باندا إكسبريس أمريكا :: فري تانى من باندا ١٧ ابريل
باندا إكسبريس عاملين عرض لااااا يفوتكم .. يوم ١٧ أبريل
فري طبق ساموراي سيرف آند تيرف .. يجب طباعة الكوبونات بعدد أفراد الأسرة
أمريكا :: ما تنسوش الريبيت من لايسول
لو إستفدتم من العرض بتاع لايسول وإشتريتوا الوايبس قبل ١ أبريل … يا ريت تكونوا إفتكرتوا
ما تنسوش تبعتوا الريبيت قبل ١ مايو .. تقدروا تطبعوه من هنــــا
إصنع(ـى) بنفسك :: صابون غسالة الأطباق
السنـة دى أنا قررت أحاول أعمل منتجات النظافة فى البيت على قد ما أقدر وقبل كده شفتوا طريقة عمل مسحوق غسيل الملابس والحقيقة شغال معايا كويس جدا وبرضه جربت كتير فى منعم الأقمشة لغاية لما وصلت لنتيجة هايلة .. دلوقتى فكرت قى مسحوق غسالة الأطباق وده ليه طرق كتير على الإنترنت بس بعد التجارب وجدت إن دى أحسن طريقة لأن مهم عندى جدا إن المنتجات اللى نعملها فى البيت تكون غير مكلفة – فعالة – وسهلة يعني مش متعبة فى عمايلها .. بالنسبة لمسحوق الأطباق سهل وغير مكلف وأيضا فعال بالذات مع مساعد الشطف اللى برضه بأعمله فى البيت وهأبقى أقول لكم عليه فى بوست آخر … دلوقتى نييجي بقا للصابون
هنحتاج الآتى
٢/١ كوب ووشينج صودا … أو إعملوه بنفسكم هنــــا
٢/١ كوب بوراكس
٤/١ كوب ملح خشن أو كوشر
٤/١ كوب سيتريك أسيد أو ٢ باكيت من كوول إيد ليمون بدون سكر طبعا
الطريقــــة
نخلط جيدا جميع المكونات معا ونضعها فى علبة محكمة الغلق
الهدف من إستخدام الملح الخشن هو إنه بيعمل على فرك الأوساخ من الأطباق
البوراكس طبعا منظف طبيعي وبيزيل البقع أما السيتريك أسيد أو الكوول إيد بيعمل على تيسير الماء العسر
للإستخدام فقط ١ معلقة صغيرة لكل حمل من الأطباق
الحمد لله كانت التجربة ناجحة جدا والأطباق كانت نظيفة … التكلفة تقريبا ٢.٤٥ دولار للـ ٢٤ غسلة
تارجت أمريكـا :: عرض حلو على سمارت وانز
