اليوم العاشـر كان خاص بتنضيف الفريزر والديب فريزر
بدأ اليوم كالعادة والحمد لله مع القهوة والقراءة
وهنــا الفريزر قبل التعديل
طبعا كان مكركب جدا بس الحقيقة كان معقول جدا فى النظافة يعنى مكانش فيه بقع كتير
وإتبعت الخطوات بالحرف اللى قلنا عليها
ونضفته ورجعت الحاجات مكانها تانى وحاولت أرتبها
عملت الرف الأول للعيش بكل أنواعه
وحطيت كل أكياس الخضار المجمد بالباب
والرف التالت للحوم والفراخ والدرج متنوع
وده الفريزر بتاع التلاجة
مش بأحب أحط فيه حاجات كتير يعنى يمكن الحاجات اللى ممكن نآكلها فى هذا الأسبوع أو حاجات مالهاش مكان فى الفريزر
وده شكله بعد التنضيف
وحطيت كل الآيس باكس فى الباب لأنها كانت فى كل مكان
وبس خلاص ده كل الشغل بتاع إمبارح
يا ترى إنتو عملتوا إيه ..يا ريت تسيبوا لى تعليق وتقولوا لنا عملتوا إيه فى التنضيف
ام جود وجواد says
انا لسه ما نضفتش الثلاجة بس عجبني اوي اللي انتي عملتيه
ماشاء الله الفريزر تبعك حلو ومرتب
يسلمو ايديكي يا عسل
وفي انتظار البقية
moghtarebah says
نورتينى أم جوجو الغالية .. يللا بلاش دلع وكسل .. نضفى وصورى وورينا ربنا ما يحرمنيش منكم حبيباتى