ABCFamily ما تنسـوش كل يوم تدخلــوا على
كوبون من تارجت – ١٠ دولار جيفت كارد لما نشترى ب٥٠ دولار
الكوبون رجع تانى علشان اللى ما لحقهوش أول مرة
كوبون هايل للتارجاتاوية 
– يعنى الناس اللى بيحبوا يشتروا من تارجت
لكل اللى متعودين يشتروا من تـارجــت ١٠ دولار جيفت كارد على مشتروات بـ ٥٠ دولار فأكثـــر
إضغــطوا هنــــا لطبــــاعة الكوبــــون
Gyft ١٠ دولار جيفت كارد لمستخدمى الآندرويد من
لمستخدمى الآندرويد فقك ١٠ دولار جيفت كارد من أبليكيشن جيفت لما تنزلوهـا
الأبلكيشن دى بتعمل سكان للمعظم الجيفت كاردز وتشيلوها على جهازكم بدل ما تشيلوا
الجيفت كارد نفسه وممكن تبعتوا الجيفت كارد لأى حد كهديـة
إدخلــوا هنا لقراءة المزيد عن التطبيق وتحميله إذا أردتم
إشتراك مجانى بمجلة تين فوج
إشتـــراك مجانى لمدة عام فى مجلة تين فوج تجدوهــا هنـــــــا
إصنـع(ـى) بنفسك – مزيل التشابـك
Detangler النهاردة هنعرف إزاى نعمل مزيل تشابك الشعر أو الـ
مزيل التشابك هو ببساطة جدا بلسم الشعر مخفف ومحطوط فى زجاجة سبراى بس كده
طبعــا دى سهلة جدا وإقتصادية جدا جدا لأن مزيل التشابك غالى
وبقطرات بسيطة من الكوندشنير المفضل لديك تقدروا تعملوا
زجاجة كبيرة وممكن كمان ببلاش لو إستخدمتوا السامبلز
زى ما قلت لكم ممكن تستخدموا السامبلز اللى بتيجي لنا عن طريق البريد
المطلــوب
١-٢ معلقة كبيرة من الكوندشنير – بيعتمد على كثافة الشعر – أنا إستخدمت معلقة واحدة
زجاجة سبراى – إشتريت واحدة بدولار من تارجــت من عند المكان بتاع الترافيل كيت ١٢ أونص
حنفية بتنزل ميه وبس
نحط البلسم فى الزجاجة ونملأها بالماء عادى خالص من الحنفية – يفضل ساخن لسهولة الإمتزاج – ونرج الزجاجة جيدا
حتى تمتزج المكونــات وبس خلاص مفيش أسهل من كده
الحقيقة ما عنديش بنات لكن بأستخدمها كتير لما ولادى شعرهم يطول وعايز يتحلق ومكسلين نحلق
بيقوموا الصبح من النوم شعرهم هايش ومنكوش زى الأستــاذ هنــــــا
رجيت الزجاجــة قبل الإستعمــال ورشيت منها على شعره ومشطت له شعــره وبس
سيبته لغاية لما نشف وبقى شكله جميل وخرجنــا سوا وهنا شكله بعد
لمــا الواحد بيفكر قد إيه هو صرف فلوس على المنتج ده زمان وقد إيه عمله فى البيت
لا بيآخد وقت ولا فلوس ولا حتى مجهود !!!! فعلا سهل جدا جدا
أتمنى تجربوه وتقولوا لى رأيكم بالذات اللى عندهم بنانيت قطاقيط
ديزنى بوينس – اليــوم
نصــائح مطبخيـة : طريقة عمل السمن المنزلى
السمن يباع هنـا فى المحلات العربية والهندية لكن غالى جدا جدا
عندنـا هنا مثلا علبة البقرة الحلوب الصغيرة تباع بحوالى ١٩ دولار
النهاردة هأوريكم إزاى ممكن تعلموا السمنة من الزبدة .. طبعا أغلبكم
بتعرفوا تعملوها والحمد لله .. لكن للى ما عندهمش خبرة ممكن يستفيدوا برضه
هنحتاج فقط إلى
زبدة صفرا خالية من الملح – إشتريت الباكيت بتاع كوسكو
حلة وبوتاجاز بس مش أكتر
السمن هو ببساطة زبدة متشال منها السائل وعلشان كده بنحتاج نسخن الزبدة
على الهادى فترة طويلة حوالى ٥ ساعات حتى نحصل على السمن الصافى
وهنـــا الخطوات
فى الأول نحط الزبدة فى الحلة – ومعها رشة ملح خفيفة – على نار بين متوسطة وهادئة حتى تسيح الزبدة تماما
ثم تهدئ النار عليها جدا جدا على آخر درجة تقريبا هنلاحظ إن السمنة بدأ لونها يكون أصفر من المنتصف
ونلاحظ أيضا تكون ريم على الوجة .. نزيل الريم بالمعلقة فى طبق خارجى
الريم ده ممكن نعمل بيه بيض مثلا أو نطبخ بيه .. أنا مش بأرميه
ونستمر بهذه الطريقة حوالى ٤ ساعات إضافية وده شكل السمن بعد كل ساعة بنلاقيه
بيصفر أكثر فأكثر ويصفى لونه وبنقدر نشوف قاع الحلة من جوة بعد شوية
هنلاحظ وجود مواد صلبة فى القاع متكونة من اللبن والسوائل اللى كانت فى الزبدة
ودى اللى إحنا بنسميها فى مصر المرتة بنآخدها ونغمسها زى الجبنة طعمها رااائع
لكن بأعتبرها أقصر طريق لتصلب الشرايين والعياذ بالله ربنا يحمينا جميعا
نترك السمن ليهدأ ثم يصفى ويصب فى برطمانات نظيفة ومحكمة الغلق
