أخيييييرا هأحط لكم متابعة اليوم الثالث الحمد لله إشتريت هدوم للأولاد .. الميزة فيهم إنهم أولاد ودي تقريبا الميزة الوحيدة لغاية دلوقتي إن يا دوب شورت وتي شيرت وإقلب مفيش بقى فساتين وفيونكات والحاجات الجميلة الدلع دي بتاعة البنات
والحمد لله عملت القطايف وحطينا في الفريزر إستعدادا لرمضان وهتشوفوا بالفيديو كمان
وهنا تشوفوا فيديو قصير عن القطايف … أتمنى تجربوها وتعجبكم
كل سنه وانتي طيبه حبيبتي يا رب تبقا ايام سعيده عليكي
والقطايف شكلها حلو اوي قوليلي بتجيبي الخميره
انا متبعاكي
نوعها ايه وكنت عايزه اسءلك حشوه الجبنه عباره عن ايه وربنا
يعينك علي التحضير والتوضيب
اللهم آمين علينا جميعا يا رب
المصريين مفطومين عليها
حشوة الجبنة زي اللي في الفيديو حطيت جبنة رومي مع فلفل أخضر رومي وزيتون أسود وساعات أحط أخضر … أو لأن الجبنة الرومي عزيزة هنا ممكن تحطي أي نوع جبنة بيضا مثلا وعليه زيتون أسود وممكن نعناع ناشف كمان بتبقى حلوة بس أنا بأعز الجبنة الرومي قوي
وانا بحب الرومي أوي بس قوليلي الخميره بتجيبي ايه النوع واسمها ايه علشان ناويت اعملها في اول نازله شوبنج ان شاء الله
أنا بأشتري دي
من ولمارت أو تارجت
وبرضه بأشتري النوع اللي موجود في كوسكو وبأحطه في الفريزر وآخد منه شوية بشوية
تسلميلي حبيبتي
عملت القطايف الحادقه طلعت تحفففففه ربنا يكرمك حبيبتي بجد
بكره هعمل الحلو بقا واقولك الأخبار
بألف هنا وشفا والحمد لله إنها عجبتك
ربنا يهنيكي يا قمر بس كنت عايزه اسءلك حسيت اني
هي طريه مش مقرمشه تفتكري ايه السبب بعد لما قليتها في
الزيت مفيش قرمشه ايه السبب تفتكري يا تري انا عكيت ايه ههههه
هممم مش عارفة لو كانت حلوة كنت قلت لك الشربا أكيد هو السبب إنما إنتي عملتي الحادق مش كده؟ هي عموما بتطرى مع الوقت يعني حتى اللي بنجيبها في مصر جاهزة بعد شوية من القلي بنلاقيها طريت .. طيب هل حمرتيها في زيت غزير