أخيييييرا هأحط لكم متابعة اليوم الثالث الحمد لله إشتريت هدوم للأولاد .. الميزة فيهم إنهم أولاد ودي تقريبا الميزة الوحيدة لغاية دلوقتي إن يا دوب شورت وتي شيرت وإقلب مفيش بقى فساتين وفيونكات والحاجات الجميلة الدلع دي بتاعة البنات
والحمد لله عملت القطايف وحطينا في الفريزر إستعدادا لرمضان وهتشوفوا بالفيديو كمان
وهنا تشوفوا فيديو قصير عن القطايف … أتمنى تجربوها وتعجبكم
Shery says
كل سنه وانتي طيبه حبيبتي يا رب تبقا ايام سعيده عليكي
انا متبعاكي والقطايف شكلها حلو اوي قوليلي بتجيبي الخميره
نوعها ايه وكنت عايزه اسءلك حشوه الجبنه عباره عن ايه وربنا
يعينك علي التحضير والتوضيب
Amira says
اللهم آمين علينا جميعا يا رب
حشوة الجبنة زي اللي في الفيديو حطيت جبنة رومي مع فلفل أخضر رومي وزيتون أسود وساعات أحط أخضر … أو لأن الجبنة الرومي عزيزة هنا ممكن تحطي أي نوع جبنة بيضا مثلا وعليه زيتون أسود وممكن نعناع ناشف كمان بتبقى حلوة بس أنا بأعز الجبنة الرومي قوي المصريين مفطومين عليها
Shery says
وانا بحب الرومي أوي بس قوليلي الخميره بتجيبي ايه النوع واسمها ايه علشان ناويت اعملها في اول نازله شوبنج ان شاء الله
Amira says
أنا بأشتري دي
من ولمارت أو تارجت
وبرضه بأشتري النوع اللي موجود في كوسكو وبأحطه في الفريزر وآخد منه شوية بشوية
Shery says
تسلميلي حبيبتي
Shery says
عملت القطايف الحادقه طلعت تحفففففه ربنا يكرمك حبيبتي بجد
بكره هعمل الحلو بقا واقولك الأخبار
Amira says
بألف هنا وشفا والحمد لله إنها عجبتك
Shery says
ربنا يهنيكي يا قمر بس كنت عايزه اسءلك حسيت اني
هي طريه مش مقرمشه تفتكري ايه السبب بعد لما قليتها في
الزيت مفيش قرمشه ايه السبب تفتكري يا تري انا عكيت ايه ههههه
Amira says
هممم مش عارفة لو كانت حلوة كنت قلت لك الشربا أكيد هو السبب إنما إنتي عملتي الحادق مش كده؟ هي عموما بتطرى مع الوقت يعني حتى اللي بنجيبها في مصر جاهزة بعد شوية من القلي بنلاقيها طريت .. طيب هل حمرتيها في زيت غزير