مرحب شهر الصوم :: متابعة اليوم السابع

اليوم السابع كان خاص بتنضيف النوافذ تنضيف عميق … يعني إيه تنضيف عميق يعني تنضيف النوافذ مش بس الزجاج بتاعها وإنما السلك والمجرى الألوميتال بتاعها ودي بقي أصعب حاجة

من شاعة ما إنتقلنا البيت هنا وأنا ما لمستش الشبابيك دي غير بس تنضيف الزجاج العادي لكن عمري ما بصيت فيهم كويس عن قرب وكان فيهم بلاوي الحقيقة الظاهر الناس اللي قبلنا عمرهم ما نضفوهم ولا بصوا فيهم حتى

أول حاجة طبعا ننضف الزجاج والسلك بأي فرشة عندنا

وبإستخدام المكنسة نحاول نشفط على قد ما نقدر من التراب اللي موجود … لو حظكم حلو والعملية مش بايظة زي عندنا هيطلع كله في المكنسة

بإستخدام أي فوط – أنا إستخدمت ورق مناديل المطبخ لأن التراب كان لازق جامد وكتير – وأيضا سلاكات الأذن علشان نجيب اللي بيكون في الكورنر بتاع الشبك وبإستخدام الخل امعطر بتاعي – مفيش حاجة الخل ما بيعرفش يعملها – رشيت على الشباك من المجرى بتاعه ومسحت بورق المطبخ وسلاكات الأذن

الحمد لله نضف وبقى تمام

وده شباك آخر قبل

وبعد

وده شبك تاني بس حالته كانت صعبة جدا جدا جدا… تعبني قوي فعلا

الخطوط اللي موجودة دي تقشير في الألوميتال  في الغالي يعني لأني دعكتها جامد وبرضه مش بتطلع

المهم دلوقتي والحمد لله شبابيكنا نضيفة مية المية … ستاير وزجاج وألوميتال وكله

أشوفكم بمتابعة اليوم الثامن إن شاء الله