مغتربة

لو إنتم مهتمين بالجديد فى عالم البناء للمنازل والتكنولوجيا الحديثة فى بناء المنازل والمواد الحديثة فى الغرض ده

أو لو تعرفوا حد بيشتغل مثلا فى المجال ده .. دى فرصه حلوة للإشتراك فرى بالمجلة هنــــــا

لو أولادكم بيحبوا كرافت ماك آند تشيز فيه عرض هايل وكوبون يخلى العرض أحلى وأحلى من ولجرينز

إبتداء من ١٠ مارس ولجرينز هيعمل العبوة بـ ٧٩ سنت – عادة بتكون بدولار فى تارجت – وكمان عندنا كوبون

١$/٣ عبوات هنـــــا تبقى العلبة = ٤٩ سنت فقط

لو عندكم ٢ كمبيوتر إطبعوا ٤ كوبونات لو تقدروا ده يعتبر عرض تخزين

اليوم وبمناسبة عيد ميلاده يقدم لنا د. سوس عرض هاائل

إدخلوا هنــــا لتحصلوا على ٥ كتب من د. سوس + شنطة باك باك + كتاب صوتى = ٥.٩٥ دولار

والشحن فرى …. إلحقوا العرض اليوم فقط الكتب تشمل

The Cat in the Hat, Mr. Brown Can Moo, Ten Apples On Top, Go Dog Go! & The Tooth Book.

يعنى يقف علينا الكتاب بأقل من دولار الواحد … طبعا الكتب موجودة بالمكتبات العامة لكن ده ممكن يكون هدية حلوة جدا ومفيدة لأى طفل صغير وأيضا مهمة للى بيحب يعمل مكتبة صغيرة لأولاده يقرأ لهم منها

بعد ما إنتهينا من الحروف كلها بحركة الفتح نعلم الطفل بدايات القراءة

هنـــــا يمكنكم تحميل أوراق عمل لقراءة كلمات بحركة الفتح

طبق اليــوم هو سلطة بسيطة .. إنما أنا إتعلمتها من سيدة سورية الله يمسيها ويصبحها بالخير ويفك كرب أهل سوريا كلهم .. السلطة دى بتحوز على إعجاب الجماهير بلا مبالغة ومش قادرى أعرف إيه اللى فعلا بيميزها عن باقى سلطات الزبادى اللى فى العالم … لكن أهه بقى يمكن النفس … دى بتعتبر الطريقة الوحيدة بالنسبة لى اللى بأقدر آكل بيها الزبادى .. تعالوا نشوف السرررر الخطيييرررر

المكونات

١ ونصف كوب زبادى سادة – يوجورت

٤/١ كوب ماء من الصنبور

١ خيارة كبيرة مقشرة ومقطعة مكعبات

فص ثوم مدقوق ناعم

ملح وفلفل وشوية نعناع ناشف تقريبا معلقة صغيرة واللى يحب يزود براحته

الطريقــة

فى وعاء عميق نخلط الزبادى مع الماء والملح والفلفل .. يضاف الماء تدريجيا حتى يصل للقوام المناسب

أنا مش بأحب السلطة دى تكون تقيلة علشان كده ده المقدار المناسب لعائلتى كمان مش بأستعمل الجريك يوجورت

بأستخدم زبادى عادى .. بس فيه ناس تحبها تقيلة إنتم والمفضل عندكم

نتذوق الخليط للتأكد من الملح والفلفل ثم نضيف الثوم المفروم ونخلط ثم الخيار

 والنعناع الناشف ونقلب حتى يمتزجزا مع بعض جيدا

وبس خلاص نقدمها بالهنا والشفا مع المشويات ومع ورق العنب والمحاشى وأيضا مع صينية المسقعة

يا سلااام ولا أحلى من كده

أنا قدمتها مع بعض المشويات والبطاطس مسلوقة ومحمرة خفيف وبالهنا والشفا

هنـــــا يمكنكم تحميل أوراق عمل حرف اليـــاء المفتوح