دلوقتي ميعادنا مع متابعة اليوم الخامس من الخطة المرة دي إتفقنا إن الفراخ اللي هنشتريها لفاية لما نبدأ الشهر هتكون فراخ بعضمها علشان نعمل مخزون شوربة كويس وما نتعبش في رمضان في الفيديو ده توضيح لطريقة مبسطة لخلي الفراخ وتقطيعها لو ما عندكوش طريقة معينة أو مفضلة
كان عندنا هدف تاني وهو هدف روحاني إننا نعما خطة لينا ولأولادنا من مجموعة دروس ودي إن شاء الله خطتي
بالنسبة لي أنا
إن شاء الله قراءة القرآن بإنتظام ومحاولة إتمام القراءة مرتين قدر المستطاع
سماع تفسير الشيخ الشعراوي من موقعه هنــــا
مع الأولاد: غير متابعة الحفظ العادية معاهم
إن شاء الله هأحاول معاهم كل واحد يقرأ من المصحف ولو ربع صفحة يوميا علشان يبدأوا يتعاموا الفراءة من المصحف
هنحكي حكايات بإذن الله هأشوف كتاب من كتب القصص للشيخ محمود المصري وأنزله وكل يوم نقرأ قصة أو سيرة الرسول مش عارفة لسه هأبدأ بمين فيهم
برضه هنحاول نعمل أنشطة من تلوين وخلافه بس ده حسب المزاج بقى
شكرا لمتابعتكم وأتمنى أكون بأفيدكم وأشوفكم على خير مع اليوم السادس إن شاء الله
Leave a Reply