كنت قبل كده كلمتكم بإختصار عن كوبونات تارجت وبرنامج تارجت الجديد اللى إسمه كارت وييل … دلوقتى هنتكلم عنه بالتفصيل بعد التجربة الميدانية للبرنامج
كارت وييل برنامج من برامج تارجت جديد للكوبونات والتوفير مش أبليكيشن بتنزلوها على الموبايل لأ ده مجرد برنامج من برامجهم الجديدة اللى بتساعدنا على التوفير
الكوبونات إلى الآن فى شكل ٪ من قيمة المنتج وقد تصل إلى ٣٠٪ من فيمة المنتج والمنتجات تشمل البقالة منتجات البيبي لبس الأطفال لبس السيدات والرجال الإكسسوارات الأحذية .. منتجات تارجت أب آند أب وغيرها من المنتجات .. أجمل شئ فى الموضوع إننا نقدر نستخدم كوبون تارجت + كوبون من الشركة + كوبون كارت وييل يعنى ٣ كوبونات على المنتج الواحد ودى حاجة مش موجودة فى أى ستور أعرفه لغاية دلوقتى
من الشروط إز لازم يبقى عندكم أكونت على الفيسبوك ومش شرط يكون عندكم سمارت فون لأننا ممكن نخلى الكاشير يعمل سكان للبار كود من علىالموبايل أو نطبع الباركود بتاعنا ونآخده الستور ويعمل له سكان هناك
تارجت عملت إتفاقيه مع الفيسبوك وبالتالى لما نآخد عرض هيتحط على الوول بتاعتنا أو التايم لاين يعني فى الفيسبوك .. المفروض إنهم بيدولكم حق الإختيار إما تحطوه أولأ لكن أنا حاولت إنى ما أحطهوش وما رضيش يكمل العروض !!! مش عارفة ليه
علشان نبدأ إدخلــوا هنـــا بالأكونت بتاع الفيسبوك – ويا ريت زى ما قلت لكم يكون مش الأكونت الأساسى بتاعكم – ونضغط على العروض اللى تحت الكوليكشن
ونبدأ فى تصفح العروض واللى من الممكن ترتيبها على حسب النوع يعني ملابس- طعام – أطفال وهكذا
لما نبقى عايزين نختار أى عرض بس ننقر عليه بالماوس والكارد بتاعه هيقلب ويجيب لينك أحمر مكتوب عليها إضافة العرض نضغط عليه وهيضيف العرض عندنا فى الكارت وييل بتاعتنا
فى البداية بيسمح لنا إننا نختار حتى ١٠ كروت = ١٠ عروض للإضافة عندنا وكل ما نقوم بإستخدام العروض دع بيعطينا بادج زى ده كده أنا أخدته بعد ما عملت شوية عروض وفتح لى مكان تارنى يعني بدل ١٠ عروض بقيت أقدر أحط ١١ عرض عندى فى الكارت وييل بتاعى
تقدروا طبعا ببساطة تضغطوا على أى كارد بأى وقت تعرفوا تاريخ إنتهاء العرض أو تشيلوا العرض خالص لو غيرتوا رأيكم
لما تخلصوا خلاص وتكونوا مستعدين تروحوا تارجت كل اللى عليكم تعملوه إما تطبعوا الكارت وييل بتاعتكم ويكون فيها البار كود
عن طريق إننا نضغط على ريدييم إن ستور اللى تحت رمز الباركود هيفتح لنا صفحة فيها العروض وفيها الباركود بتاعنا نطبعها ونروخ عند الكاشير فقط ونوريهم الورقة وهم هيعملوا سكان للباركود .. المرة اللى فاتت الكاشير مكانش عارف البرنامج ومكانش عارف يعمل إيه أنا اللى قلت له بس إعمل سكان وفعلا عمل سكان وشوية وكل العروض إتخصمت
أو ممكن وإنتم فى الستور عن طريق الموبايل تدخلوا فقط على البراوزر زى السفارى مثلا وتدخلوا على الكارت وييل بتاعكم وهو يعمل سكان للباركود من الموبايل مفيش داعى تحملوا أى برنامج فقط تدخلوا على الويب سايت بتاع كارت وييل وتدخلوا على الاكونت بتاعكم وبس
بعض الملاحظات عند إستخدام كارت وييل
تخفيضات كارت وييل بتتحط بعد ما بيشيلوا تارجت كوبون وقبل كوبون الشركة المنتجة .. يعني إيه.. لو بأشترى مثلا تى شيرت تمنه ٥ دولار ومعايا كوبون من تارجت دولا ر+ كوبون من الشركة كمان دولار + تخفيض كارت وييل ١٠٪ يبقى ٥ – ١ = ٤ – ٤٠ سنت اللى هم ال ١٠ ٪ = ٣.٦ -١ دولار كوبون الشركة = ٢.٦ دولار
عرض كارتوييل يطبق على المنتج الواحد ٤ مرات بحد أقصى يوميا يعني لو معايا عرض كارت وييل تخفيض على بيبسى ٥٪ يبقى يطبق على ٤ زجاجات بيبسي فقط ولو إشتريت واحدة خامسة بنفس اليوم لا يطبق عليها العرض
عروض كارت وييل تستخدم بحد أقصى ٦ عروض مختلفة يوميا = ٢٤ منتج بحد أقصى يوميا للفرد الواحد
المرة اللى فاتت عملت عروض حلو ووفرت ٩ دولار لأن كان فيه عرض على بيجامات للسيدات ٣٠٪ وإشتريت منهم .. يا ريت تقولوا لنا إستخدمتوا الكارت وييل واللا لسه