مغتربة

DEALS إبعتوا تكست مسيدج مكتوب فيها

 

للنمرة دى 727272

 

 

يبعتوا لكم برومو كد على الموبايل كل يوم وحتى ٢٢ مايو

الكود لتخفيض يتراوح بي ٢٥ سنت إلى ١ دولار وهى كامل قيمة إيجار الفيلم

أقلام للتاتش سكرين من أمازون

 

 

الأقلام الريتينج بتاعها على أمازون عالى وتستخدم مع

 

آى فون ٤ و٤ إس و٣ و٣ جى إس – آى بود تاتش

 

آى باد تو – موتوروللا زووووم – سامسونج جالاكسى

 

بارنز آند نوبل نوك كولور – درويد بايونيك – بلاك بيرى بلاى بوك

 

 

العرض من هنــــا

فرى سامبل من ولمارت سناك من ميلك بون

 

 

 

لو ما عندكمش كلب لكن تعرفوا حد عنده كلب ممكن تجيبوا السامبل وتدوها لهم

 

هيتبسطوا بيها فعلا .. وتكون هدية جميلة بالذات هنا بيحبوا الكلاب زى ولادهم

السامبل من هنـــا

 

لو أولادكم بيحبوا باتمان فيه عرض تخفيض على باتمان ديفيدى

 

 

ب ٢.٤٨ دولار دارك نايت … بس خللوا بالكم الفيلم ده عنيف شوية على الأطفال الصغار

العرض من هنـــا

كبل الشحن للآى فون من أمازون

 

 

ب ٩٩ سنت والشحن فرى

العرض من هنـــــا

لاورى مارينيد

 

 

إستخدموا كوبون بدولار ١/١ من كوبونات ريد بلم بتاريخ ١٥ أبريل وينتهى اليوم

يبقى بعد الكوبون ب ٣٤ سنت

من فترة وفى الكليرانس بتاع الإيستر .. إستغليت الفرصة وإشتريت مجموعة من البيض البلاستيك

 

من تارجت وكان عليه تخفيض ٧٥٪ إشتريته ب ٢٤ سنت الباكيت

 

وعملت بيه مجموعة من الأنشطة لإبنى الصغير ( ٢٠ شهر حاليا) هأويهالكم تباعا

 

بصراحة أنا متأخرة جدا وكسولة جدا فى تعليم الولد ده وسايباه لإخواته يآكلوه هههه

 

لكن إن شاء الله هأتابعه كويس وأعمل له أنشطة مختلفة وأوريكم وآخد رأيكم

 

المطلــوب لهذا النشاط

 

كرتونة بيض فاضية (- إستخدمت نصف كرتونة كبيرة وممكن أقل حسب رغبتك

 

بيض بلاستيك بألوان مختلفة

 

ألون ماركرز أو شمع على حسب نوعية كرتونة البيض

 

الطريقة

 

نلون الكرتونة من جوة كل خانة بلون البيضة أو لون مقارب جدا للبيضة

 

ونحط كل بيضة فى مكانها فوق اللون بتاعها ونبدأ نعلم الطفل إزاى ممكن يرص البيض

 

 

 

 

هنا فى الأول وأنا بأحاول أشرح له الطريقة

 

 

 

وهنا سيبته يحاول لوحده

 

 

 

والإنفعال عمل عمايله هههه وبرضه مش راضى يفهم

 

 

 

وهنا بقى بيفك البيض وبيركب أى لون فى أى لون وخلاص – لو تلاحظوا هنا حاطط الأصفر مع الروز

 

 

 

وفى النهاية فكهم كلهم وقعد يلعب بيهم كده هههه

 

وطبعا بيوقع منهم على الأرض وآخر هبل … بس كان مبسوط قوى باللعبة الجديدة

 

هو لسه مش فاهم ومش عارف برضه بس حبة حبة إن شاء الله هيفهم .. لا يأس مع الحياة

 

وقلت ممكن فى الأول أعلمه مطابقة الألوان عن طريق كل بيضة

 

يعنى يجمع نصفى البيضة اللى ليهم نفس اللون

 

وأهه بنحاول وإن شاء الله نشوف نتيجة قريب

 

أرجو أن يكون عجبكم النشاط النهاردة ولو طبقتوه شاركونا تجربتكم