إمبارح كان الواجب فى حملة النظافة هو تنضيف الشبابيك
إبتديت وجيبت أدوات النظافة اللى محتاجاها والحمد لله لقيت شرابات قديمة بتاعة الأولاد كنت هأرميها
وجيب الخل علشان الستاير المعدنية الصراحة هااااايل فعلا
أنا كنت قبل كده بأدوخ علشان أنضفها إنما موضوع الخل ده بالشرابات القديمة مريح جدا جدا
ده شكل الشباك قبل التنضيف هتلاحظوا التراب لازق عليه ودى مشكلة الستاير دى حاولت قبل كده أنضفهم أو أمسح التراب لكن المشكلة إنه فعلا بيكون لازق بطريقة مقرفة جدا جدا
إلبسى جوانتى بس علشان ريحة الخل ما تلزقش فى إيديكى
ونضفى الريش كويس أنا فى الأول كنت بأنضفهم ريشة ريشة وبعدين زهقت طبعا فبقيت بأقفل الريش وأمسح عليهم من برة وجوة على قد ما قدرت
وهنا شكلهم بعد ما إتنضفوا كويس قعلا بيلمعوا والنضافة باينة عليهم
وهنا بقى بعد ما لمعت القزاز كويس وعملت بالبوز بتاع المكنسة عند الألوميتال والشباك بقى فل فل
الصباع الصغير ده بتاع إبنى الصغير اللى طبعا هيبتدى يوسخ فى القزاز بتاع الشباك
ومن الطبيعى إنى زعقت وعملت حظر تجول 
بجوار الشبابيك وقفلتها بالضبة والمقتاح
[…] […]