فاكرين فيلم فلابر بتاع روبين ويليامز؟ الفيلم ده بيحكي عن مخترع ومغامراته مع مادة لزجة مطاطية إسمها فلابر .. وهي دي المادة اللي هنعملها النهاردو ونلعب بيها .. كانت تجربة حلوة جدا وعجبت الأولاد وقعدوا يلعبوا بيها فترة طويلة
الفلابر دة ممكن نعمل منه الأبيض والملون والشفاف وممكن نحط فيه جليتر ويبقى بيلمع وممكن نحط فيه لعب صغيرة ونستخدمه للإستكشافات وممكن نضيف عليه رمل وممكن نعمل منه اللى بينور فى الظلام و و و يعني متعدد جدا على حسب نوع الصمغ المستخدم .. اليوم إستخدمنا صمغ عادي لأن دي أول مرة نعمله وكنت ناوية أحط عليه جليتر بس نسيت الحقيقة لأن الأولاد كانوا متحمسين جدا للفكرة
::هنحتاج الآتي
زجاجة صمغ إلمرز العادي أو أى نوع أنا إستخدمت الأبيض العادي ماركة تارجت
ألوان طعام
٤/٣ كوب ماء دافئ/ حار
Borax معلقة صغيرة بوراكس
نصف كوب ماء ساخن
نبدأ بخلط اللون جيدا مع الماء الدافئ والصمغ حتى تمام الإمتزاج
نذيب البوراكس فى الماء الساخن حتى تمام الذوبان ثم نضيفه للصمغ الملون حبه حبه مع التقليب المستمر
هنلاحظ إن الخليط بدأ يتحول ويبقى مطاطى ولزج
نستمر فى الخلط باليد حتى نحصل على القوام المناسب
وبعدين نلعب بيه زي ما إحنا عايزين
ممكن نفرده على أى سطح وبإستخدام قطاعات البسكويت نلعب ونعمل تشكيلات
يمكن الإحتفاظ به لمعاودة اللعب فى علب مغلقة جيدا
ملحوظة مهمة :: البوراكس مادة سامة لذا وجب التنبية لغسل الأيدي بالماء والصابون جيدا جدا قبل الأكل
لو عندكم أطفال صغار وخايفين عليهم ممكن تستخدموا النشا مع الماء بس أنا ما جربتهاش