آيس كريم الكيس أو عمل آيس كريم في الكيس نشاط سهل وسريع ما يآخدش عشر دقائق فقط لكن عجب الأطفال جدا محتاج مجهود شوية وتنطيط منهم لكن دي أحلى حاجة بيحبوها وهي إنهم يتنططوا
:: هنحتاج الآتي
١ كوب هاف آند هاف
نصف كوب ملح ويستحسن ملح خشن
٢ معلقة كبيرة سكر أبيض
نصف معلقة صغيرة فانيليا سائلة
كيس كبير حجم الجالون مع مكعبات ثلج كافية تقريبا لملئ الكيس
٢ كيس صغير حجم الساندوتش
نضع المكعبات في الكيس وعليهم الملح – بنحط الملح علشان التلج ما يسيحش بسهولة
في الكيس الصغير نضع الهاف آند هاف مع السكر والقانيليا ونغلقه تماما ونضعه بداخل الكيس الصغير التاني ثم نضع الإتنين بداخل الكيس الكبير المملوء بالثلج
وهنا هتبدأ المتعة للأطفال نهز الكيس بسرعة ونستمر بالهز تقريبا لمدة ٥ دقائق حتى يصل الهاف آند هاف للشكل المطلوب … شايفين السعادة على وشه من التنطيط
الآيس كريم عندنا كان سوفت شوية بس حلو وممكن نعمل إضافات بوضع مثلا حبيبات الشيكولاتة أو الزبيب أو سيراب الفراولة أو الشيكولاتة وغيره من الإضافات المحببة للأطفال
أتمنى تكون لعبة اليوم عجبتكم جربوها بالذات إن الجو بدأ يتحسن والصيف داخل
Leave a Reply