وصلنا لليوم العاشر وفاضل لنا تقريبا ٥ أيام في الإستعدادات .. أتمنى تكونوا لسه متابعين معانا
النهاردة جه اليوم اللي هنستغل فيه الفراخ اللي شلناها من عمل ستوك الشوربة أو أي بواقي فراخ عندك
هنعمل مع بعض اليوم كفتة الدجاج … أنا بأحب أعملها بإضافة بشاميل لقطع الدجاج وبعدين بأقليها بالبيض والبقسماط .. الطريقة دي بتعجب ناس كتير ومرو صديق لنا عجبته جدا جدا وقال لي طعمها زي المخ البانية اللي كان بيآكله في مصر بيقول لي جبتي المخ منين قلت له مخ مين ههههههه
هنعمل برضه حاجة تانية وهي فطائر أي نوع وأي شكل وبأي عجينة تحبوها … إعملوا الفطائر وتستوي وتوضع بالفريزر .. فطائر لحمة أو دجاج أو جبنة أو بسطرمة اللي تحبوه بتنفع في الإفطار وكمان في السحور … إن شاء الله هأستخدم عجينة العشر دقائق لأنها عجينتي المعتمدة في الفطائر وهأبقى أحط لكم الطريقة بإذن الله
وأشوفكم بالمتابعة …. سلام
اروى says
كل عام وانت بخير يا أميرة جميلة اووى الخطة بس انا فاقدة القدرة ع ان اعمل حاجة مش عارفه ليييه بجد بمر بلحظات صعبة اوووى ربنا يهون ومش عارفه اعمل ايه انا مش فاهمة طريقة الكفتة الفراخ
وياريت نت لى عجينة العشر دقائق لان بنتى بتحب الفطائر بس انا زى ما نت عارفه مش نكمل هههه ربنا يصلح ما بين اايداك دائماً يارب
Amira says
معلش بتحصل في أحسن العائلات … هي مواسم بتعدي على الواحد كده ساعات يبقى نشيط وساعات بتقفل معاه .. المهم تشدي الهمة في الطاعات في رمضان وما تنشغليش كتير بالمطبخ