كلنا بنمر بأزمات مادية وساعات بتكون طاحنة .. وبعض الناس مش بيعرفوا يتعاملوا مع الأزمة – وأنا كنت منهم – وبنحس إننا قدام حيطة سد زي ما بنقول في مصر .. خلاص مفيش حاجة تانية نقدر نعملها مش عارفين نلم المصاريف ومش قادرين نوفر أكتر من كدة .. لكن الحقيقة بيكون لسه فيه شوية من هنأ على شوية من هناك علشان نعدي الأزمة ونخرج منها سالمين إن شاء الله .. قبل كده تشاركت معكم بعض الأفكار اللي إتعلمتها في خلال رحلتنا المضنية .. واليوم أتشارك معكم أفكار أخرى ينفع تتطبق مش فقط بأمريكا .. أتمنى تفيدكم
أهلا بيكم من جديد واليوم ميعادنا مع الفكرة السابعة إن شاء الله
: أكل البيبي من البيت
أكل البيبي مغري جدا للشراء في البرطمانات الصغيرة شكلها كيوت وفيها متنوعات كتيرة ومنها الأورجانيك ومنها غير والبسكوتات والسريال والبافز اللي بالزبادي و و حاجات كتيرة أشكال وألوان فاكهة وخضار ولما يكبروا شوية بتلاقوا اللحوم المختلفة مخلوطة مع الأرز والخضروات ووجبات جميلة ومغذية وسهلة نآخدها معانا في أي مكان …بس للأسف غالية ومكلفة جدا جدا
طبيب الأطفال هنا في أمريكا كان قال لنا إن الأكل المعلب الجاهز يضمن نضافته لأنه عليه قواعد وتفتيش عالي جدا من وزارة الصحة هنا .. لكن ده مش الحال في كل الدول بالتأكيد .. وبعدين كل أم بتكون حريصة على النضافة لما بتعمل أكل لأطفالها .. لو الماديات مش مشكلة يبقى إشتروا الأكل الجاهز – لو ضامنين نضافتها – إنما لو عايزين توفروا إغسلوا إيديكم كويس وإغسلوا العلب كويس وتوكلوا على الله وإعملوا الأكل في البيت هتوفروا مبالغ كبيرة
: كيف أبدأ
طبعا إسألوا طبيب الأطفال لكن انا هأقول لكم مع أطفالي التلاتة بدأت إزاي .. ملحوظة أطفالي والحمد لله كانوا بصحة جيدة ومفيش مشاكل عندهم أو حساسية لأي شيئ
ولله الحمد أنا كنت بأرضع أطفالي طبيعي حتى تقريبا ٩ شهور في المتوسط وبداية من ٤-٥ شهور أبدأ بالسيريال الخفيف للأطفال وطبعا أنا كنت بأشتريه لأني عمري ما خطر ببالي إنه ممكن يتعمل في البيت!! أيوة بيتعمل في البيت
بتقول لما إزاي نقدر نعمله Homemade ginger من هنا هتلاقوا
فكرة رهيبة وذكية فعلا وموفرة بشكل كبير بالذات لأن السيريال بتاع الصغيرين ده بيتباع في علب صغيرة وممكن نوع ما يعجبش الطفل ونبقى إشترينا العلبة على الفاضي أو ساعات بيحبها الأطفال وبتخلص بسرعة جدا
: الخطوة التالية
بعد كده بنبدأ واحدة واحدة ندخل الخضروات والفاكهة صنف صنف وبعدين نخلط صنفين ثم تلاتة مع بعض وشوية شوية بنبدأ نعمل وجبات مع الأرز والبروتين
فيه مئات الوصفات على الإنترنت وبالذات البينتريست لعمل وصفات الأكل المحببة للصغار وطرق التفريز
إزاي بتعمل الفروزن يوجورت بايتس homegrownandhealthy ومن هنــا بنشوف
الجولد فيش!!! أو كراكرز الجبنة .. لازم أجربها إن شاء الله
أكياس الأكل البيورية!! كمان ممكن نعملها .. وجدت جهاز هنا ظريف جدا ومش غالي مقارنة بالتوفير
وصفات كتيرة جدا جدا وممكنة ومش صعبة لو عندكم بيبي تقدروا تعملوا الأكل في البيت لغاية لما يبدأ يآكل معانا على الترابيزة ونفتفت له من الأكل بتاعنا
هل فعلا بنوفر ؟؟
الإجابة هي بالتأكيد ولو ما إستخدمناش كوبونات ولا أي شيئ يبقى التوفير من ٤٠٪ لـ ٥٠٪ على حسب نوعية الطعام وإذا كان أورجانيك أو لأ وفي السيزون واللا لأ
arwa says
أفكار جميلة جدا أن شاء تجريها انا فى انتظار مولود جديد
يارب دايما سباقة فى الخير انا أفكارك حلوة جدا والعيش فعلا فى البيت وفر معايا جامد جدا وفكرة السينما ممتازة ربنا يبارك لم لأن فعلا ظروفها المادية تدعو التوفير هههههه فى ميزان يارب انا عندى استفسار ابنى 3
مش بيتكلم إلا كلام بسيط هو ليفهم بس مش بيتكلم وكثير الحركة هو ده طبيعى أصل انا مش فكرة أخته اتكلم امتى لأن فرق السن بينهم كبير
Amira says
أولا ألف مبروك ويا رب تقومي بالسلامة إنت والنونو ويجعله يا رب ذرية صالحة ويقر عينك بيه هو وإخواته أو هي وإخواتها ههه يا رب يعطيكي اللي نفسك فيه
الكلام ده شيئ نسبي والعيال اللي بتتربى برة دي بتتلخبط من اللغات اللي حواليها أنا إبني التاني جينا هنا وعمره تقريبا سنة واحدة وقعد ما إتكلمش عربي إلا لما نزلنا مصر ورجعنا وكان عنده تقريبا ٣ سنوات المهم إنك تعملي مراجعة مع طبيب إطفال وتتأكدي إن كله سليم يعني سمعه إن شاء الله سليم وتركيبة لسانه سليمة ومخه تمام وبما إنه بيفهم يبقى إن شاء الله مفيش مشاكل لا في السمع ولا في المخ يعني بيقدر يستوعب إنتي بتقولي له إيه
تعرفى واحدة معانا هنا بنتها ماشاء الله عندها تقريبا ٥ سنين ومش بتتكلم خالص خالص!!! بس إشارة زي ما يكون عندها سنة.. كله سليم عندها ومش عارفين ليه متأخرة كده بس الدكاترة قالوا لهم هتتكلم بس محتاجة وقت