأسبوع إن شاء الله
شخصية
الإستمرار في قراءة الكتاب
الإستماع إلى حلقات ٢و٣و٤و٥ من سلسلة باسمك نحيا
صلاة القيام مرتين على الأقل هذا الأسبوع
المحافظة على الصلاة على وقتها مع السنن
قراءة يوميا في المصحف الشريف
المحافظة على الصلاة على النبي عليه الصلاة والسلام يوميا – عسى أن أرزق شفاعته
تمارين رياضية مرتين
التقليل من السكر في الشاي والقهوة مع شرب ٢ كوب ماء صباحا على الريق
إسنكمال القصص النبوي مع أطفالي
مع العائلة والزوج
الخروج مع زوجي مرة بمفردنا إذا سمح الجو
الخروج مع الأصدقاء لخلق جو إجتماعي عربي مسلم لينا وللأولاد
القراءة مع الأولاد في المصحف الشريف ولو مرتين لكل منهم
صلة الرحم : مكالمة فرد من أفراد الأسرة الكبيرة في مصر
Leave a Reply