الدبلة التونسية من الحلويات الجميلة جدا جدا بالفعل … ما شاء الله إخواننا التوانسة – وأعتقد كمان في ليبيا مشهورة الحلويات دي – في منتهى الرقة والذوق الأكل من الطبيعي إنه يكون طعمه حلو أو على الأقل مقبول لكن إن كمان يكون شكله حلو فده أنا بأشوفه قمة الإبداع فعلا ماشاء الله أرفع لهم القبعة تحية وإحتراما
الحلويات دي جميلة وأنا عملتها وحاولت أبعد إيدي عنها بقدر المستطاع علشان الحالة الصحية بتاعتي والوزن بقى يعني فوق الخيال و أكلت منها قطعتين فقط وبعدين قررت أبعدها عن البيت نهائيا وبعتها من زوجي للشغل بتاعه وقلبي يكاد ينفطر حزنا عليها هههههههه
وعايزة أقول لكم إن ردود الفعل في الشغل عند زوجي كانت عالية جدا جدا وكلهم كانوا مبسوطين وعجبتهم جدا وبيقولوا لي إن السكر فيها معتدل وحلو وطبعا شكلها وقرمشتها كانت راائعة فعلا… أتمنى تعجبكم وتجربوها
For the recipe in Engish … CLICK HERE Tunisian Debla
الفيديو فيه المقادير وطريقة التشكيل
نزولا على طلب الجماهير الوصفة مكتوبة هنا للطباعة .. أي خدمة
الدبلة التونسية
2015-11-12 13:02:07
وصفة فوووق الخيال رائعة وعجبت كل اللي أكلها سواء عرب أو أجانب
Ingredients
- بياض بيضة
- ربع م صغيرة خميرة جافة
- ٢\٣ كوب ماء زهر أو ماء عادي
- ٢ كوب دقيق أبيض
- ٢ م كبيرة زبدة طرية
- ١\٤ م ص بيكنج بودر
- رشة فانيليا
- زيت للقلي
- سمسم لتزيين الوجه
- وهنحتاج قطر\شربات ( ٢ كوب سكر مع كوب ماء ومعلقة صغيرة ليمون مع فانيليا) لتغطيس الدبلة بها
Instructions
- نخلط الدقيق مع الخميرة والبيكنج بودر
- نقطع الزبدة الطرية قطع ونضيفها للدقيق
- نخلط جيدا حتى نحصل على قوام رملي متجانس
- نضرب بياض البيض مع الفانيليا
- ثم نضيفها لخليط الدقيق
- ثم نضيف الماء ونخلط جيدا
- حتى نحصل على عجينة متماسكة ومتجانسة القوام
- تلف جيدا بالبلاستيك وتوضع بالتلاجة ٣٠ دقيقة على الأقل
- تقطع العجينة لـ ٦ كور متماثلة وتغمس بالنشا
- تفرد القطع بماكينة الباستا من رقم ٧ لرقم ١
- إذا لم تتوافر الماكينة يمكنكم فردها بإستخدام النشابة لأقل سمك ممكن
- الهدف هو الحصول على عجينة رقيقة قدر المستطاع
- تقطع كل قطعة لأربع شرائح طويلة
- نسخن زيت القلي
- بإستخدام شوكتين تلف كل قطعة على شكل وردة وتقلى في الزيت
- ترفع الوردات من الزيت حينما تأخذ اللون الذهبي
- توضع في القطر البارد ثم ترش بالسمسم
- وبالهنا والشفا
مغتربة http://moghtareba.com/
Leave a Reply