فكرة اليوم سهلة جدا جدا وبسيطة وهى علاقة للإيشاربات أو الكرافتات أو ممكن الأحزمة يعني متعددة الإستعمالات
بيتهيألى عرفتوا مكوناتها على العموم هنحتاج الآتى
شماعة عادية
حلقات ستارة الحمام نوع رخيص نلاقية فى أى مكان
شرائط ولو مفيش ممكن أى إيشارب أو قماش قديم عندكم تقصوه شرائط
أنا عملت جزء منها بشرائط جاهزة بتاعة لف الهدايا وجزء تانى جربت أعمله من شرائط قصيتها من إيشارب قديم عندى والإتنين إشتغلوا كويس معايا
نربط كل حلقتين مع بعض وممكن نسيب الحلقات مفتوحة علشان ندخل الإيشاربات من الفتحة بس أنا ما عملتش كده بأحط الإيشاربات على طول بالحلقة نفسها